في عربيه سامر
خالد:مش عارف اقولك اي بجد يا سامر شكرا بجد انك جيت توصلني بعد ما عربيتي عطلت والشباب كلهم مع كريم في البيت بتاعه
سامر: لا ولا يهمك يا خالد احنا اخوات يا جدع وبعدين هما كلهم هناك في البيت بتاع كريم ولا اي
خالد:ايوه انت عارف لن الفرح خلاص بعد كام يوم يدوبك بيفرشوا البيت وهينزلوا يجيبوا الفساتين
سامر بخبث: باذن الله يوم الفرح هعملكوا مفاجأة هاتعجبكوا كلكوا
خالد كان بيبعت ماسدج ل اياد فا مكنش مركز مع نظرات سامر
خالد:اه باذن الله طيب انا هروح بقا لكريم هتنزل معايا ولا هتمشي
سامر:لا هوصلك وامشي عندي شغل كتير
================================
عند زينه ووسام كانوا ماشين ورا عربيه سامر
زينه:اكيد سامر ده كمان وراه مصيبه امبارح كان مع سالم ودلوقتي مع خالد ياتري هو في صف مين
وسام:الشرير اكيد ده راجل شكله مش تمام واحنا لازم نكون وراه
زينه:احنا اي بس يا وسام انت لازم ترجع الاوتيل وانا هكمل مشواري وارجع سالم
وسام:لا يا حضره الظابط أنا هفضل معاكي للاخر الي بدائناه سوي هننهيه سوي
زينه ابتسمت بهدوء وكملت مراقبه سامر وخالد
================================
في بيت كريم
ساره بصريخ:طلقني يا كريم بقولك طلقني حالا
كريم: لا يساره مش هطلقك واعلي ما في خيلك اركبيه وده الي عندي
ساره:لا هتطلقني علشان أنا بكرهك ها
كريم:وانا مش هطلق علشان بحبك ها
ملك ونورهان كانوا قاعدين علي الكنبه الكبيره بيتفرجوا علي خناقه كريم وساره و اياد كان قاعد علي كرسي جنبهم
نورا ب انزعاج:ايه الصوت ده دول بيتخانقوا ليه دول
ملك:تعالي اقعدي جنبي يا ستي واتفرجي علي الشو بتاع كل يوم
نورهان:بيتخانقوا علي الزرع بتاع البلاكونه هيجيبوا ورد ابيض ولا احمر
نورا:ياااه علي الفصلان هيسكتوا امتي دول البت ساره كل ما الفرح يقرب تتهبل اكتر
اياد رفع عينه من الفون: هيسكتوا دلوقتي خالد خلاص جاي علي اول الشارع اهو
وبعد شويه دخل خالد
خالد بابتسامه:مساء الخير يا شباب ايه ده الاتنين المتخلفين دول لسه بيتخانقوا من امبارح
نورهان:سيبك منهم يا خالد المهم هنعمل اي
مروان دخل في اللحظه دي:ايوه ده السوال المهم
كريم:اممم هتخطتوا لفرحي من غيري تمام
نورا:فاضل علي الفرح تلات ايام كده كده بكره لازم ننزل نشتري الفساتين والبدل بتاعتكم
ساره:هنعمل حنه ولا لا يا بنات
خالد:حاجه ترجعلوكوا كده كده احنا هنعمل حفله خاصه بينا توديع عزوبيه للباشا
اياد:ايوه يا لوده يا جامد دلعني
ملك:يعني اي توديع عزوبيه
اياد:دي يا اخت ملك حفله للشباب بس بنعمل فيها كل حاجه حلال بنصلي ونصوم ونزكي
مروان:كداب الحفله دي شبااب بس وبيجيبوا فيها بنات غالبا رقاصه ولا حاجه
نورا:شربتي حشيش ولا لا يا سعديه
نورهان بغضب:وانت يا استاذ خالد عاوز تهيص مع الرقاصه مش كده
خالد:ابدا مش أخلاقي
والكل كان بيضحك وفجأه الباب خبط
فتح مروان الباب واتفاجئ ب زينه ووسام قدامه
مروان:زينه ايه المفاجئ الحلوه دي تعالي ادخلي كلهم موجودين جوه
دخلت زينه مع مروان ووسام والكل اتفاجئ بزينه
نورهان:مش ممكن زينه ايه المفاجئ الحلوه دي
والبنات قاموا يسلموا عليها ويحضنوها
ساره:انتي عرفتي أن فرحي بعد يومين فا جيتي
زينه:فرحك لا انا جيت بالصدفه أنا جايه علشان س..
قاطعتها نورا:مين الشب ده وسالم فين مش معاكي يعني واحشني والله
اياد حس بنار جواه لما نورا جابت سيره سالم
زينه:مهو اصلا أنا جايه علشان أحذ..
قاطعها كريم:مش مهم دلوقتي اي كلام يلا هنروح كلنا وبكره نروح نشتري لبس الفرح ونستعد بقا
زينه بصت ل وسام بتوتر
نورهان:احنا البنات كلنا قاعدين في بيت ملك لحد يوم الفرح تعالي اقعدي معانا
كريم:واحنا قاعدين في بيت خالد وانت يا كابتن متعرفناش عليك
وسام:أنا وسام صديق لزينه
خالد:اه اتشرفنا انت كمان هتيجي معانا يلا نروح معندناش وقت
وابتدا خالد يتحرك فا زينه مسكت ايده علشان توقفه
زينه:يا خالد استني بس اسمعني
نورهان حست انها عاوزه تضرب خالد وزينه في اللحظه دي
خالد قاطع زينه:مش وقته يا زينه احنا ورانا كذا حاجه يلا يا رجاله ورايا علي العربيات
زينه بصت لوسام الي طمنها
وسام بهمس:هنكلمهم في وقت تاني متقلقيش
نزلوا كلهم ورجعوا علي البيت
كانوا البنات قعدين متجمعين في الصاله
ساره:فكرتوا هنعمل حنه ولا لا
ملك:اكيد هنعملها بس علي طريقتنا
وبصت لنورا بخبث وشر
نورهان:مش مرتحالكوا انتوا الاتنين
نورا:مش هما هيجبوا بنات الحافله بتاعتهم احنا بقا نجيب شباب يعملوا الفقرات ونخلي كريم يغير بدل ما هو شبه الميه الساقعه كده
نورهان لقت أن كده هتحرق دم خالد
نورهان:انا موافقه جدا علي الفكره دي لازم نوريهم
ساره:يا شيخه انتي موافقه علي الكلام ده
نورهان بأرتباك:ايوه علشان تفرسي كريم زي ما هو هيقضيها مع بنات
ملك بخبث: كريم برضه
والبنات كلهم ضحكوا
================================
تاني يوم الكل اتجمع عند بيت ملك
خالد:يلا انجزوا عاوزين نشتري الهدوم بسرعه انتوا مش بتخلصوا أنا عارف
ساره:خلاص خلاص جينا اهو في اي
كريم:فين الباقي
ساره:في الاوض بيلبسوا
خالد:أنا هطلع استعجلهم
خالد طلع للبنات فوق
مروان كان في عربيته ومعاه وسام و كان اياد واقف مع ساره وكريم
كريم:احم ما تدخل يا اياد تنده علي الشباب
اياد:مش هتحرك من هنا
ساره بتذكير:رن علي خالد خليه يدخل عند البسين ينده لنورا صحيح هي مش فوق
اياد:لالاا لالا أنا هدخلها أنا خلي خالد زي ما هو
في اللحظه دي كانت زينه ونورا بيتكلموا في الجنينه واياد دخل سمعهم
نورا:يعني ليه سالم مجاش معاكي ومين وسام ده
زينه:مهو ده الي عاوزه اتكلم معاكوا فيه من امبارح سالم أنا كنت جايه علشان اقول إنه هايح...
قاطعها اياد:اخرجي يا زينه اركبي عربيه مروان مستنيكي بره
زينه:يا اياد بس
اياد بابتسامة:يلا يا زينه بسرعه
خرجت زينه ولف اياد لنورا
اياد كان بيقرب منها وهي بترجع لورا
اياد بضيق: بتسألي علي الزفت ده لي
نورا وهي لسه بترجع لورا: عادي كنت بشوفه
اياد:اممم وانتي مالك
نورا:الله يا اياد في اي مكنش سوال
اياد مسك ايديها فاجأه:لو سمعت اسمه علي لسانك صدقيني يا نورا هقطعهولك
نورا:انت بتهددني
اياد:لا يا نورا بقولك هعمل اي
كان اياد سارح في عيون نورا وهي كمان سرحت
مره واحده فون نورا رن
نورا:سيبني يا اياد
اياد سابها وهي ردت وكان شب زميلها في الجامعه
نورا:ايوه يا ابني عامل اي ليك وحشه والله هههه ايوه كويسه
اياد اخد منها الفون ورماه في البسين وسابها ومشي
نورا:الله يخربيتك الفون وقع في الميه اتجنن ده ولا اي
وخرجت نورا وقابلت سامر بره
سامر: مالك يا جميله الجميلات ايه معصبك
نورا:الزفت اياد شكله اتهبل خالص
سامر:لي حصل اي
نورا:المجنون رمي الفون بتاعي في البسين
سامر:ايييه يعني انتي حاليا مش هتقدري تستقبلي ماسدجات
نورا:انت عبيط يا سامر انت كمان بقولك الفون وقع في الميه زمانه اتحرق
سامر:اه طيب انا ورايه مشوار مهم لازم امشي أنا دلوقتي
نورا:اتجننوا دول ولا اي أنا هطلع اجيب شنطتي من فوق
طلعت علي الدور الي فوق لقت خالد خارج من اوضه
خالد:نورا عاوزك في كلمتين
بره خرجت نورهان وملك
كريم:آمال فين خالد
ملك:معرفش هو مش كان معاكوا
كريم:ده طلعلكوا من بدري
ملك:لا مدخلناش اصلا
وخرج بعدها بكام دقيقة نورا وخالد
ركبت نورا مع اياد وخالد ونورهان عربيه اياد
و مروان ووسام و ملك و زينه عربيه مروان
وعربيه كريم كان فيها كريم وساره
في عربيه مروان
وسام كان بيبعت ماسدج:رائف كل الحركات الجايه لازم تبقي مدروسه مش عاوزين حد يشك فينا اخيرا قربنا نوقع اكبر تاجر مخدرات في البلد
رائف:متخافش يا وسام كل حاجه تمام يا حضره الظابط أنا هفضل مراقبه وانت خلي بالك من زينه وباقي الشباب الي عندك
وسام: تمام يا فندم
وسام بتفكير: والله وبقيت بين ايدينا يا سامر الكلب
