رقيه ـــــــــــــــ شو خل اسئله،،،، عمر
عمر ـــــــــــــــ عيونه
رقيه ـــــــــــــــ ليش عمامي خايفين منك
عمر ـــــــــــــــ جبناء
رقيه ـــــــــــــــ هوا السبب شنو
عمر ـــــــــــــــ ماعليج حجي كبار
رقيه ـــــــــــــــ دكولي،،،، خزرني سكتت وصلنه
عمر ـــــــــــــــ يلا عيني انزلي ومثل ماوصيتج وديريبالج على نفسج
رقيه ـــــــــــــــ ان شاء الله وانته هم
عمر ـــــــــــــــ ان شاء الله
رقيه ـــــــــــــــ رحت لغرفة عمتي ام عمر القديمه جانت مرتبه حيل كعدت بيها شويه واجت رويده ضلت واكفه فتره بعدين حجت
رويده ـــــــــــــــ لا عبالج تفرحين تزوجين ضابط انتي مستحقج خدام گهوجي حقج بياع خضره خدام حاله حالج
رقيه ـــــــــــــــ بس اني مو خدامه اني بنت هاي العائله
رويده ـــــــــــــــ لا انتي صح بنت العائله بس متستحقين
رقيه ـــــــــــــــ لان يتيمه مو
رويده ـــــــــــــــ لان انتي خدامتنه
رقيه ـــــــــــــــ الله كريم
رويده ـــــــــــــــ لسانج طالع يرادله گص بس والله هوا الي ومانطيجيا
رقيه ـــــــــــــــ هوا اختارني الي
رويده ـــــــــــــــ ولج گ..... اليوم اموتج الاسياد مايختارون خدمهم
رقيه ـــــــــــــــ بس تمدين ايدج اكول لعمر والله
رويده ـــــــــــــــ بعده ماصار زوجج تستكوين بيه
رقيه ـــــــــــــــ بس هوا زوجي المستقبلي
رويده ـــــــــــــــ دياله جنج المهرج كلام متعرفين تحجين تادبرين ضابط اله هيبته انتي كلج على بعضج همجيه رجعيه متستحقين هيج زوج
رقيه ـــــــــــــــ راستا نزلن دموعي
رويده ـــــــــــــــ بأستهزاء،،،، ههه ضعيفة شخصيه
رقيه ـــــــــــــــ اطلعي بره
رويده ـــــــــــــــ اصلا مو طايقة ابقى وياج مو طايقه ابقى ويه وحده همجيه رجعيه يكول ماشايفه
رقيه ـــــــــــــــ انقهرت حيل و كمت ابجي هيه طلعت كمت على المرايه صدك اني همجيه وماعرف احجي و مادارسه زين حتى مو حيل حلوه مثلهن هنه جسمهن متناسق واني ضعيفه و لبسهن حلو واني احلى دشداشه عندي عمتي ام اجود ماتلبسها اني همجيه صارت بثمانيه ومافعل انزل
هزار ـــــــــــــــ انزلي لو متعرف اسلمين
رقيه ـــــــــــــــ نادي عمر عفيه
هزار ـــــــــــــــ عمر يم الولد
رقيه ـــــــــــــــ هئ
هزار ـــــــــــــــ هههه همجيه تخافين تشوفين الناس
رقيه ـــــــــــــــ انهضمت ومافعلت انزل شويه واجت عمه ام عمر او باللحره خالتي اخت ماما بس مو من نفس الام كامت تصلي عالنبي وتگلي حلوه و ماشاء الله صراحه عززت من نفسيتي
ام عمر ـــــــــــــــ يمه هنياله ابني عليج ماتعبني واختار زينه البنات بس يمه ليش باجيه متريدين عمر
كوليلي
رقيه ـــــــــــــــ عمه اني صدك ماستاهل عمر هئ
ام عمر ـــــــــــــــ شهالحجي اصلا وين يلگى احسن منج
رقيه ـــــــــــــــ عمه صدك اني ماستاهله اني همجيه ومو مثقفه عمر ضابط و اله هيبته
ام عمر ـــــــــــــــ اگلج اسكتي من حاشي براسج هالكلام
رقيه ـــــــــــــــ رويده كالت
ام عمر ـــــــــــــــ كالت رويده عليج س،،،، انتي ثرتي س،،،،
رقيه ـــــــــــــــ لا
ام عمر ـــــــــــــــ هنه يكرهنج لهذا السبب يقللن من قيمتج انتي لصيرين خبله يلا كومي انزلي كلها ادورلج اكفي خل انادي ارهاف تعدلج مكياجج
رقيه ـــــــــــــــ راحت ورا شويه اجت وياها ارهاف سلمت عليه و عدلت مكياجي وطلعنه كعدنه يم النسوان اسمعهن يكولن بعدها زقيره ومن هالحجي بعدين قرن الفاتحه شويه وكومني رحنه كطعنه مهر عرب رجعت لمكاني شويه واجه كعد يمي
عمر ـــــــــــــــ الله طالعه تجننين
رقيه ـــــــــــــــ شكرا وانته بعد طالع حلو
عمر ـــــــــــــــ عيونج الحلوات لهذا السبب شفتيني حلو
رقيه ـــــــــــــــ تسلم
عمر ـــــــــــــــ يلا عاد مو تزوجنه فكيها شكرا وشكرا لا اليوم تطورات تسلم
رقيه ـــــــــــــــ هههه
عمر ـــــــــــــــ دايمه الضحكه
رقيه ـــــــــــــــ تسلم
عمر ـــــــــــــــ محد سمعج كلام
رقيه ـــــــــــــــ لا
عمر ـــــــــــــــ خوش
رقيه ـــــــــــــــ اي
عمر ـــــــــــــــ رقو
رقيه ـــــــــــــــ نعم
عمر ـــــــــــــــ عگب باجر نگطع مهر حكومه
رقيه ـــــــــــــــ اي
عمر ـــــــــــــــ اي ولريد اشتريلج موبايل حتى ابقى اتصل بيج
رقيه ـــــــــــــــ بس اني ماعرف استخدمه
عمر ـــــــــــــــ متعرفين
رقيه ـــــــــــــــ اي
ام عمر ـــــــــــــــ اكلك شو لزكت البنيه ماطايره يلى روح
عمر ـــــــــــــــ يمه مو جنه نتناقش
ام عمر ـــــــــــــــ عود بعدين وليدي
رقيه ـــــــــــــــ راح جان جتي ارهاف كالت اشوفج السياگ شگد اجو ناس شوفتني عدد السيارات و الجيش هوا هم اجه لابس ملابس جيش طلع وشويه وهم طلعن اني من راحن بنوات المنطقه رحت لغرفتي وسديتها ضليت ادحك لنفسي طالعه حلوه يس عايزني اسمن شويه مرن اليومين ورحنه گطعنه مهر عرب جابلي موبايا وعلمني شلون اخابر عليه واشترالي غراض وحلويات وعنايه بالبشره كل هذا مافرحني بگد الحلويات صارلي سنين ماماكلتهن ادري تكولون ام كرش او ماشايفه بس ماكو انسان مايحب هيج اشياء جنت ياله وياله بس ارجع علمود اكلهن 🙂 رجعت صعدت گبل اتصل عليه دست الحمره نسيت هاي اسد رجع اتصل دست الخضره
عمر ـــــــــــــــ ليش فصلتي بوجهي
رقيه ـــــــــــــــ مو والله عباليها تفتح
عمر ـــــــــــــــ يلى عادي تتعلمين عليه
رقيه ـــــــــــــــ شكرا عمر
عمر ـــــــــــــــ صعدتي لغرفتج
رقيه ـــــــــــــــ اي
عمر ـــــــــــــــ خوما احد حاجاج
رقيه ـــــــــــــــ لا
عمر ـــــــــــــــ خوشعجل اني راح اروح
رقيه ـــــــــــــــ ليش انته بعدك
عمر ـــــــــــــــ اي
رقيه ـــــــــــــــ فتحت البرده دحكت السياره بعدها
عمر ـــــــــــــــ اسمع صوت برده
رقيه ـــــــــــــــ اي اني فتحتها
عمر ـــــــــــــــ ها
رقيه ـــــــــــــــ نزل من السياره دحك وكال سدي البرده
رقيه ـــــــــــــــ اي هسه اسدها
عمر ـــــــــــــــ رقيه
رقيه ـــــــــــــــ ها
عمر ـــــــــــــــ انتي رايده هالزواج
رقيه ـــــــــــــــ انته رايده
عمر ـــــــــــــــ مادري احسج ماريدتني
رقيه ـــــــــــــــ مالكه احسن منك بس انته احس شفقان
عمر ـــــــــــــــ لا ماشفقان اني
رقيه ـــــــــــــــ اي
عمر ـــــــــــــــ شوفي رقيه اني اكدر اقاطع عمامي قاطعتا والسوه بيه مو شويه اكدر مادخللهم بيت بس لان انتي موجوده هناك اني بقيت اجي
رقيه ـــــــــــــــ عمر اذا شفقان عليه والله تعودت عالكتل وهمه معاديني عالورث انطيهميا وخلص محد ميت وماخذ املاكه وياه واحنه ابدايتها تكدر تعوفني وتزوج وحده مثقفه و عدها وضيفه وشخصيه تطالع اني ماعندي ولا وحده منهن
عمر ـــــــــــــــ اني ماشفقان اول شي ثانيا املاكج الج لتتخلين عنهن لايمن كان ثالثا اني مايهمني لو موضفه ولا شخصيه ولا مثقفه اني اريدج الج ش في اني بدايتها كلتلج لان بنت عمي ومالكه احسن منج
رقيه ـــــــــــــــ اي
عمر ـــــــــــــــ رقيه تريدين الصراحه
رقيه ـــــــــــــــ اي كول
عمر ـــــــــــــــ اني احبج
رقيه ـــــــــــــــ تحبني
عمر ـــــــــــــــ اي احبج
رقيه ـــــــــــــــ من ايمته وشلون
عمر ـــــــــــــــ من زمان احبج بس خايف انتي متحبيني
رقيه ـــــــــــــــ ولان تحبني جنت ادافعلي
عمر ـــــــــــــــ اي
رقيه ـــــــــــــــ ضليت ساكته شحجي وياه
عمر ـــــــــــــــ رقيه اتحبيني
رقيه ـــــــــــــــ ضليت ساكته
عمر ـــــــــــــــ رقيه احجي وياج
رقيه ـــــــــــــــ ها وياك
عمر ـــــــــــــــ رقيه الله عليج تحبيني لو لا
رقيه ـــــــــــــــ ها
عمر ـــــــــــــــ احد جبرج عليه
رقيه ـــــــــــــــ لاوالله محد جبرني اني وافقت
