رقيه ـــــــــــــــ اجه عليه عسكري سئلني كلتله اي اني رقيه بس جنت خايفه لا عمامي دازي من كال الضابط عمر راح الخوف جنت مفكره اذا جيت توكف ويايه مو ضدي
عمر ـــــــــــــــ بس جان انتضرتيني اجي لبيت عمي واحجيلي
رقيه ـــــــــــــــ شمدريني انته تجي وبعدين جان مقربات الاوراق يخلصن وينختمن ويبقى بس توقيعي اني شسويت انهزمت
عمر ـــــــــــــــ بس لو منتضره شويه جنتي احجيلي لان اجيت لكيتهم يدورولج
رقيه ـــــــــــــــ عمر اني اسفه
عمر ـــــــــــــــ بعد لتعيدينها لتهربين
رقيه ـــــــــــــــ من الضيم هربت
عمر ـــــــــــــــ تحملي هوا خالشهر وتخلصين
رقيه ـــــــــــــــ عمر
عمر ـــــــــــــــ ها
رقيه ـــــــــــــــ انته ليش تزوجتني
عمر ـــــــــــــــ سؤال بايخ
رقيه ـــــــــــــــ لا جاوب
عمر ـــــــــــــــ اولا انتي بنت عمي ومالكه احسن منج ثانيا متكدرين تعيشين هنانه
رقيه ـــــــــــــــ يعني شفقه
عمر ـــــــــــــــ لا مو شفقه شايفتني اشفق على احد اني
رقيه ـــــــــــــــ مدري بس انته ضابط تستاهل وحده حلوه متعلمه مثقفه
عمر ـــــــــــــــ وانتي شبيج انتي تسوينهن و اذا عالدراسه تكدرين ترجعين تدرسين
رقيه ـــــــــــــــ صدك
عمر ـــــــــــــــ والله
رقيه ـــــــــــــــ شكرا عمر
عمر ـــــــــــــــ مابيناتنه شكر بعد انتي زوجتي المستقبليه 😌
رقيه ـــــــــــــــ انته فرحان بهالزواج
عمر ـــــــــــــــ انتي فرحانه
رقيه ـــــــــــــــ اني سئلتك
عمر ـــــــــــــــ اني فرحان الا اذا انتي متريديني
رقيه ـــــــــــــــ لا مالگه احسن منك
عمر ـــــــــــــــ خوش
ابو محمد ـــــــــــــــ هاي شسسووونن وحدددكم
عمر ـــــــــــــــ اهدء اهدء سكرك لا يرتفع اهدء انتضر ام اجود تنضف الغرفه لمرتي المستقبليه و واكف انتضر يكملون
ام محمد ـــــــــــــــ كملنه
عمر ـــــــــــــــ اممم خل اشوفها
رقيه ـــــــــــــــ صعد شفت عمي خزرني ركضت ورا خفت لا يكتلوني لكيت هناك هزار ومريم ورويده ينگطن سم مني و خازراتني طلعت لساني اعيبلهن هنه شاطن لربهن ههههه
عمر ـــــــــــــــ رقييه
رقيه ـــــــــــــــ هاا
عمر ـــــــــــــــ لسانج ضمي
رقيه ـــــــــــــــ ماسويت شي
عمر ـــــــــــــــ اجهلين بروحج اي ام جودي الحلو شو هناك ترابات امشي نضفييييهننن يللله
ام اجود ـــــــــــــــ وينهن
عمر ـــــــــــــــ اتنضفون الغرفه قاط ثاني بحيث اريدها تلمع لمع
ام اجود ـــــــــــــــ بس نضيفه شنضف منها
عمر ـــــــــــــــ مادري اشوف تنضفوها عالسريع
ام اجود ـــــــــــــــ نضفن
عمر ـــــــــــــــ محنايه مرت عمي ماتنضفين وياهن
ام اجود ـــــــــــــــ زودتها
عمر ـــــــــــــــ اي اجود شلونه شخباره
ام اجود ـــــــــــــــ زفرت بغضب
رقيه ـــــــــــــــ ضليت اضحك عليهن
عمر ـــــــــــــــ ها عجبج تصرفي
رقيه ـــــــــــــــ شكرا بردت گلبي
عمر ـــــــــــــــ هاي قليل بس لو تشوفين شمسوي بيهم رعب
رقيه ـــــــــــــــ عمر
عمر ـــــــــــــــ نعم
رقيه ـــــــــــــــ انته كايللهم اتزوجها واخذو الورث
عمر ـــــــــــــــ لا ورثج الج
رقيه ـــــــــــــــ شو همه يكولون تزوجين عمر وتسجلين بسمنه الورث
عمر ـــــــــــــــ بحلوكهم نعال لتخافين ميكدرون لتسجلين شي وهالزواج حيصير لان اني كامش عليهم كمشه ف ميكدرون يلغون زواجنه
رقيه ـــــــــــــــ اي
عمر ـــــــــــــــ اگلج تريدين نسوي حفله لو بس قراية فاتحه
رقيه ـــــــــــــــ بكيفك
عمر ـــــــــــــــ لا خليها للمهر بس تريدين نزوج مهر عرب
رقيه ـــــــــــــــ بكيفك
عمر ـــــــــــــــ بكيفج انتي اني شتكولين هاهيه
رقيه ـــــــــــــــ بكيفك عمر
عمر ـــــــــــــــ شاركيني شنسوي بعرسنه لو بس اني اخطط جنج مغصوبه
رقيه ـــــــــــــــ اي جيب سيد
عمر ـــــــــــــــ خوش حبيبة
رقيه ـــــــــــــــ اي
عمر ـــــــــــــــ خوش اتنضفت الغرفه وهسه نازل اجيبلج غراض الحفله وله اكول اخذج ويايه عالصالون ترتبين نفسج
رقيه ـــــــــــــــ صدگ
عمر ـــــــــــــــ والله
رقيه ـــــــــــــــ اي
عمر ـــــــــــــــ دياله بدلي انتضرج
رقيه ـــــــــــــــ فرحت هوايه نزلت بدلت دحكتلهن مو مالات طلعه اني ماعندي بس مالات بيت لان ماطلع و ملابس البنات من يملن منهن اندك الباب
عمر ـــــــــــــــ يلا رقيه ماخلصتي
رقيه ـــــــــــــــ مايحتاج عمر اروح لصالون قابل شسوي وبعدين ماضل وكت
عمر ـــــــــــــــ بكيفج بس تعالي اطلعي شبيهن عيونج باجيه
رقيه ـــــــــــــــ لا
عمر ـــــــــــــــ رقيه احجي انتي مجبوره عليه متريديني احجي اذا متريديني اني ماجبرج عليه
رقيه ـــــــــــــــ لا مامجبوره عمر بس احتاجيت امي بهالوكت
عمر ـــــــــــــــ الله يرحمهم همه وياج بكل وكت
رقيه ـــــــــــــــ امين
عمر ـــــــــــــــ يلى خلي اروح اشتريلج فستان 👗لو الله هاديج تروحين ويايه
ابو محمد ـــــــــــــــ وييين ترووووح انتتته بببعدددككك مامالج عللليهاااا
عمر ـــــــــــــــ بس ابن احوك كلش حلو وسوايته بعد احلى هوا وين خاتل مني
ابو محمد ـــــــــــــــ لتخليني هسه احجي عليك وعلى ابن اخويه
عمر ـــــــــــــــ وابنك هم بعد روحي هوا يفزع لابن عمه و يساعده وهله هله
ابو محمد ـــــــــــــــ ماتطلع وهذا حجي نهائي
عمر ـــــــــــــــ لتخليني اسويها عناد بيك ف احسلك داري هواك مثل ميك البصينيه
رقيه ـــــــــــــــ توترت من كلامهم مادري شنو المخليهم هيج ويه عمر وليش ساكتيله
عمر ـــــــــــــــ رقيه اومشي ع كولت السكران اجود
رقيه ـــــــــــــــ بس عمي مارضه ،،، من كلتله هيج خزرني اني مو لان عمي مارضه بس لان ملابسي متساعد
عمر ـــــــــــــــ امشي
رقيه ـــــــــــــــ رحت وياه
عمر ـــــــــــــــ اول شي راح اوديج يم ام الصالون ها عيني و ثاني شي اشتريلج فستان قابل يجن النسوان يشوفنج بالحجاب
رقيه ـــــــــــــــ بس عمر خوما اروح للصالون واني بملابس البيت ماريد اروح والله عود افل شعري و اخلي مكياج و البس فستان وهاهيه
عمر ـــــــــــــــ ليش انتي تعرفين تا تحطين
رقيه ـــــــــــــــ لا
عمر ـــــــــــــــ عجل اسكتي
رقيه ـــــــــــــــ مر للسوك اشترالي رداء لبستها بالسياره
عمر ـــــــــــــــ الله حلوه عليج
رقيه ـــــــــــــــ شكرا
عمر ـــــــــــــــ اني ماطول بس اشتريلج فستان وارجع انتي ضلي يم ام الصالون ماشي عيني
رقيه ـــــــــــــــ اي
عمر ـــــــــــــــ يلا انزلي وخليلها تحفلج شاربج والله اثخن من شاربي هاي اذا اريد احلف من جد احلف بشاربج
رقيه ـــــــــــــــ هههه
عمر ـــــــــــــــ دومها
رقيه ـــــــــــــــ نزلت يم ام الصالون طبعا هوا انطاني فلوس كلتلها بس حفيلي و حليلي شويه مكياج عدنه حفلة سياگ هيه ماجان يمها احد لان غروب بسرعه كملتني طلعت لكيت سيارته فتح الجامه فتحت الباب ورجع سد الجامه طبكت الباب
عمر ـــــــــــــــ هاي منو انتي
رقيه ـــــــــــــــ ههه رقيه
عمر ـــــــــــــــ ولا عرفتج هههه
رقيه ـــــــــــــــ هههه طالعه حلوه
عمر ـــــــــــــــ اي
رقيه ـــــــــــــــ عمر هذن فلوس بقن
عمر ـــــــــــــــ خليهن يمج تحتاجينهن
رقيه ـــــــــــــــ شكرا
عمر ـــــــــــــــ دياله خل اوديج بعدني لا مزين لا مصخم وخلي ابالج بثمانيه نجي
رقيه ـــــــــــــــ اي
عمر ـــــــــــــــ رقيه
رقيه ـــــــــــــــ نعم
عمر ـــــــــــــــ لتطلعين جدام ولد عمي
رقيه ـــــــــــــــ ليش
عمر ـــــــــــــــ عاد ليش
رقيه ـــــــــــــــ اي والله ليش
عمر ـــــــــــــــ ماريدهم يشفونج
رقيه ـــــــــــــــ اي
عمر ـــــــــــــــ لتهتمين الهن شيحجن فاهمه و عمامي لليحجي وياج اگص لسانه بس گوليلي
رقيه ـــــــــــــــ ان شاء الله،،،،، ترددت اسئله ليش خايفين منه هيج يس گلت عليش اتردد شو
