ام البنات

16

#ام_البنات

#البارت 💕💕💕

بعد مرور أسبوع من وفاة عمار .... خيم الحزن عله البيت وأصبحت حالت ابويه يرثى لهااا . ابنه الوحيد وراح
اما اميره اصبحت شبه المجنونه ساعه تضحك وساعه تبجي وعيونها مفتوحه
امي خيريه هيه الي معتنيه بيهااا بأكلهاا بنومهاا

زهراء : كان الخبر صدمه اليه .. اتمنيت متزوجني وحامل من عنده حته ماينمحي ذكره . بس للاسف صار الي صار

ليلى : تباوعله بالصوره وتكله خويه انكسر ظهري ردتك والي اليه بساعه الشدات ..  ماضنيت المنيه تاخذك بساعات
حال اخواته يفطرالكلب بس هوه المعيل الهن 💔 فقدان الاخ صعب

احنه كاعدين والباب اندكت
كوثر : منوو
كرار : افتحي البااب
كوثر : كرررررار 😳 يااااخويه عمار رااااح
كرار :  حظنهااا وظل يبجي .... دخل للبيت تلكه الشيخ مزعل  هم حظنه وظلوو يبجوون
غزلان : كرارعماار
كرار: ااااااخ ماصدكت بالخبر . شلون صار فهموني

سولفناله السالفه كلهاا .
كرار : وصاحبه
الشيخ مزعل : بالمستشفى... واحنه لازم نروح نطمأن عليه لان عمار الله يرحمه جان حيل يعزه ومعتبره اخووو ...

بقينه متواصلين وي وليد لحد ما طلعناه من المستشفى . جانت عنده كسور بأيده ورجله وركبته
اجه كعد بالمشتمل مال كرار ... حته نعتني بي
وليد : ااااااخ يااخويه عماار هضيمه فراكك كون اني ميت ولا انته ياصديقي ياخويي ياعزيزي
كرار : الف رحمه عله روحه.. هذه حد يومه

وليد : اني الي كتلته اني 😭😭
كرار : قضاء وقدر بعد صار مانكدر نسوي شي
يله نام ارتااح .. اني طالع محتاج شي
وليد : سلامتك
كرار : يله مع السلامه

سمررر تتصل

وليد : الووو
سمر : هاا حبيبي هاي وينك والله مرعوبه والنوم مايجيني
وليد : اني ابيت الشيخ مزعل هسه
سمر : 😱😱شسوووي
وليد : همه طلعوني من المستشفى وجابوني اهناا يمهم حته يداروني عله معزت عمار
سمر : وليد لازم اشوفك والله مرعوبه والخوف كاتلني واتلفت شمال ويمين
وليد : شسويلج .. هسه اني مربط حته مكدر اتحرك . ومااعرف شوكت اصحه .. يله خلي اسد الخط لحد يجي .... سد الخط
سمر : شنو هالمصيبه هاااي ... اندكت الباب 😳 منووو وكلبي يدك بسرعه .
-- عيني اني ابو البيت اريد افلوس الايجار .
سمر : ومنين اجيبلك هسه اني
-- الكم مهله ٣ ايام اذا ماادفعون فرغولي البيت
سمر : شنوو انته تهدد اي باجر تعال افرغلك البيت
-- ماشي باجر اجي الكه البيت فارغ
سمر : عزززه وين اولي ... لحظه لحظه خويه اسفه بس جنت معصبه انطيني مهله بس اسبوع
-- اسبوع فقط
سمرر : اووووف شنو هالمصايب هاي

ليلى : بعد مارجعت لعيالي عمتي وزوجي محمد ميخلوني اشيل الخيط .. لان حزينه عله اخويه
للعصر حسيت بدوخه قويه
محمد : ها حبيبتي شبيج ..
ليلى : والله مااعرف الدوخه لازمتني من الصبح
محمد : اخذج للدكتور
ليلى : لالا هسه شوي واصير زينه .
محمد : ماشي حبيبتي اتمددي ارتاحي
ليلى : اااااخ
محمد : هااا حبيبتي
ليلى : احس الغرفه تفتر بيه .
محمد : شووو خلي اخذج للدكتوره قبل لا تصير الدنيه ليل
اخذاني والدكتوره طلبت مني تحليل دم واخذتلي سونار طلعت حامل . بس مافرحت لان حيل مكسوره عله اخويه . طلعت بشرت محمد
طار من الفرح ..
رجعنه بشرنه عمي وعمتي ... هم فرحوو كلش وكالولي لازم اخذ حذري هاي الاشهر الاولى لان اول طفل
رحت الغرفتي تمددت عله الجربايه عمار حبيبي راح اتصير خال 😭 اكعد من نومتك
نور : مبروك سمعت بيج حامل
ليلى : الله يبارك بيج
نور : مايصير تبجين من هسه شؤوم للطفل كافي اترحميله وخلاص
ليلى : حقج ماتعرفين طعم الاخوو .. ومو اي اخوو عمار...... اخو خيته
نور : يوووو شهل الكأبه هاااي رايحه الغرفتي 😏😏جاااااااوووو
ثاني يوم