بعد شويه الكل وصل القاهره
عند بيت ساره
كريم:ابقي خديلي بقا معاد مع انكل علشان اجي اطلبك منه راسمي ونحدد الخطوبه
ساره:من عنيا هكلمك بليل ابلغك بالمعاد بس صحيح أنا كنت جايه علي أساس في فوج تركي بس أنا مشوفتش حاجه
كريم بتوتر: ها حمد الله على سلامتك يا ساره
ساره:كريم ماتوهش
كريم:هو أنا الي جبتك اسالي خالد السوال ده ويلا بقا انا همشي دلوقتي علشان عاوز انام بصراحه
ساره:اوكي سلام
================================
عند بيت نورهان
احمد:اخيرا رجعنا البيت بس شرم هتوحشني اوي
نورا بغمز:شرم ولا ناس شرم يا كابتن
خالد:حمد الله علي السلامه يا شباب
سلمي:يلا ندخل أنا جدو وحشني وماما واخوالي جدا
نورا وسلمي دخلوا يجروا علي جوه
نورهان:يلا يا خالد يلا يا اياد قدامي علي جوا انتوا هتتغادوا معانا انهارده
خالد:لا أنا ما هصدق اروح انام شويه واجري علي الشركه
نورهان:الشركه مش هتطير يلا قدامي
دخلت نورهان وأحمد و اياد و خالد
نورا:وحشتيني يا ديدا جدا
فريده:وانتي اكتر يا نوري نورهان حبيبتي وحشتيني
نورهان وهي بتحضن مامتها:وانتي اكتر يا مامي فين بابا وعمو ابراهيم وعمو مصطفي وجدو
مريم :جدو نايم فوق أما الباقي في الشركه وحشتوني يا بنات
نورا ونورهان بيحضنوها:وانتي اكتر يا ماما
سلموا البنات علي سميره و خديجه
نورا: أنا هطلع اصحي جدو اسلم عليه
الجد نزل وسلم عليهم وجه محمد وأخواته والكل قعد يهزر ويضحك ويحكولهم علي أحداث الرحله
================================
في الاسكندريه
وصل مروان لحد بيت مامت ملك
دخلت ملك ومروان البيت وشافت علي قاعد بيلعب في الجنينه
ملك بابتسامه:علي
علي بجري علي ملك وحضنها:ملك وحشتيني اوي يا ملك
ملك:وانت اكتر يا علي عامل اي يا روحي
علي:بقيت كويس لما شوفتك يا ملك
مروان:احم احم بالنسبه لشوال البطاطس الي واقف هنا ده مش هيتعرف ولا اي
علي:مين شوال البطاطس يا ملك
ملك:احم اقدملك يا علي عمو شوال البطاطس قصدي عمو مروان ده الي ساعدني اني اجي هنا علشان اخدك معايا القاهره
علي:بجد يا عمو هتوديني القاهره مع ملك
مروان:طبعا يا حبيب عمو يلا روح جهز حجتك علشان هنسافر بعد ما نستاذن طبعا اهلك
ملك:فين ماما يا علي
علي:زي كل يوم في النادي
ملك:تمام اطلع انت دلوقتي وانا هكلمهم
ملك بتتصل بمامتها بس مردتش عليها
ملك:طبعا مش بترد هي فاضيه علشان ترد علي بنتها الي بقالها سنين ماشفتهاش
مروان:هدي نفسك يا ملك شويه وحاولي تاني
ملك:ولا هحاول ولا زفت أنا هرن علي بابا لو مردش هاخد علي ونمشي
كلمت ملك بباها ورد عليها
كمال:ملك غريبه ياعني انك تكلميني عامله اي طمنيني عليكي اسف بقالي ٦شهور مجتش زورتك اعذريني يا بنتي
ملك:ولا يهمك يا بابا أنا أصلا هنا في اسكندريه وجايه اخد علي يعيش معايا في القاهره
كمال:طيب استني عندك بس لحد ما اجي وانا ساعه بالكتير وهكون عندك
================================ببعد شويه
دخلت مامت ملك
سالي:ملك انتي جيتي امتي
ملك: من شويه جايه اخد علي وهمشي علي طول
سالي:شكلك بتهزري صح علي ايه ده الي هتخديه ده مستحيل يحصل
ملك:لا هيحصل يا مامي ومنغير مشاكل بليز أنا مستنيه بس بأبي يجي علشان محدش يحاول يرجعه اسكندريه تاني
علي:بابا جه يا ملك
لفت ملك ناحيه الباب لقت شاب داخل
ملك:بابا اذاي يا علي مين ده
سالي:ده ده ده بلال
ملك:الي هو
بلال:جوزها
ملك من الصدمه كانت هتقع بس مروان جري عليها وسنادها
ملك:جوزك جوزك اذي يا عني يا سالي هانم ومن امتي ما تردي عليا ساكته ليه
بلال:مالك يا انسه في اي متجوزين بقالنا سنه ونص تعالي يا علي تعالي يا روح بابا محدش هياخدك من هنا
في الوقت ده جه كامل
كمال:علي مالهوش غير اب واحد وهو أنا ومتقولش انك ابوه فاهم
ملك:انت كنت تعرف
كمال:عرفت من شهرين بس هي كانت مخبيه الفتره الي فاتت
ملك راحت لبلال:انت عندك كام سنه
بلال:24
ملك بضحكت سخريه:مامي أنا عندي 19سنه ياعني البيه قد عيالك نفسي افهم كان مخك فين قتها وانت اتجوزت واحده قد امك اخص عموما انا ماشيه يلا يا علي
سالي:علي جثتي انك تاخدي علي من حضني
ملك:علي أساس انك فضياله مثلا بس أنا فعلا هاخده يا ماما بالزوق أو العافيه
كمال:هتاخديه بالزوق لأنها لو رفضت هرفع عليها قضيه اني أضم علي لحضانتي لأن هي متجوزه دلوقتي وساعتها علي هيعيش معايا وهبعته وقتها القاهره لملك
سالي:أنا مستحيل حد ياخد مني ابني انت فاهم
كمال:خلاص نقضيها بقا محاكم و اقل من ساعه هيكون الخبر في الجرايد والتلفزيون
ملك بانهيار:بس بقا اسكتوا أنا تعبت
مروان:ملك اهدي انتي كويسه طيب
ملك قعدت علي الارض ومروان قعد جمبها ومسكها من راسها
ملك بدموع:مروان بليز يلا ناخد علي ونمشي أنا تعبانه اوي
مروان:اهدي يا ملك والله ما هنخرج منهما من غيره بس انتي اهدي أنا مستعد اعمل اي حاجه بس متعيطيش
كمال:قومي خدي علي وامشي يا ملك ومالقيش دعوه بالباقي
قامت ملك وهي خارجه قدام مروان بلال مسك ايديها وقرب وهمس في ودناها:هنتقابل تاني يا انسه ملك متقلقيش وهيكون قريب والايام بينا
خرجت ملك بهدوء ووراها علي و مروان
سالي:انت اذاي تسمح بكده أنا مش هسكت
كمال:متسكتيش اعلي ما في خيلك اركبيه ابني وبنتي هيكونوا احسن بعيد عنك وملك هتخلي بالها كويس اوي من علي ويوم ما هتفكري تقربي من علي صدقيني وقتها القانون هو الي هيقف بينا يا سالي سلام
================================
بره قدام البيت
مروان: كان بيقولك ايه جوه
ملك بشرود:هنتقابل تاني والايام بينا بس مش مهم كلامه المهم أن علي خلاص بقا معايا
كمال:ملك أنا آسف جدا علي الي حصل واسف اني بقالي فتره مقصر في حقك بس مش بايدي انتي عارفه اني حياتي كلها في الشغل
ملك:ولا يهمك يا بابا علي الاقل انت بتيجي تزورني كل شهرين تلاته أو بتكلمني فون كل اسبوع او عشر ايام وحتي متجوزتش واحده في سن بنتك زي ما هي عملت
كمال حضن علي وبعدين حضن ملك:هتوحشوني يا ولاد وانشاء الله هزوركم قريب خلي بالك يا ملك من علي وانت يا علي عاوزك تبقي بطل كده وتحمي اختك وشكرا جدا يا مروان انك وقفت جمب بنتي
مروان: أنا معاملتش غير الواجب يا عمي
كمال:مع السلامه يا ولاد
ركب مروان و ملك وعلي العربيه
مروان:نام انت بقا يا علي في الكنبه براحتك وهتصحي تلاقي نفسك في القاهره انشاء الله
ملك:لا مش عاوزه اروح القاهره دلوقتي تعالي نبات في اي حته وبكره الصبح نسافر
مروان:الي انتي عاوزاه احجزلنا في اوتيل لحد الصبح
ملك:لالا مش عاوزه اوتيل احجزلنا شاليه
مروان: اشمعني
ملك:مروان متجادلنيش لو سمحت احجزلنا شاليه
مروان:تمام ماتنمش بقا يا علي مفيهاش سفر
================================
عند ساره
ساره:الو يا كيمو
كريم:ايه يا قلب كيمو يا روح كيمو
ساره:أنا كلمت بابا وقالي هيه يحس يوم التلات الساعه 9
كريم:بجد أنا مش مصدق نفسي يا ساره أنا كاني بحلم
ساره:طيب خلي بالك الحلم يتحول لكابوس
كريم:احلي كابوس في حياتي
ساره:طيب مع السلامه بقا علشان ماما بتندهلي
كريم:باي يا عمري
كريم فتح الواتس علي جروب الي عمله هو و خالد واياد ومروان عمل ريكورد:ياولاد بلادنا يوم الخميس هكتب كتابي وابقي عريس اجهز يلا انت وهو باحلي لبس عندكوا علشان هنروح سوي نطلب ايد ساره يوم الخميس الساعه ٩وربنا الي هيتاخر عجيبه من قفاه واديني حظرتكوا
================================
في بيت عبد الرحيم
خالد:كريم حدد معاد مع والد ساره علشان يطلب أيدها ويحدد الخطوبه
نورا:بجد مبروك
خديجه:عقبال خطوبتك انت ونورهان يارب
نورهان:بابا بمناسبه الموضوع ده أنا مش هكمل مع خالد
محمد:ايه هو عملك حاجه خلال السفر
نورهان:ابدا يا بابا بالعكس أنا شوفت فيه الصديق والاخ مش الزوج علشان كده انا قررت اني علاقتي أنا وخالد تبقي صداقه وكمان أنا قررت اسافر اعمل بروجكت الجامعه الي كنت مأجلاه
محمد:وانت رائيك ايه يا خالد
خالد:أنا متفق جدا مع نورهان وشايف أن الصداقه بيني وبينها قويه جدا
محمد:تمام وانا مش هعارض رغبتكم دي في الاول والاخر حياتكم انتوا
فريده:انت بتقول ايه يا محمد
محمد بهمس وغمز لفريده:الصداقه عنوان الحب
كفايه كده بقا انشاء الله كل يوم في المعاد ده هنزل بارت جديد اتمني بقا تدعموني بكومنتاتكوا وتوقعاتكوا في الأحداث♥️♥️
