لي روحاً تتعذب

1

يمرني طيف الحزن ومثلي متعذب
اگول  بخير وملامحي تگول تچذب
لي روحاً تتعذب
للكاتبه عائشه الدليمي
.................................................
رقيه ــــــــــــ گعدت الصبح غسلت وبدلت و توضئت وصليت و طلعت سويتلهم ريوگ مديت السفره ونقلت الاكل گعدت اصبلهم جاي كملو وراحو شلت السفره غسلت المواعين و طلعت كنست الگاع البره رجعت بالتسعه ميته من الحر والعرگ يزخ
ام محمد ــــــــــــ ليش البيت مامتنضف لهسه
رقيه ــــــــــــ عمه جنت اكنس بالگيعان البره
ام محمد ــــــــــــ تعاي
رقيه ــــــــــــ رحت يمها ومثل كل مره تشبعني راشديات رحت نضفت البيت وحدي للعشره ونص تاكملت بلشت اسوي غدا كملت الغدا وخليته بالسفره و گعدت بالمطبخ اكل من الجدر لان ميخلوني اكل وياهم
اعرفكم عن نفسي قصتي مو قصة فصليه و لا قصة عمه وجنه قصتي يتيمه عايشه ويه بيت جدي الي بيه ساكنين عمامي امي مايحبوها لذلك يعاملوني هالمعامله اني وحيده ابوي وامي و الي توفو وتركوني لوحوش الدنيا عمامي المخليني خدامه عدهم اسمي رقيه وعمري 15 مدرسه لحد السادس ابتدائي دارسه عايشه بالمخزن الي رتبته و غطيت الغراض و صار مكان صالح للعيش بيه بس بنكه و بيه شباك جبير يجي هوا منه بس مو معناها ماعاني من حر و برد هم ابرد يعني تلزگ عيشتي نهاري تنضيف و ليلي نوم مامفتهما من حياتي شي اعرفكم بعمامي
عمي ابو محمد هذا العم الاكبر عايش ويه جدي و عنده محمد و هزار بنيه مسميها اسم تركي و رويده
وعمي ابو اجود عنده اجود و داوود و علي
عمي ابو عبدالله عنده عبد الله و احمد  ماساكن بالبيت عنده بيت بوحده ومايجي لهنا نادرا اني ماشايفته بس سامعه عنه ماعدهم اخت
عمي ابو عمر ساكن بغير بيت عنده عمر وليث و ارهاف رجعت لغرفتي كعدت يم الشباك الهوا اصلا ناصي كلش بس شباك جبير فتحته وكعدت عليه الفي لحگ عالحديقه عبرت الشباك وكعدت بالحديقه جريت مخدتي ونمت كعدت العصر رحت للبيت اول مافتت سمعتهم عمر يگول عمي شنو معيشيها بمخزن ترا هيه بشر مو فاره بنت اخوك شنو تعيشها بمخزن اذا ماعدكم اماكن خلها تعيش ابيتنه
ابو محمد ــــــــــــ انجب انته طمعان بورثتها
عمر ــــــــــــ السفيه ينطق بما فيه الحمد لله عمي ماطمع اني اني ضابط و شهادتي بطولي والي هيبتي وراتبي معيشني ماحتاج لورث يتيمه بس انته الطمعان بورثها وبعدين شتخسر لو تخليلها غرفه من هالبيت وتخليها حالها حال هالخلگ
ابو محمد ــــــــــــ ااااااطططططللللع گ...... د اننننييي سفييييه ااااطلللع
عمر ــــــــــــ و طماع بعد اذا متريدونها ابيتكم خليها تجي لبيتنه
ابو محمد ــــــــــــ اي تا تاخذ ورثها مو
عمر ــــــــــــ ورثها الها و فن واحد يتگرب يم ورثها
ابو محمد ــــــــــــ انته مالك دخل وانته اصلا ابوك مطرود من ورث ابويه ماعدنه شي وياه بس الاخوه
عمر ــــــــــــ وتعزون وصخ الدنيا على ابويه عن يا اخوه تحجون عنها انتو يصير خير عمي يصير خير و ترا حوبة اليتيم ماتتعدا الضالم خافوا منها و اخذوها من شاربي فلس واحد متاخذون من ورثها ورث ابوكم اخذو بس السواة عمي و البناه وتعب عليه بديه شگة ربع متاخذون منه
رقيه ــــــــــــ الله يخليك اخذني وياك
ابو محمد  ــــــــــــ ادخلي جوه لنت الكلب
رقيه ــــــــــــ الكلب التحجي عليه هذا اخوك،،، ماحسيت غير ايد جرتنني من شعري قوي
ابو اجود ــــــــــــ ترادديمن
رقيه ــــــــــــ عمو ع فني الله عليك  ،،، حجيت هيج و نزل بيه دگ كتل و ادفر اجه عمر بعد مادفع عمي ابو محمد عالگاع حجز عمي الثاني عني گمت وعدلت ملابسي اجه عمي ابو محمد لزم ايدي وضربني راشدي فرلي وجهي فر بحيث رگبتي اطگطگت انجريت مره ثانيه بقوه دخت حيل مدري من الراشدي مدري من السحبه والله احس لعابه وبدين جاهل سندني لحضنه و گال
عمر ــــــــــــ عمي خليني محترمك و خليها تجي ويايه لا اليصير مني مو شويه وانته تعرفني شگد نگس و شگدر اسوي ف اتقي شري نصيحه مني الك
ابو اجود ــــــــــــ شنو تهدد يبن بدار
عمر ــــــــــــ عمي اني ابن بدار بس مو بدار والاحترام عندي هوا ونعالي مامحترمكم يعني انتو يم نعالي بس من خاطر ابويه لا اكثر و اكدر اعوف خاطر ابويه و اوديكم ورا احيال الشمس و انتو ادره بعمر شيگدر يسوي
ابو محمد ــــــــــــ متروح ولي ندري بيك تريد ورثتها لان ماورث ابوك شي من عدنه
عمر ــــــــــــ ابويه ليش ماورث منكم شي
ابو محمد ــــــــــــ مالك دخل
عمر ــــــــــــ و انته شنو من بشر انته اني مو مثلك طماع ياطماع و للبنيه تروح ويايه يعني تروح ويايه و هسه تروح و تخلوها مثل الشاطرين تروح تلم ملابسها وتجي ولا اكول ماريد وصخكم امشي
ابو محمد ــــــــــــ اشو بكيفك انته
عمر ــــــــــــ اي بكيفي
ابو محمد ــــــــــــ اطلع بيها عتبت الباب و شوف شلزگ بيك تهمه
عمر ــــــــــــ بغضب،،،، شتلزگ بله
ابو محمد ــــــــــــ ماعليك
عمر ــــــــــــ امشي
ابو محمد ــــــــــــ والله افضحكم واكول نايم وياها
عمر ــــــــــــ ولللللكككككك حققققييييييرررررررر للللهننننناااااا ووووصللللتتتتتكككككك حققققققااااااارررررررتتتتتك
رقيه ــــــــــــ بقيت ادحگ وبجي و عمر نازل بعمي كتل و عمي الثاني يبعد بيه ماگدرله اجه عليه يكتل بيه بوكسيات عشوائيه على وجهي جره عمر و اجو ولد عمامي صارت مذابح جرتني عمتي ام محمد للمخزن و فاتت هزار الحقيره سدت الشباك قفلته بالقفل و طلعت قفلو الباب عليه كلت عادي اكسر الجام واطلع شلت الفأس و ردت اكسر الجام سحبو ميز جبير خلوه عالممشه من يم الحديقه الورانيه صارت ضلمه هندس رحت اتلمس بالغراض فتحت الضوه وشغلت البنكه الحر موتني مرا يومين  اني بلا اكل وبلا مي كمت اشيل ايدي وتوگع ليما نزلت رحمة الله جابلي مي شربت المي و گمت استفرغ رجعت اكلت الاكل و جسمي ماتقبل الاكل من بعد شحيح رجعت استفرغت سائت حالتي ولا واحد گال خطيه نوديها لدكتور اصلا همه يتمنون اني اموت فرصتهم گعدت على طشة مي بوجهي
ابو محمد ــــــــــــ بنت الگ....  تريدين تخلصين من عذابج هذا
رقيه ــــــــــــ اي
ابو محمد ــــــــــــ تنازلي عن الاملاك
رقيه ــــــــــــ ماتنازل
ابو محمد ــــــــــــ تنازلي
رقيه ــــــــــــ ماتنازل
ابو محمد ــــــــــــ زين اتزوجي محمد
رقيه ــــــــــــ مازوج
ابو محمد ــــــــــــ تريد تموتين
رقيه ــــــــــــ والله ياريت اني متت من ماتو اهلي
ابو محمد ــــــــــــ مراهقه ماتعرفين شنو مصلحتج انتي بسيطه انتي تغيرين رايج وبرجليج تجين تكوليلي ياعمي العزيز تعال اسجل ورثتي باسمك
رقيه ـــــــــــــــ اسجلك بس بشرط
ابو محمد ـــــــــــــــ شنو
رقيه ـــــــــــــــ تخليني اسكن ابيت عمو ابو عمر
ابو محمد ـــــــــــــــ بعد احسن انتي فرحتيني بثنين
رقيه ـــــــــــــــ جابولي اكل واعتنو بيه مصلحتهم يمي كالو تلتيام وننقل الورث اني استغليتها وهربت