رقيه ـــــــــــــــ عمر والله ماجوعانه روح تغدا اكيد انته تعبان
عمر ـــــــــــــــ ماشي
رقيه ـــــــــــــــ راح واني رجت غسلت الملابس شويه واجت ارهاف كالت
ارهاف ـــــــــــــــ عود تعاي اغسلي المواعين مو تغلسين
رقيه ـــــــــــــــ لا ماغلس بس اغسل ملابس عمر
ارهاف ـــــــــــــــ عوفيهن بعدين
رقيه ـــــــــــــــ نزلت غسلت المواعين واكلت لان ميته من الجوع رجعت لغرفتي هوا جان نايم فتت للحمام غسلت الملابس واخذتهن شريتهن ورجعت
عمر ـــــــــــــــ رقيه
رقيه ـــــــــــــــ ها
عمر ـــــــــــــــ ليش ماتغديتي ويانه
رقيه ـــــــــــــــ عمر ماجنت جوعانه عاد من جعت اكلت
عمر ـــــــــــــــ ماعبرت عليه بس راح اعبرها
رقيه ـــــــــــــــ بكيفك
عمر ـــــــــــــــ تعاي نامي
رقيه ـــــــــــــــ لا عمر عندي شغل اكمله وماغفي
عمر ـــــــــــــــ براحتج
رقيه ـــــــــــــــ كملت تعزيل الغرفه رحت جبت مي و وصله هوا نايم على كيفي مسحت الغرفه وطلعت مسحت الصاله الفوگ و الدرج و رحت كبيت المي ورحت للغرفه نمت كعدت العصر سويت جاي و ليث راح جاب من المحل اشياء ويه الجاي
ارهاف ـــــــــــــــ عود العشى اني اسوي
رقيه ـــــــــــــــ براحتج
ارهاف ـــــــــــــــ اي
رقيه ـــــــــــــــ طلعت لكيت عمر معصب وصافن،،، شبيك
عبد الله ـــــــــــــــ مابيه شي
رقيه ـــــــــــــــ اسفه لتدخل
عبد الله ـــــــــــــــ رقيه
رقيه ـــــــــــــــ هلا
عبد الله ـــــــــــــــ اسف
رقيه ـــــــــــــــ على شنو
عبد الله ـــــــــــــــ بسببي ارهاف تحجي عليج طالع نازل
رقيه ـــــــــــــــ لا عادي تعودت ومايهمني حجيها المهم عمر ميصدگ اني مثل ماتحجي
عبد الله ـــــــــــــــ ليش ماعندي حض بالحب
رقيه ـــــــــــــــ ليش شصاير
عبد الله ـــــــــــــــ وينها وينها الماتسوه احبها
رقيه ـــــــــــــــ لتكول هيج عبد الله ارهاف خوش بنيه
عبد الله ـــــــــــــــ متأكده من كلامج
رقيه ـــــــــــــــ ضليت ساكته،، رحت عليها وكفت يمها
ارهاف ـــــــــــــــ شبيج وگفه عزرائيل
رقيه ـــــــــــــــ غيري طريقتج ويايه وصيري حبابه جتلو بالجذب من عين عبد الله
ارهاف ـــــــــــــــ هوا انتي گلبتي عليه وجيتي تجذبين
رقيه ـــــــــــــــ عوفي البيدج وتعاي احجي كم كلمه خليهن ترجيه بأذنج
ارهاف ـــــــــــــــ هسه اجي
رقيه ـــــــــــــــ نصت من جوه الطباخ ورحنه لغرفتها
ارهاف ـــــــــــــــ اي احجي
رقيه ـــــــــــــــ عبد الله جان يحب هزار
ارهاف ـــــــــــــــ صدگ
رقيه ـــــــــــــــ اسمعي جان يحبها بس المنعه منها انها حقيره وتحقر ويايه هوا مو علمود بينه شي تا علمود ماعترفلها بس عبد الله عالفطره و انسان خباب وخلوق وطيب قلب يريد شريكته نفسه حبابه وطيبه قلب تدرين اليوم شيگول يگول ماعندي حص بالحب وين المتسوه احبها انتي صيري حبابه هم لو بس بالوجوه تا يرجع يسامحج اجسن من ماتخسرين حبج
ارهاف ـــــــــــــــ اموت ولا اصير حبابه وياج خل اخسره طز بيه
رقيه ـــــــــــــــ شگلبج عليه مو جنتي تحبيني
ارهاف ـــــــــــــــ كشفتج شنو من شي
رقيه ـــــــــــــــ ان شنو خاف مخدوعه بنفسي المظلومه
ارهاف ـــــــــــــــ اول شي لعبتي على اخويه وبعدها على احمد وبعدها على عبد الله ورجعتي على اخويه ليما تمكنتي
رقيه ـــــــــــــــ اخوج حبيته من كل گلبي بس اخوج شسوه راح حب بنت عمج رويده وطلگني ذبهن كلمتين وخلاني مسودة الوجه و عمامج شسوو بيه خدامه وكتل وتهديد وتوعيد و غيشوني عيشه الجلب مايتحملها كل يوم يلزموني يطتلوني والجان ملتذي عافني باشد الحاجه اله احمد ماجان رايدني هوا كالي من البدايه اني احب بنيه بس مو خوش وتركتها واني هم كلتله ماريدك اريد عمر كال بس تخلصين من هالعذاب ماجبرج عليه وافقت بالزواج و استشهد بيوم عرسنه و جان موصي عبد الله انو يزوجني اذا صارله شي وعبد الله طرح هالفكره بس ادري گلبه متعلق بيج و ماحبيت اكون سبب تعاستكم فهمتي لو اريد العب على عبد الله جان مارفضت الزواج و ماجان حاولت اجمع بينكم فاهمه اما عمر شفتي صارت بالاجبار رجعنه تزوجنه وانتي ادره الناس من ضيمج ردت اعوف البيت واروح وجبرتوني على عمر وحديتو سنونكم و هسه لان نسيت كلشي و جاي اصلح بيني وبينه تحشكن براسه كلام غليه وكل هذا ومايهمني فاهمه اني الكلتلج يا كافي تريد تعوفيني بحالي وتخليني اعيش اهلا وسهلا تريد تعرقلين حياتي اني ماخسرانه عمر يثق بيه ويحبني واحبه و ناسي تعرفني زين وانتي الخسرانه تخسؤين حبج وتخسرين رحمة الله وتدرين يتيمه والي حوبتي يم الله كافي تجذبين جذبتج عليه وتصدكينها كافي تحرضين وكافي حرين وتبردين مني اني مليت وخالتي تكليلها عليه اكطع عمر اني لحد الان ماشكيتله شي و لا كلتله منو معاديتني وصدكي لو يعرف يسويج ثريد و لحد الان مايدري ليش ماكل وياكم حتى لا اخربه ويه عائلته
ارهاف ـــــــــــــــ ا
رقيه ـــــــــــــــ لتحجين شي ماريد اسمع،،،،، عفتها وطلعت رحت للمطبخ اكلت ورحت لغرفتي نمت شويه واجه عمر سويت روحي نايمه
عمر ـــــــــــــــ رگيتي
رقيه ـــــــــــــــ
عمر ـــــــــــــــ هاي نايمه رقيه اكعدي رگيه رگي
رقيه ـــــــــــــــ ها
عمر ـــــــــــــــ حبيبي اكعدي تعشي
رقيه ـــــــــــــــ لا حبيبي اغفي الله عليك تعبانه خل انام
عمر ـــــــــــــــ بكيفج بس ميصير تضاين بدون اكل
رقيه ـــــــــــــــ من اجوع اني اكل خل انام حاليه بعيني النوم
عمر ـــــــــــــــ نوم الهنى
رقيه ـــــــــــــــ راح و بعدها بالفعل طسيت بنومه ونمت كت بالخمسه لان نايمه من وكت كنست الگياعين البره صارت بالسبعه رحت سويت ريوگ لكيت ارهاف تخبز ماحاجيتها اخذت خبزه سويت لفه اكلتها وردت اروح
ارهاف ـــــــــــــــ اكعدي تاتريكين ويانه
رقيه ـــــــــــــــ اكلت شبعت ماريد
ارهاف ـــــــــــــــ البارحه عمر كال جنتي نايمه ماجيتي تعشيتي
رقيه ـــــــــــــــ اي اني رايحه اسبح محتاجه شي
ارهاف ـــــــــــــــ لا
رقيه ـــــــــــــــ ها عبد الله
عبد الله ـــــــــــــــ صباح الخير
رقيه ـــــــــــــــ صباح النور،،، دحكت لارهاف لكيتها منزله راسها،،، ردي
ارهاف ـــــــــــــــ صباح النور
عبد الله ـــــــــــــــ شلونج رقيه
رقيه ـــــــــــــــ زينه وانته
عبد الله ـــــــــــــــ زين الحمد الله شسويتي ريوگ
رقيه ـــــــــــــــ مو اني سويت ريوگ ارهاف سوت
عبد الله ـــــــــــــــ ها شعجب اليوم سوت
رقيه ـــــــــــــــ كالت انتي تعبانه خل اسوي بدالج
عبد الله ـــــــــــــــ هيج لو لان عمر هنا
رقيه ـــــــــــــــ لا هيه هيج گالت
عبد الله ـــــــــــــــ والله گلبج فطير انتي امداج يالغمه
رقيه ـــــــــــــــ ها عبد الله راح يصير زعل اني غمه
عبد الله ـــــــــــــــ صدكتيها
ارهاف ـــــــــــــــ بغصه،،،، ا اني ماسويت ال الريوگ ليش تجذبين عليه اني اترخص
رقيه ـــــــــــــــ ارتحت اله بجيتها
عبد الله ـــــــــــــــ تمثل
رقيه ـــــــــــــــ ماتمثل
عبد الله ـــــــــــــــ انشوف
رقيه ـــــــــــــــ راح ولحكته اريد اشوف وين راح راح يم باب غرفتها يتصنت اخير شي دحكلي و كالي فوتي شوفيها
رقيه ـــــــــــــــ فتت لكيتها تبجي،، عليش تبجين
ارهاف ـــــــــــــــ شفتي شيگول
رقيه ـــــــــــــــ لان زعلان،،، رحت يمها شاورتها كلتله ترا ورا الباب لتجفصين بشي ضلت ساكته،،،، كافي بجي گومي هوا يعرف انو انتي من خوفج حجيتي
