رقيه ـــــــــــــــ عليش مخليه عندي هبوط و قلة فيتامينات الحيل باللگمه مو بالركبه
عمر ـــــــــــــــ رقيه
رقيه ـــــــــــــــ من سمعت صوته جسمي كله رجف،،، نعم
عمر ـــــــــــــــ هذن فلوسج
رقيه ـــــــــــــــ مالتيش
عمر ـــــــــــــــ مالت الكاع
رقيه ـــــــــــــــ اخذهن ماريدهن شلي بيهن
عمر ـــــــــــــــ لا مالاتج هذني
رقيه ـــــــــــــــ ماريدهن كلتلك اطلع لو سمحت اريد اطبخ
عمر ـــــــــــــــ راح اخليهن بحسابج
رقيه ـــــــــــــــ تسلم كلشي ماريد منك
عمر ـــــــــــــــ بس هذن من كاعتج
رقيه ـــــــــــــــ اخذهن اخذ الكاع كلها شعجب تنطينياهن انته مو تشبهم اخذهن ولا اريد شفقه منك ولا اريد اشوفك حتى
عمر ـــــــــــــــ عود اني الكاتل نفسي اشوفج يكلك مايكمل يومي بدون لا اشوفج يبو
رقيه ـــــــــــــــ ديلى روح وجهك وجه الحولي (الثور)
عمر ـــــــــــــــ ديلى وجهج وجه الهايشه
رقيه ـــــــــــــــ دياله وجهك وجه القرد
عمر ـــــــــــــــ احترمي نفسج ولج
رقيه ـــــــــــــــ انته طليقي شسوي هنا مايجوز نبقى بنفس المكان يلى اطلع هاي جت حبيبتك
عمر ـــــــــــــــ روري وينها
رقيه ـــــــــــــــ انبهضت من كال روري،،، وراك يالمواع
عمر ـــــــــــــــ احترمي نفسج يامهانه
رقيه ـــــــــــــــ اي والله مهانه اني عندك مانع (قصفتي نفسج يالذكيه)
رويده ـــــــــــــــ رحم الله امرءً هرف قدره
رقيه ـــــــــــــــ انقهرت ماجنت اريد اكول اني مهانه بس زلت لسان رجعت اطبخ واكل اله شبعت العصر جنت امسح وزلكت ام جواد لو اباليت على روحي لزمني كتل كتل مدري شلون لمحت عمر ضل واكف بمكانه ولا فزعلي متت من القهر سمعت صيحة رويده
احمد ـــــــــــــــ وخررررنننن عننننهااا ششششننووووو انتتتتننن ذييابببه متحاوشات (متحاوطات) البببنييه عوووفننننههاااا واللههه لتتتتتمدددد ايييدددهاااا لگطططععههاااا
رقيه ـــــــــــــــ اجه شالني وداني لغرفتي
احمد ـــــــــــــــ رقيه مايوجعج شي
رقيه ـــــــــــــــ هئ محد كايل لام اجود تجي تدري الكاع تزلگ
احمد ـــــــــــــــ اسكتي عيني
رقيه ـــــــــــــــ لتگول عيني
احمد ـــــــــــــــ هه ليش
رقيه ـــــــــــــــ اكره هالكلمه اكرها
احمد ـــــــــــــــ ليش
رقيه ـــــــــــــــ عمر جان يگولها
احمد ـــــــــــــــ يابه شيگلج عمر تامنگلج
رقيه ـــــــــــــــ جان يگلي عيني و گلبي وحياتي و احبج وحبيبتي و جان يگلي هئ رگيتي هئ جان يحبني مدري شنو الخلاه يعوفني هئ
احمد ـــــــــــــــ خلي يولي مايستاهلج
رقيه ـــــــــــــــ م من ج هئ هئ جان خاطبني م م م محد يگلي شششي شي هئ هئيىئ جان ملاذي ملاكي جان كلشي الي جان حياة جديده الي هئ هئ شغيره عليه
احمد ـــــــــــــــ خلي يولي اني يمج لتخافين من احد رقيه
رقيه ـــــــــــــــ نعم
احمد ـــــــــــــــ تقبلين نزوج اني وياج و هيج محد يگدر يكتلج
رقيه ـــــــــــــــ انته مثله
احمد ـــــــــــــــ لا والله مو مثله اني اختلف والله
رقيه ـــــــــــــــ بس اني احب عمر
احمد ـــــــــــــــ واني احب بنيه
رقيه ـــــــــــــــ تزوجها
احمد ـــــــــــــــ مو متحبني
رقيه ـــــــــــــــ ليش
احمد ـــــــــــــــ شوفي اني اشرب لهذا السبب
رقيه ـــــــــــــــ حرام
احمد ـــــــــــــــ والله بكلت بس ميقبل ابوها يكول شمعرفنه ورما تزوجها ترجع فعفتها وهسه هيه ازوجت
رقيه ـــــــــــــــ ها
احمد ـــــــــــــــ وانتي بنت عمي مالگه احسن منج
رقيه ـــــــــــــــ لتكولها
احمد ـــــــــــــــ هم كالها عمر
رقيه ـــــــــــــــ هه اي
احمد ـــــــــــــــ خلي يولي جان صديقي هسه زاعلته مادامه هيج
رقيه ـــــــــــــــ اي يستاهل
احمد ـــــــــــــــ ههه خل نقهره راح ننزل اني وياج نكللهم احنه راح نزوج
رقيه ـــــــــــــــ تتوقع ينقهر
احمد ـــــــــــــــ مدري يلى خل ننزل ارقيه
رقيه ـــــــــــــــ نزلنه لزم ايدي،،، احمد حرام
احمد ـــــــــــــــ مو حتصيرين زوجتي،،،، اسمعن هين هين اسمعن زين رقيه التمد ايدها عليها ادفنها بمكانها رقيه حتصير مرتي.
رقيه ـــــــــــــــ ضليت ادحك على عمر من سمع هيج عگد حواجبه اجه يم احمد وكاله لتزوجها
احمد ـــــــــــــــ ليش
عمر ـــــــــــــــ بس لتزوجها
احمد ـــــــــــــــ شسامع عنها
عمر ـــــــــــــــ ماسامع
احمد ـــــــــــــــ شايف عليها شي سامع عليها شي
عمر ـــــــــــــــ كلتلك لتزوجها وبس
احمد ـــــــــــــــ اله اتزوجها عندك مانع
عمر ـــــــــــــــ متزوجها وبس
احمد ـــــــــــــــ هسه تشوف هذا الاسبوع نكطع مهر والسبوع الجاي نزوج
رقيه ـــــــــــــــ دحكلي مطولا وبعدين خله ايده على راسه وجاوب بطبيعي مبروك و هيج مدري شبي يمكن هالانسان بيه انفصام بالشخصيه انقهرت من الموقف وضليت ابجي المهم مر السبوع وكطعنه مهر ومر الاسبوع الثاني وصار عرسنه الحنه مرت عاديه و بليله الزفه جنه بالطريق يعني وفه ماحس غير احمد ارتاج عالكشن الاول نزل على ركبته دم انصدمت السايق وكف دحكت ورا سياره انسحبت من الزفه و عمر لحكها خليت ايدي على كتوف احمد ردت ارجعه وره بالكوه ثگيل لكيت مغمض اريد احجي بعد ماكو اريد اصيح بعد ماكو دموعي نزلن لحالهن گلبي يوجعني حيل احمد حيل زين وگلبه ابيض منو كتله ليش هيج ليش مالي حض حتى اليصيرون يمي يتأذون اني منحوسه كعدت فكرت نفسي بكابوس بس لا لكيت نفسي بالمستشفى كمت انادي واسئل على احمد ضربوني ابره ونمت كعدت وتفس الحاله هم ضربوني ابره كعدت لكيت نفسي بالبيت صوت صريخ وبجي ركضت طلعت لكيت عمتي تبجي،،،، ع ع عمه وين احمد 😢
العمه ـــــــــــــــ مات وليدي يبو مات ابني مات بزري بليل عرسه يولي ترملتي انتي ترملتي بليلة عرسج صرتي ارمله بعدج مافرحانه بيه
رقيه ـــــــــــــــ ضليت ساكته ودموعي تنزل مدري شحجي شكول لا اهل لا لخوان لا اخوات لا حب حتى زوجي مات حتى الماوصلت بيته مات اجت هزار وكالتلي عجل شكد منحوسه انتي اهلج ماتو كاعتج احتركت اطلكتي ورديتي اترملتي احمد مات بسبب حضج، انفجرت بالبجي والنحيب و اكللهم ودوني عليه اكعده ارجعه ويايه والله يرجع بس ودوني عليه انهارت اعصابي جسمي صار يرجف اخذتني ارهاف لغرفتي واني بس ارجف مو بردانه ولا شي بس لحالي احس خضيض ماخذني شفتي ترتجف لحالها انطتني حبايه ونمت كعدت ضليت ابجي،،،، هيج يارب هيج جزاتي هيج صبري لخءت اهلي وبعمر صغير وكلت الله اخذهم لان يحبهم خلاهم نجوم بالسمه حلوين عشت حياة العبيد كلت الله يحبني و يختبرني خليت عمر بحياتي كلت جزات صبري اخءته مني كلت ماضاقت اله تفرج عوضتني باحمد واخذته مني ضليت ابجي حسيت احد يفوت للغرفه هذا عمر شيسوي هنا اجه حضني بعدته اجه نزعني الشال صرخت بيه وكمت استنجد خله ايده على حلگي و كام يتحرش بعد ماكدر رجعت حاله الرجيف بيه هوا شافني هيج وراد يستغلني مدري منين اجتني القوه شلت السراحيه وكسرتها براسه وكع بالكاع ودمه متنثر صرت ارجف ايدي ماسيطر عليها هالكد مارجفت كامت توجعني التم الكل بالغرفه لزموني دك كتل يكلولي كتلتي واحد تجين تكتلين الثاني شالوه ودوه للطبيب اني تخبلت طردت الكل من الغرفه وسديتها على روحي اشوف الدم واتذكر دم احمد شلون سالعلى ركبته وشلون دمر القميص تخبلت صرت اصرخ وابجي اريد اعود بالوكت و حضنه اسوي شي مايموت
