အမျိုးသားစီမံခန့်ခွဲမှုပညာကောလိပ် "
"NATIONAL MANAGEMENT DEGREE COLLEGE"
ကြက်သွေးရောင်နုနု သို့မဟုတ် ပန်းရောင်ရင့်ရင့်ပေါ်တွင် ရွှေရောင်စာလုံးဝိုင်းများဖြင့် ရေးထားသော ကျောင်းဆိုင်းဘုတ်က ထည်ဝါစွာတည်ရှိနေသည်။
" အကိုတို့ BM အဆောင်ရှေ့မှာနော် စောင့်နေတယ် လာခဲ့ကြပါ "
မင်းခန့်မှ Group ထဲဆော်သြလိုက်သည်နှင့် Seen ပြသွားသော ကလေးများ ခဏအကြာ စုဝေးလာကြသည်။ အတန်းရှိသည့် ကလေး ၂ယောက်မှ လွဲ၍ လူစုံပြီဖြစ်သောကြောင့် ခန်းမကိုDecoration ဆင်ရန် ထွက်ခွာလာကြသည်။
" အကိုတို့ ဒီနှစ် Theme ကတော့ အဖြူနဲ့ အနက်ကိုပဲရောပြီးရှင်းရှင်းနဲ့ ထင်းနေမယ့် Theme မျိုးစဥ်းစားထားတယ် " ရဲခေါင်က ကလေးများရှေ့ရပ်ကာ Theme အကြောင်းရှင်းပြပေးနေချိန် ကျွန်တော်က လိုအပ်သည့်ပစ္စည်းများ ထုတ်ကာ တာဝန်ခွဲပေးမည့် တာဝန်ကိုယူထားသည်။ လုပ်မည့် Theme ကိုသေချာရှင်းပြပြီး နာရီဝက်လောက်ကြာသည့် အခါ စပြီး Decor ဆင်ရန် ပြင်ဆင်နေကြပြီဖြစ်သည်။
" ကိုနှစ်သစ် "
အသံလာရာကို စတိတ်စင်ပေါ်က လှမ်းကြည့်တော့ တတိယနှစ်မှ EC ကောင်လေးဖြစ်သည်။
" အေး ညီလေး ပြော "
" King Queen လေးတွေ Rehersal လာလုပ်လို့ အဆင်ပြေမလား လာမေးတာပါ အကို "
" ကြာမှာလား ညီ "
" ၁နာရီလောက်ပဲ အကို စတိတ်ကိုရင်းနှီးအောင်ပြရုံလောက်ပဲ "
" အိုကေလေ ရတယ် လာခဲ့ အကိုတို့ ဘေးတဘက် ကပ်ထားပေးမယ် "
" ကျေးဇူးပါ အကို "
ကျွန်တော့ ဆီက ခွင့်ပြုချက်ရသွားတဲ့ EC ကောင်လေးကတော့ အလျင်လိုနေပုံနှင့်ပြေးသွားသည်။ ကျွန်တော်လည်း Decor ကလေးများကို ဘေးတဘက်သို့ကပ်ခိုင်းထားပြီး ကလေးများအတွက် အအေး သွားမှာပေးနေသော ရဲခေါင်ကိုဖုန်းလှမ်းဆက်ရသည်။
" ရဲခေါင် King Queen ကလေးတွေပါလာမှာတဲ့ အအေး ပိုမှာခဲ့ကွာ "
"အိုကေ "
ရဲခေါင်ဖုန်းချသွားသည်နှင့်သိပ်မကြာလိုက် Queen Selection ကောင်မလေးများ ဝင်လာကြသည်။ ထို့နောက် King Selection ကောင်လေးများ ဝင်လာသည့်အခါတွင်တော့ Decor Team မှ ကလေးမလေးများ အနည်းငယ်လှုပ်လှုပ်ရှားရှားဖြစ်သွားသည်ကိုသတိထားမိလိုက်သဖြင့် ကလေးတွေများ မလွယ်ဘူးဆိုသည့်အတွေးနှင့် ခပ်ဖော့ဖော့ရယ်မိသေးသည်။ ၁၆နှစ်ဆိုသည့်အရွှယ်က ဘာလုပ်လုပ်ချစ်စရာကောင်းလှသည်။
KAMU SEDANG MEMBACA
ရင်မှာ ဒီလောက်ချစ်ပါသည်။
Fiksi Remajaတက္ကသိုလ်ကျောင်းသားဘဝအဖြစ်အပျက်လေးတွေနဲ့ ပေါ့ပေါ့ပါးပါး Crush ထားရတဲ့ Feeling လေး သဘောကျတယ်ဆို ဖတ်ကြည့်ပြီး ဝေဖန်ပေးပါဦးနော် 🤍အခါးဆိုလို့ ပိစိလေးတောင်ပါတာမကြိုက်သူများ ဖတ်ကြည့်သင့်ပါတယ် အဟိ
