في الصباح
نورهان:الله عنب انتوا جبتوه منين
كريم:اتمشينا أنا وخالد ورا كده لاقينا عنب جبنا شويه
ساره:طيب يلا ناكل
احمد:أنا هروح اغسلوا
مروان:كل واحد ياخد شويه يا بقر وسيبوا للنايمين
خالد:محدش نايم غير نورا اساسا هنسبلها شويه
اياد:لا يا حبيبي الي غايب مالهوش نايب معروفه
ملك:لا يا جدعان نورا ممكن تقتلك فيها
اياد:يابنتي متقلقيش أنا بقيت مسيطر علي نورا
سلمي:يا راجل
اياد:انتوا بتشكوا فيه
احمد:يلا ناكل
نورهان:الله يخربيتك كلت العنب كله ده انت بقا كده هتسلم علي الشهداء
ملك:نورا بتعشق العنب لو عرفت انك كلته كله هتقتلك
سلمي:بس العنب كان طعمه حلو اوي
نورا:عنب الله فين العنب ده هاتوه بسرعه لحد ما اشرب عطشانه
خالد:عاوز اقولك يا نورا أن احنا كنا سبنالك شويه بس اياد كالهم كلهم
نورا:اه اياد ايه بتقول ايه اياد كالهم
مروان:حصل يا نورا وفضلنا نقوله لا نورا بتحب العنب وهو يقول ما تولع نورا
نورا بصت لاياد بغضب وبعدين قعدت
كريم:مفيش اي راكشن
نورا:هعمل ايه يعني بالهنا والشفا ناوليني يا ساره المياه عطشانه
اياد:مش قولتلكوا اني بقيت مسي..
قاطعه كلامه المياه الي ادلقت في وشه
احمد:مسيطر
نورا:ده أنا هطلع عينك
وراحت مسكته من لياقه القميص
نورا:وربي يا اياد لو مجبتلي عنب دلوقتي لهشرب دمك الي جواه العنب ومش هتردد ثانيه
مروان:ها ها ها البس يا حلو
اياد:طيب اجبلك عنب منين أنا دلوقتي استهدي بالله كده
خالد:امشي قدام كده شويه هتلاقي مزرعه فواكه قبل المزرعه في عنب متدخلش جوه المزرعه يا غبي مش عاوزين مشاكل
نورا: يلا قدامي
اياد:ربنا علي القوي والمفتري
مشيوا اياد و نورا
سلمي:احمد تعالي نجري شويه ونعمل شويه رياضه علي الصبح كده
احمد:قدامي يا اخره صبري
سلمي:حبيبي يا ابن الخال
مروان:طيب ايه الملل ده ماتيجوا نعمل حاجه
خالد بهمس لكريم:بقولك ايه ما تقوموا اتمشوا شويه كده عاوز نورهان في كلمتين
كريم بهمس:واللعه معاك يا عم
كريم:طيب يا مروان ماتيجي نروح نستكشف المكان
مروان:طيب يلا قوموا يا بنات
ساره:هنروح فين بقا
مروان:امشي وانتي ساكته
نورهان جت تقوم علشان تروح معاهم خالد مسك أيدها
ملك:مش هتيجي معانا ولا ايه يا نورهان
نورهان:لا أنا هستني نورا وهنحصلكوا
كريم:يا ستي امشي انتي مالكيش دعوه بحد
كريم وملك و مروان و ساره مشيوا
نورهان:مكنتش اعرف انك بتعرف تضحك وتهزر زي البشر كده آمال ليه البوز الي شوفناك بيه لحد ما بقيت انت وكريم اصحاب
خالد: نورهان ممكن نتكلم شويه
نورهان:نعم اتفضل
خالد:نورهان أنا فكرت كتير بصراحه وقررت نبقي صحاب
نورهان:تقصد ايه
خالد:قصدي أن ليه منبقاش صحاب زي اياد ونورا وملك ومروان ولو يا ستي قدرنا نفهم بعض خلاص نتجوز ولو مافهمناش نبقي كسبنا صداقتنا وانا اوعدك مش هقطعها
نورهان:فكره حلوه يا خالد وانا كمان اوعدك اني مش هقطعها
خالد بابتسامه ومد أيده لنورهان:خلاص صحاب
نورهان بابتسامه وسلمت علي خالد:صحاب
نروح بقا للمجانين اياد و نورا
اياد:أنا مش فاهم ايه الي احنا فيه ده بس يا ربي
نورا:مش انت الي طفس اشرب بقا
اياد:أنا كنت فاكر انك هتبقي زي البنات كده وتتكسفي بسبب الي حصل امبارح
نورا:ايه الي حصل امبارح أنا كنت هقع و انت مسكتني ايه يخليني اتكسف أنا بس كنت مكسوفه منك علشان كنت قالع التيشيرت وانا مبحبش كده
اياد:انتي بتتكلمي جد
نورا:ايوه و بعدين بص يا اياد المزرعه هناك اهي
جريت نورا علي العنب وقطفت شويه
نورا:اياد هات المياه الي معاك نغسل بيهم العنب
اياد غسلها العنب وابتدا نورا تاكل واياد كان بيراقبها بحب
اياد في سره :جنينتيني يا نورا شوفت بنات اشكال والوان محدش اثر فيه زيك كده هو أنا حبيتك ولا اي يارب إذا كانت من نصيبي زود حبها في قلبي ولو لا شيلها من بالي وتفكيري يارب
نورا:اياد اياد انت روحت فين
اياد:بفكر في كلامك
نورا: كلامي انا
اياد:ايوه انتي عاوزه تقنعيني يعني أن لو كنت حضنتك وانا لابس التيشيرت مكنتيش هتتاثري
نورا:لا خالص ويلا علشان نمشي
نورا كانت ماشيه شدها اياد عليه وحط أيده في علي ضهرها يشدها عليه اكتر
نورا اتاثرت فعلا بس خبت ده
نورا ابتدت تضحك:انت والله شكل عقلك في حاجه يا اياد
اياد:بصيلي في عيني وبطلي ضحك شويه
نورا برقتله:اهو بصيت في عينك اهو
اياد ضحك:والله انتي هبله يا نورا بتبوظي كل حاجه
نورا:لو خلصت رومانسيتك دي يا حنين يلا نمشي بقا
اياد:ماتخلينا قاعدين هنا شويه
نورا:طيب سيبني طيب حد يشوفنا من المزرعه دي يفتكرنا بنعمل حاجه غلط
اياد سابها:أنا بفكر ندخل
نورا:لو دخلنا كده هيفتكروا أن احنا حراميه احنا المفروض ندخل علي أساس سياحه
اياد:اذاي بقا
نورا:بس يا سيدي احنا هنعمل فيها بقا اجانب ونتكلم شويه انجليزي علي فرنساوي وهما هيصدقونا
مين دول الي هيصدقوا
كان صوت غريب بيتكلم
نورا:مين حضرتك
الشخص:أنا الي المفروض أسألك أنا حارس المزرعه دي انتوا الي مين
نورا:سوري يا عمو بس احنا جاين شرم هنا سياحه وطلعنا سفاري هنا في المنطقة دي بس احنا توهنا عن خيامنا
الحارس:ومين ده كمان لاتكونوا بنت وولد من الي بيبقوا بيعملوا حاجات عيب ومستخبين هنا
اياد:والله ابدا احنا قرايب اصلا اخويا خطيب اختها وجاين مع علتنا وهي زي اختي صدقني
الحارث:يا عوض يا عوض
عوض:ايه يا اشرف
اشرف:تعالي ندخل دول للريس نشوف هما مين
عوض مسك اياد و اشرف مسك نورا
نورا:انتوا مسكنا كده ليه احنا مش حراميه
اياد:شيل ايدك عنها علشان مزعلكش
ودخلوا جوه البيت الي في المزرعه
ايه الدوشه دي
عوض:مفيش حاجه يا شيخ راشد احنا لاقينا الاتنين دول بره المزرعه قاعدين بيتكلموا
نورا:أنا مش فاهمه ايه ده مالكتوا ارض شرم علشان عندكوا مزرعه
راشد:اتكلمي زين يا بنيتي وبعدين ايه اللبس ده اتحشموا يا مصرووين يا زينه يازينه
زينه:ايوه يا شيخنا
راشد:شوفي لبس من عندك لديها للبنت هادي
زينه:حاضر يا شيخنا اتفضلي قدامي يا بنت
دخلت زينه بنورا الاوضه
نورا:واو البيت ديكوره يجنن وانتي استيل لبسك يجنن
زينه:شكرا
نورا:أنا نورا
زينه:وانا زينه وتعالي يلا علشان اطلعلك حاجه من عندي تلبسيها
زينه طلعت لنورا لبس زي لبس اهل سيناء
نورا:انتو بدو
زينه:احنا اهل سيناء بس تلاقي معظم كلامنا مصري علشان قعدنا في القاهره فتره طويله علشان جامعه تعليم استاذ سالم
نورا:اممم مين سالم ده بقا
زينه:بصي يا ستي سالم ده ابن الشيخ راشد بس هو لما بقي في الثانوية كان ابتدي الشيخ راشد يصدر المحصول من سانت كاترين للقاهره وقتها كان طول الوقت في القاهره فا كنا بننتنقل هناك علي طول فا اتعلم هناك
نورا:يعني انتوا عندكوا مزرعه تانيه في سانت كاترين
زينه:يابنتي ماهي دي سانت كاترين انتي حاليا جمب الجبل بتاع سانت كاترين
نورا:اذاي مش احنا في شرم وبعدين المسافه من شرم ل سانت قد ايه
زينه:حوالي ساعتين ونص تلاته
نورا:بس احنا جينا هنا في اقل من ساعتين
زينه:يبقي كونتوا ماشيين بسرعه غير قانونية
نورا:ماشي يا خالد أنا هواريك
نرجع بقا لابطالنا
نورهان:اوف بقا الساعه بقت خمسه ونورا مارجعتش
احمد: متقلاقيش زمانهم بيلفوا في حته
خالد:الزفت مش بيرد علي تليفونه
مروان:شباب اول ما الليل يليل لو مرجعوش هنقلب المنطقه عليهم
ملك:طيب ما يمكن دخلوا المزرعه
كريم:اهو ده بقا الي خايف منه
ساره:ليه ايه المشكله
خالد:انتي متعرفيش أهل سيناء قوتهم عامله اذاي وبعدين احنا في منطقتهم
سلمي:سوري بس ايه هيجيب البدو في منطقه سياحيه في شرم
كريم:شرم ايه سلميلي علي شرم احنا في سانت كاترين بس الجبل الي قدامك ده
سلمي و ساره ونورهان و ملك:اييه سانت كاترين
احمد:ياعيني ده اتصدم
مروان:المشكله فعلا لو قفشوهم
نرجع لنورا واياد
زينه:يلا نخرج بقا علشان الشيخ عاوزكم
نورا:اوكي
وبرضه قبلت نورا اياد
اياد:يا ختي قمره باللبس البدوي
نورا:وانت شكلك مسخره
اياد:امشي يا مهزقه قدامي
خرجوا بره لاقوا الشيخ راشد وابنه سالم معاه
نورا بهمس لاياد:اوبا مين المز ده
اياد يصلها بضيق:اتلمي علشان ماادكيش قلم علي وشك اظبطك
نورا:اقعد علي جنب انت بس
سالم:يا اهلا بضيوفنا
اياد: ضيوف ايه يا راجل ده احنا ولا الحراميه دي دخلت ضيوف دي
سالم:أنا آسف علي الي الحرس عملوه معاكوا بس انتوا ايه جابكوا هنا انتوا شكلكم قهراويين
نورا:ايوه احنا فعلا قهراويين وكنا جاين شرم سياحه وقولنا نروح سياحه في سانت كاترين بس معرفش أن ده كله هيحصل
راشد:لما راجلك يبقي واقف يبقي حرمته تسكت لم حريمك يا راجل
اياد: مبدئيا هي مش مراتي ولا خطيبتي علشان ابقي راجلها وبعدين حتي لو كنت فا أنا مش هقيض حريتها
سالم بنظره اعجاب لنورا:بسم الله مشاء الله تبارك الرحمن القمر ده مش متجوز
نورا بابتسامه:شكرا
اياد بضيق:لا مش متجوز وممكن بقا نمشي اخواتنا زمانهم قلقانين
سالم:انتي اهلك موجودين هنا
اياد كان هيفنجر من كتر الغضب:ايوه اهالينا هنا ويلا يا نورا علشان نمشي
سالم انا:هوصلكوا بس خدوا واجبكوا الاول
اياد:لا شكرا
وفي اللحظه دي فون اياد رن
اياد:الو يا خالد
خالد:انت فين يا حمار
اياد:في المزرعه بتاعت الحج راشد
خالد:بتهبب ايه هناك أنا مش قولت متدخلش هناك
اياد:كنا واقفين والحرس جه خادنا اعمل ايه يعني
خالد:اديني نورا
اياد:خالد عاوزك
نورا:ايوه يا خالد ده أنا لما ارجع هقتلك بقا جايبنا سانت كاترين من غير ما نعرف
خالد:مش واقته اختك عاوزه تكلمك
نورهان:نورا انتي كويسه
نورا:أنا تمام اهدي انتي بس
نورهان:اهدي اذاي وانتي بعيد بس ده أنا هتجنن عليكي
نورا:أنا اسفه خلاص أقل من ساعه هكون عندك يلا حضريلي اكل بقا علشان مش قادره خلاص
نورهان:عنيا مع السلامه
نورا:مع السلامه
اياد:يلا نمشي لبسك معاكي
نورا:اه زينه حطت لبسنا في الشنطه
سالم مسك ايد نورا:استنوا قولت أنا هوصلكوا
اياد راح شد نورا منه بغضب: مينفعش عرباوي يمسك ايد واحده مش من حريمه ولا انت ايه رائيك
سالم:هتبقي حريمي
نورا واياد اتصدموا
استوب علي كده بقا سوري اني منشترش حاجه اليومين الي فاتوا بس كان عندي ظروف والله
ياريت يا جدعان تتفاعلوا بليز عاوزه افكاركوا للروايه مش كومنتات عادي وكمان فوت 😇😇
