وقفنا المره الي فاتت لما خالد كلم ساره وطلب منها أنها تيجي
في اوضه نورا
نورا:ملك ملك ملك
ملك بنوم:ايه يا زنانه علي الصبح في اي
نورا:اخلصي ورانا يوم طويل انهارده صحي النوم كده خشي خديلك شور كده وانضفي لحد ما اروح اصحي اياد و مروان واجي
ملك:تتحرقوا كلكوا كان مالي أن ومال الكلام ده كله
نورا:سمعاكي يا بومه
خرجت نورا وراحت للاوضه بتاعت الشباب
اياد:مين بيخبط
نورا:ده أنا يا اياد صحي النوم
اياد فتح الباب لنورا ومكنش لابس تيشيرت
نورا شهقت بفزع وخبت وشها بايدها:يخربيت معرفتك انت ازاي تخرج كده خش البس حاجه استر نفسك
اياد:استر نفسي ليه قفشاني اداب
نورا لفت وشها الناحيه التانيه: اجهز يلا انت ومروان واستونا في الكافيه
اياد:انتي بتكلمي الحيطه مثلا ما تبوصيلي يا بنتي بدل مانا بكلمك ضهرك كده
نورا:طيب البس حاجه طيب
اياد:ليه مضايقك في حاجه الجو حر
نورا:ماينفعش اشوفك كده
اياد:ايه ده يا نورا لاتكوني بتتكسفي زي البنات ولا حاجه
نورا:اياد خمس دقايق وتكون تحت وانا هوريك بتكسف ولا لا
مشيت نورا و بعدين الكل اتجمع في الكافيه معادا خالد وكريم
كريم:عاوز اعرف احنا هنا بنعمل اي
خالد:بفكر نعمل سفاري ايه رائك
كريم:خالد انت مش بتاخد رائي ولا خدت رائي حد انت اساسا اشتريت نص الحاجه وجاي تقولي دلوقتي
خالد:اه
كريم بنرفزه:يارب ربع بروده يارب
خالد:كده خلاص تمام
كريم:معلش بس احنا ٩ انت جايب ليه ١٠خيمات
خالد:اصل ناوي افتح اتنين علي بعد
كريم:يارب مش عاوز ربع بروده عاوز نقطه منه هتكفيني وزياد يارب
خالد:يلا وبلاش لوك لوك
في الكافيه
مروان:ناوليني المربه ونبي يا سلمي
سلمي: اتفضل
دخلت بنت كانت زي بتدور علي حد وسالت الجارسون :لو سمحت متعرفش فين مستر خالد أنا سألت في الريسبشن قالوا ان هو وأصحابه بيفطروا هنا
الجارسون:هما الي هناك دول عيله مستر خالد بس هو ومستر كريم مش موجودين معاهم بس ممكن تساليهم
الفتاه:شكرا
احمد:خالد وكريم فين صحيح
نورهان:خالد كالمني الصبح وقال إنهم رايحين يشتروا حاجات لزوم السهره
الفتاه:لو سمحت مستر خالد موجود
اياد:سيبك من مستر خالد ينفع مستر اياد
الفتاه:افندم
نورا:سيبك منه خالص مين حضرتك
الفتاه:أنا ساره بشتغل مترجمه تركي ومستر خالد طلبني هنا في شغل
ملك بهمس:ساره مين
سلمي:مش عارفه
ملك: اه ساره افتكرتك
ساره:افتكرتيني
سلمي:هو انتي تعرفيها
نورا:يا هبله ساره الي كريم طلبها امبارح علي المركب
سلمي:اه صح صح افتكرت
نورهان:اتفضلي اقعدي يا ساره هو رايحين مشوار وجايين علي طول
ساره:شكرا يا فندم
نورهان:اسمي نورهان مش فندم تمام يا ساره
ساره:اه تمام
وبعد شويه وصل خالد و كريم
كريم:ساره انتي بتعملي ايه هنا
ساره:هو حضرتك تعرفني
نورا بهمس: يخربيتك بوظت الخطه
خالد ضرب كريم في بطنه من غير ما حد ياخد باله
خالد: كريم يقصد انتي ساره الي كلمتك امبارح
ساره:حضرتك مستر خالد
خالد:ايوه انا واعرفك بكريم صديق عمري
اياد شرق وابتدي يكح مروان بيطبطب علي ضهره بضحك:عديها معلش
ساره:اهلا وسهلا مستر كريم اتشرفت بمعرفتك
كريم:انا اكتر والله
خالد:اعرفك بالباقي اياد ومروان دول اخواتي ونورهان خطيبتي ونورا اختها و ملك صاحبتهم وأحمد وسلمي ولاد عم نورهان ونورا
ساره:اتشرفت بيكم كلكم طيب ايه طبيعه الشغل يا مستر
كريم: مبدئيا كده مفيش بنا القاب يا ساره احنا كلنا شباب زي بعدينا تاني حاجه احنا طالعين سفاري بليل اتمني تبقي معانا واتعملي معانا كانك واحد من العيله
خالد في سره:شوف الواد اه يا كريم الكلب
ساره :ده شرف ليا طبعا يا مس.. قصدي يا كريم
خالد:في فوج تركي موجود فا بس كل الي مطلوب منك لو تعاملوا معانا تترجمي الي هيحصل ولا اكتر ولا اقل
ساره:اكيد
كل واحد طلع اوضته علشان يجهز
خالد:يابني بي بقا كفايه
كريم:ابوسك يا خالد بحبك والله
خالد:خلاص عرفت ادخل غير هدومك بقا علشان تلحق تتسهوك زي ما حصل في الكافيه
كريم :دقيقه وهتلاقيني قدامك
في الشارع كان كريم وأحمد و خالد واياد ومروان مستنين البنات
اياد:بيلبسوا في شهر ايه كل ده
مروان : ايه ابتدت تنزل اهي
وكانت ساره نازله ولابسه كده
