ام البنات

8

#ام_البنات

البارتات8

  #البارت8💕💕💕

ابو هادي : شنو قرارج اتعيشين وياي او تختارين أبنج عماار ؟؟
أميره : ليش تخليني گدام الامر الواقع أثنينكم ماأگدر أفاركم . انته زوجي وذاك أبني
أبوهادي : أختااري أميره ؟؟
أميره : طبعاا أختاار ...... أبني عماار مستحيل أعوفه
أبو هادي : ماشي أميره .... أني طالع ورقه الطلااق توصلج .مع السلامه
أميره : اااااه ليش هيج صار بيه 😭😭شمسويه بحيااتي حته رب العالمين گاعد هيج يعااقبني
عماار : گعدت من النووم رحت أغسل وجهي ورجعت للغرفه بديت أحظر بالجنط مالاتي حته أروح البغداد
أميره : يمه عماار
عمار : هاايمه _ خيرج ليش هيج وجهج مورم من البواچي
أميره : يمه وين رايح لا تعوفني
عماار : يووم ليش تحجين هيج _ أني ما عايفج وصدگيني بين فتره وفتره أجيج اطمأن عليج مااريد أخرب حياتج
أميره : ليش  أنعل أبو حياتي لابو الرجاال .. يمه عماار أني راح اطلگ من كل عقلك أعوفك هوه أني شعندي غيرك
عمار : يووم شگاعد تحجين بس أهدئي شوي  تعالي تعالي أگعدي أرتاحي
أميره : يمه عماار هوه الي خيرني بينك وبينه  وأني أختاريتك وراح اطلگ
عمار : يمه ___ فدوه أروحلج 😭😭 نزلت الرجلهاا بقيت أبوس بيهاا وأيدهاا وراسهاا الله لايحرمني منج يايمه ___ أصلاا ماأريدج تعكرين مزاجج وتضوجين ..
وأحنه لازم نروح البغداد بعد مالنه عيشه هناا
أميره : وين نروح نگعد ؟
عمار : يمه أني راح أشوفلي شغل واكيد ابويه عنده هواي معارف ونعيش المهم هسه أريدج تحظرين نفسج
أميره : صار يمه .....
خيريه : يمه غزيلان ولج يمه وينج
غزلان :هايمه كاعده أنظف خيرج
خيريه :يمه تعالي دگيلي عله هذه الرقم الارضي
غزلان : يمه هذه رقم منوو ؟؟
خيريه : رقم صويحبي 😒😒ماتقرين مكتوب أم علي جوارينه المن ادرسون ولازگين روحكم بالكتااب
غزلان : هههههه يمه وين مكتوب اصلا كلشي مامكتوب بس رقم
خيريه : 😏😏اي يمه هاي ام علي صويحبتي أشترتلهاا تلفون ارضي .. تردين الصدگ يمه أني لعبت بعقلهاا وخليتها أتجيبه
غزلان : ماشبعتي من روحاتج ألهااا أنوب تلفوناات
خيريه : ليش ماأدگين وتنلصمين مثل الخلفج كلشي تحقيق

غزلان : صار ... هاج أحجي
خيريه : الوووووووو خايبه ماتسمعيني أگلج الوووو ... ولج هااي تخورست ماتحجي
غزلان : هههههه جا غير أنتي مخليه السمااعه بالمگلووب
خيريه : غمه التغمج . غير أنتي انطيتينياهه .. تجيبي جيبي ... هاا ام عليوي شلونج
ام علي : هلاهلا بخيريه ولج ماتجين گاعد وحدي وضايجه وابو جهالي اليوم طالع عماله والفروخ كلهاا بالشارع يلعبون
خيريه : يله هسه أگل لمزيعل وأجيج ____ مزعل مزعل
الشيخ مزعل : ها خيرج
خيريه : رايحه يم صويحبتي ام عليوي تخليني اروح لو لا
الشيخ مزعل : خير ياستار أستر أخاف من جمعتجن .. ترحين بس مااريد مشاكل وسوالف تعبانه والج نص ساعه وترجعين
خيريه : شجااك 😒😒بهاي النص ساعه بس اسلم . النهاار شطوله عاد سويهاا ساعه ولك أجر يم الله
الشيخ مزعل : الاجر الي يجي من وراج مااريده ههههههه
خيريه : هسه ولا تريده 😏😏... يله رايحه خشومكم ما يگصهاا طبر
الشيخ مزعل : ولكم هااي والله مصيبه
خيريه : هااا خيه أم عليوي
ام علي : شو تأخرتي
خيريه : الزلمه مايخليني أطلع يغاار عليه ويخاف من الطلايب 🙊🙊
ام علي : صدگ جذب ياخيه قابل نريد نحسدج لو ندور طلايب
خيريه : لايظل بخاطرج يابعد أختج هيه الزلم هيج تفكر .....ياااخيه شنو هذه الصرااخ تسمعينه
تبارك : يمه يمه جوارينه أم عدي ماتت
خيريه : عزززه شموتهاا ااصبح جانت واگفه اباب المحل ___ گومي گومي خلي نرووح
*دخلت خيريه تلاگي بنات المتوفيه وخواتها *
يبووووووووي ولج خيه ام عداي شحط بالبيت لو ماجاج راعيه .يبوووووي ... بيتج لايخرب رديله.. بيتج لا يخرب رديله
احاا احااا
ولج يادار وين أهلج وأهلنه ولج يادار وين أهلج وهلنه
ونين الدار يكثر وكت الغروب ولج يادار وين أهلج وهلنه
يامحله المضيف الجان منصوب ولج يادار وين أهلج وأهلنه احووو أحوووو السبع لومات يستاهل الوناااات السبع لو مات يستاهل الونات
عمار : هايمه حظرتي نفسج حته باجر من غبشه نطلع
اميره : اي يمه حظرت كلشي  بس غراض البيت
عمار : هسه عوفيهن خلي نروح نشوفلنه بيت وبعدين أجي أني أنقلهن للغراض يله يمه رايح أشوف وليد حظر نفسه
أميره : ليش وليد هم يجي ويانه
عمار : اي يمه هناا عذبوو أهله زوجه ابوه مارحمته ولا ابوه رحمه خلي يبتعد يكون نفسه ضال بنفس الحفره _ وأني وياا نتعاون هنااك ونشوفلنه شغل