ام البنات

6

#ام_البنات

البارت6

#البارت 6💕💕💕💕

* سمووو للطفل عماار .. بس أميره گدام الشيخ عادي نقترب من أبنهاا بس لم يطلع الشيخ تنگلب طنطل علينه ...*

خيريه : يمه فدوه وفداوي يالويلاد يمه .. ولك عمير شلون اتحملت تسع أشهر ابطن امك .. اني اشوفها من بعد مسافه يصير عندي مغص وينتفخ القالوون

الشيخه نهضه : ههههههه هسه أسمعج وتجيج اسكتي يمدهوره
خيريه : يگزگزني تگزگز اوووي اووي وخيه خيه خيه تروحلك فديه الگاعده اباب الحوش امك المجديه
أميره : أنطيني انطيني أبني وروحي ألتهي ابناتج .
خيريه : وانتي شكوو مرتفعه حرارتج من وره بنااتي غير جنهن العااافيه وأهلهااا 😍😍
أميره : سليمه اطمج واطم بناتج
الشيخه نهضه : أميررررره لهنا وكافي احترمي نفسج شلون تدعين عله البناات .. شوفي هاي اخر مره اشوفج تدعين عله البنات لا وداعت مزعل تندمين
خيريه : عوفيها لا على المريض حرج ... شيخه رايحه أصعد انظف غرفتي البنات يمج
******************************
سميه : خاله ممكن تصيحيلي مؤمل
ام مؤمل : صارر .. مؤمل يمه أگعد سميه تريدك
مؤمل : منووو هاي سميه ؟؟
ام مؤمل : هاي البارحه الي جبتها
مؤمل : هاا اي كمت من فراشي ورحتلهاا .... هاا صباح الخير
سميه : صباح النوور
مؤمل : بس أغسل وجهي وجايج
سميه : منتظرتك .
ام مؤمل : يله خاله خلي نتريگ
سميه : عاشت ايدج .
ام مؤمل : حللتي الابنج خطيه
سميه : اي خاله غسلتله
مؤمل : هاا سميه گولي
سميه : خلي نتريگ وبعدين اسولفلكم
گعدنه اتريگنه .. وجانووو كلش حبابين ام مؤمل تتخلى ع الجرح يطيب .. بعد ماخلصنه .. طلبو مني احجيلهم قصتي *
سميه : أني بنت عشيره (فلان ) من العماره ... اهلي عدهم عادات وتقاليد يزوجون البنيه وهيه صغيره .. فزوجوني الشخص من بغداد گرايب أمي راواني نجووم الظهر .. يجي سكران ويضربني وانوب يجيب بالنسوان .. واذا أحجي حجايه يگوم يجويني .. او يطردني من البيت . صار عندي كرار .. يعامله معالمه چبير كله صياح وضرب .. بقيت سنتين ماشايفه أهلي .. لحد ما ذيج الفتره جابني يمهم .. سولفه الاهلي كلشي شلون يأذيني ويضربني .. حته اثار الجويات راويتهم . بس لاعين التشوف ولا الاذان التسمع .. بحجه البنيه اذا تتزوج تتكيف مع زوجها وتتحمله بكل حالاته .... عندي صديقه أسمهاا خيريه اتصير بنت عمي .. علاقتي بيها كلش قويه . أجتي وشافتني .. راحت هددت زوجي وضلت تصيح عليه . هوه مااتحمل عافنه وطلع ..... بليل لم رجع عساس الصبح نرجع البغداد.. هددني گالي أني أعلمج واحسابج باجر لم نرجع . اله اخليج تتلفتين عله خيالج ... وأبنج راح اودي الاختي هيه الي تربي وتظلين خدامه ........ بعد ماهددني ماأتحملت والخوف سيطر عليه لان اعرف كلامه راح ينفذه ... خليتهم ينامون واني الجنطه محظره . اخذت أبني وطلعت .. بس مافكرت وين أروح
ركبت القطار... لحد ماذباني بالمكان الي جان مؤمل گاعد بي . وعرفت اني واصله للبصره .. واني اعرف اهلي بس يلزموني يكتلوني واني داخله عله الله وعليكم
مؤمل : يعني هاربه وتريد تورطينه ويااااج
سميه : ثقووو بالله ما مجذبه عليكم بس بعد صار الي صار .. وهسه حته اذا افكر ارجعلهم يكتلوني