ام البنات

7

#أم_البنات

البارتات7

#البارت 7💕💕

أخذونه للمخفر ونطيناهم عناوين أهلنه اني أنطيتهم عنوان أبويه وذبونه بالسجن الصبح ياخذونه للتحقيق
وليد : عماار هسه شنسوي
عمار : وليد أنته ماعليك أني راح أتحمل المسؤوليه بالقتل
وليد : هههههههه مستحيل أخليك وحدك تحمل مسؤوليه قتل اني ويااك يردون يعدمونه يعدمونه أثنيناتنه هوه بس أنته باقيلي بهااي الدنيه شعندي طاالع
عمار : ماكو شي ان شاء الله وحته لو يردون يعدموني راح أموت وأني مرتاح لان خلصت بنيه من أنساان قذر يستحق الموت
وليد : فعلاا أنسان مجرم وحوش البشر ذوله
أميره : اووف وينك يااعمار ليش تأخرت
ابو هادي : يله وينج أميره تعاالي
أميره : جايه جايه
ابو هادي : يله اليوم أريدج ترگصيلي رگص تنسيني همي كله
أميره : صار من عيوني ..... هااك أتفضل هاي الصينيه جهزتهاا الك
كرار : رحت طلعت الرساله اوووف شوكت تقرينهاا ياليلى أتمنى أشوف ردج عليهاا
گاعد أحجي بيني وبين نفسي أندگ باب الغرفه ... منوو
غزلان : أني أگدر أدخل
كرار : اي تعالي .... رحت رجعت الرساله بمكانهاا
غزلان : احمم ضايجه وگلت خلي أشوفك مشغول لو لا
كرار : لا لا مامشغول خيرج ..... بس تعالي خلي نگعد بالصاله ..... هاااغزوله ليش ضايجه
غزلان : ممكن أسألك سؤال بس مو يروح بالك بعيد
كرار : جواب
غزلان : شنو رأيك بالحب ؟
كرار : ههههه وشجاب هالسؤال هذه عله بالج .. بس ماطول سألتي راح أجاوبج بجمله قصيره (( الحب شي مقدس ولي يحب لازم يحترم هالشي ))
غزلان : زين وأذا جان الحب من طرف واحد شلون ؟
كرار : ماكو شي أسمه حب من طرف واحد هذه يسمونه أعجااب بالمقابل يصادفج أنسان تنعجبين بكلامه بتصرفاته . الحب يبدي من يلتقن گلبين واحد يبادل الشعور للثاني هذه يسمى حب
غزلان : صديقتي تحب ابن عمهاا وتگول ماأگدر أگله أخاف لان تحس بي هوه ينظرلها بنظره تختلف عن نظرتهااا
كرار : (( فعلاا هالشي صعب شگد معجب بليلى بس ماأگدر أعترف ))
غزلان : شبيك صفنت
كرار : هااا لا ماكو شي .... خلي تروح تگله وتشوف جوابه أفضل مما تظل ساكته وتالي لاحظت برجيلهاا ولاخذت سيد علي
غزلان : ههههههه أحبك
كرار : شنووو
غزلان : هااا لا هيج أحبك وأنته تعرف هالشي لان تربينه سوه وكبرنه سوه فأكيد أحبك
كرار : وأني هم أحبج مثل أختي ولو أطلبين روحي أنطيجياها
غزلان : هم مثل أختك 😒😒يله رايحه أنام محتاج شي
كرار : سلامتج تصبحين عله خير
غزلان : وأنته من أهل الخير ........ مثل أخته 😏😏😏
الشيخ مزعل : خيريه ولج شو كلما تكبرين تحلين
خيريه : الله يستر 😒
الشيخ مزعل : لا صدگ خيريه عندي حجي وأريد أخذ رأيج بي أنتي ونهضه مامقصرات أبد وأفتخر بيجن . بس مرات الروح تريد يابنت الاصول

خيريه : ابيوم بديت تتغزل بيه يا مزيعل  گلت لازم اكو شي معقوله هيج الله هادي .ويذب ناعم لوجهه الله تعالى ... دخيلك ربي جاا ماتدري بعبادك يتراجفون عله النسواان عدهم سبااق
الشيخ مزعل : هههههههههه ولج أفتهميني أقصد أنتي ملتهيه بفره البيت والبناات اني اريد وحده تگابلني وتگعد
خيريه : جاااا مو هل مگابلتك وگاعده حته حفظت شواربك ولحيتك شعرايه شعرايه شني گاعده أگضي وكت لازكه بيك مثل الساعه والباتري 😡😡😡
الشيخ مزعل : زين شتأثر عليج اذا أتزوجت أنتن الاصل😉😉😉😉
خيريه : ياأصل هذه .....يمزيعل لو أنته تجلطني لو أني أجلطك وأنعل صفحتهااا الي تدخل البيتي 😡😡
الشيخ مزعل : 😂😂😂😂صدگ لو گالوو كيدهن عظيم
خيريه : عمي أحنه شعلينه مره شگت قميص النبي . شني قابل أحنه الي ملخناه لو شاركنه بالجريمه.  😒😒كفيلك الله فقيراات أحنه . أنتووو اخخخخ منكم يالزلم تاخذونه للشط وترجعونه عطشانين .
تدري يامزيعل اكثر حالات السكتات القلبيه تصيب الزلم لان كلما تشوفون مره گلبگم يشتغل .يظل يهز ... تموتون عله النسوان وحق الحمزه ابو حزامين
الشيخ مزعل : ههههههههههههههههههههه شگد أحب سواالفج تغارين عليه ياخيريه
خيريه : جا شلون مااغار عليك غير أنته رجلي وأبو بناتي 🙈🙈🙈
الشيخ مزعل : تعاالي ولج تعاالي .............
( لا خيريه لا . لا يقشمرج تره أختج مثل حالتج وقشمرني أبوسه صيري قويه بعد أختج )
ثاني يوم اندگت الباب طلعت الشيخه نهضه منو و .
العفوو بيت الشيخ مزعل
الشيخه : نعم تفضل
هاكم هاي الدعوه أبنكم عمار بالسجن وانطانه عنوانكم
الشيخه : أخذت الدعوه يمه عزه العزاج أميره ..... شيخ مزعل شيخ مزعل
الشيخ مزعل : هااا هااا خيرررج
الشيخه نهضه : ألحگ الابنك عمار بالسجن
الشيخ مزعل : شنو بالسجن اخذت الدعوه .😯😯 هاج راح أبدل واطلع للبصره
الشيخه نهضه  : خليني اروح وياك
الشيخ مزعل : وين ترحين ويااي تخلي اروح أفتهم شنيه السالفه
.....
خيريه : هاااي شكوووو خيرررر
الشيخه نهضه : عمااار ذابينه بالسجن
خيريه : 😱😱😱أصخام الصخمج أميره ... شنيه التهمه مالته
الشيخه نهضه : مااعرف مااعرف 😭😭😭😭
أميره : يمه عموووري دورت عليك بكل الاماكن بلگوه لگيتك شبيك يمه وصدگ هذه الحجي الي سمعته
عمار : اي يمه صدگ
أميره : 😨😨يمه عمار ليش هيج سويت يابعد أمك 😭😭😭.. اعرف بيك أنته بريئ ماتسوي هذه الشي سولفلي يمه
عمار : يمه كافي لا تبجين ماأريد أشوف دموعج
أميره : ماراح أخليك مستحيل أعوفك أهنا تبقه بالسجن
بده موعد التحقيق ؟ وهناا الشيخ مزعل وصل
أميره : هاا يامزعل أرتااح أبنك ضااع هذه الي ردته
الشيخ مزعل : ام عماار وخري من وجهي .... أبنج ضااع من وره تصرفاتج الطايشه ومااريد أسمع ولاكلمه أفتهمتي