اطلعت لين من المجلس وراحت عند رعد
يلي كان لحاله با الغرفه يطالع في جواله
ادخلت لين وهي مش لابسه احجاب ول حتى نقاب ول شيء
فتحت لين الباب بقوه وقالت وهي تصيح
: رعد صدق صدق تزوجت
لف رعد عليها بس ماشاف ملامحه عادل وصد
: مين انتي وشلون تدخلين الغرفه
لين : لا تقهرني قولي صدق تزوجت
رعد : اي تزوجت
لين : وحب اطفوله و الوعود وين راحت وانا كنت ارفض العرسان عشانك
رعد : عن اي حب طفوله تتكلمين احنا كبرنا خلاص وانا ما احبك اطلعي لو سمحتي
ادخلت رسيل وسراب عليهم وانقهرت سراب انها ادخلت غرفتها لا وتكلم زوجها
: انتي باي حق تدخلين غرفتي
لين : وخري ماني ناقصتك رعد طلقها
سراب : هي هي اقول روحي روحي وطلعي
رسيل : لين اطلعي بسرعه
اطلعت لين وهي تصيح وامسكوها
حنين وأطلعوا من البيت
.......................
غرفة رعد
كانت واقفه سراب عند الباب وهي تهز رجلها
رعد : تراك صدعتيني اشفيك
سراب : كان عاجبك الوضع
رعد : وش عاجبني وانا وش عرفني انا بتدخل الغرفه
سراب : لا والله
رعد : ما كذبت وش عرفني
سراب : طيب يصير خير وانا اتفاهم مع لين ذي
رعد ابتسم : يوو شكلك بديتي تحبين تغارين
سراب وجها صار احمر : مين قال بس لين اقهرتني اشلون تدخل
ضحك رعد : لا لا ترا واضح
افتحت سراب الباب واطلعت وهي ماتبي تكشف شعورها
....................
يوم عرس روان
صحى رعد وراح مع العيال يتجهز
وسراب راحت مع البنات
سراب : رسيل ترا اذا شفت لين بذبحها
اضحت رسيل : م بروحك حتى انا ودي اذبحه بس ياخي الغيره واضحه عليك
حمر وجه سراب
................
في بيت العمه حصه
ادخلت سراب ورسيل وهو انتشر خبر خطوبه رعد لسراب والكل يدري
ادخلت سراب وشافت لين بس ما اهتمت وحاولت تتجاهله وتجهز
سراب : رسيل اذا خلصتي عطيني احس شعري مش ضابط
رسيل : كل ذا ومش ضابط معليك تهبلين
سراب : صدق ولا
رسيل : قسم بالله تهبلين
جات حنين : اي والله شكلك مرا حلو
ابتسمت سراب وراحت تكمل مكياج
حنين : رسيل اسفه والله على يلي سوتها اختي كنت خايفه انو سراب تزعل
رسيل : لا معليك سراب مارح ازعل منك وبعدين انت الاخت اصغيره وجايه تعتذرين علمي الكبيره
حنين : وش اسوي بس قلت لازم اعتذر
رسيل : تعالي تعالي بس بحط لك مناكير
.........................
عند ارجال
كان رعد وفيصل و سعد وعبدالله (وعبدالرحمن المعرس )
رعد : يلا شباب بسرعه لا نتاخر
فيصل : معليك بنخلص بسرعه
رعد : حتى الحريمه بيخلصون وانتوا باقي
عبدالله: اشفيك انت مستعجل
رعد : بس ياخي ابي احلل العرس ما يصير عندنا عرس الا من سنه لسنه
سعد : عاد انت معرس بعد
ضحك رعد : اي
سعد : ليه ما قلت لنا سويتها فجاء
رعد : بس كذا ابيها تكون مفاجاة
عبدالله: عاد اخر شخص كنت اتخيل انه يتزوج انت
رعد : ليه وش ناقصني
عبدالله: لا مش كذا بس يعني لانك ما تفكر الحين
رعد كان يبي يخلص بسرعه ويروح يشوف سراب
........................
عند البنات
رسيل وهي متعمده تبي تقهر لين
رسيل : سراب قلبي دقي على رعد خله يجي
لين كانت تسولف مع روان ولفت عليها على طول
سراب افهمت : حاظر الحين بدق عليه
دقت سراب
رعد : هلا
سراب : حبيبي رعد تقدار تجي تاخذنا
رعد انصدم من اسلوبها بس اعجبه الوضع : حاظر يا اعيوني انتي
سراب حمر وجه وسكرت الجوال
....................
ماهي دقايق الا وجاء رعد ودق على سراب واطلعوا
اركبت سراب ورعد وام رعد
ام رعد : ها ياولدي كيف التجهيزات
رعد : جهزنا كل شيء الحمدالله خلصنا بدري
ام رعد: الحمدالله عاد يا رعد ابيك تودينا البيت نبدل بعدين تودينا بيت ابو عبدالرحمن (يلي كان في العرس)
رعد : تمام
....................
بيت ابو رعد
نزل رعد ورسيل وسراب وام رعد البيت
وكانت سراب تمشيء بسرعه ما تبي تصادف رعد يلي كل ما لفت عليه ابتسم لها
وهي تقول في نفسها ( الله ياخذ لين يلي خلتني اقول له حبيبي اففف )
ادخلت سراب تلبس با الحمام ورعد با الغرفه
رعد وهو بيموت ويشوف شكلها : يلا يا سراب لا نتاخر
سراب : خلاص دقايق بس
رعد وهو كل اشوي يقول لها : يلا يا سراب شوفي الوقت تاخرنا
سراب من داخل الحمام بنفسها ( كذاب توها اساعه 6 وش تاخرنا )
: يا رعد خلاص خلاص دقيقه
اطلعت سراب يلي كانت لابسه فستان ازرق يفتن وفاتحه شعرها الطويل وكانت جميله جدا لدرجه انو رعد ما وخر عينه عندها
سراب : ها حلو
رعد : ارحمي قلبي الله يخليك
لفت له سراب
رعد : اقصد مرا حلو ماشاءالله
سراب : شكرا صدق الفستان فستان رسيل
رعد : عليك احلى
اضحكت سراب واوضحت غمازات يلي رعد صار يموت فيها
رعد : اي تعالي وش يلي قلتيه با الجوال
سراب صار وجه احمر : ما قلت شيء
قرب لها رعد : وش ما قلتي شيء
سراب : ما قلت شيء نسيت اصلا
ضحك رعد : نسيتتتت هااا
قرب منها ازياده ودق الباب
وخر وانقهر رعد : مين
رسيل : آسفه على الازعاج بس ابي سراب ضروري
رعد : اااا
اطلعت سراب تركض
رسيل : الله وش ذا الجمال كله يووو انا بنت وبموت اشلون رعد قادر تستحمل
ابتسم رعد
سراب : انتي بس فاضيه تفشلين فيني امشيء
.....................
في العرس كان الكل يطالع في سراب يلي كانت تلفت الانتباه لانه الغريبه بينهم
سراب : وش في ليه الكل يطالع فيني
رسيل : لانهم ما يعرفونك
سراب : يخوف ترا
اضكت رسيل واضكت سراب
بنص العرس
جات عجوز : يا بنتي وين امك
سراب : ليه وش بغيتي
العجوز : ماشاءالله عليك قمر بخطبك لولدي
انفجرت رسيل ضحك
العجوز : اقولك ولدي ضابط ويهبل
سراب : لا ياخالتي انا متزوجه
العجوز : ماشاءالله الله يهني زوجك فيك
سراب : امين يارب
بدو البنات با الرقص و الضحك والكل يرقص ويضحك
رسيل اغصبت سراب ترقص معها
.....................
عند الرجال يلي بدو يعرضون وهم يضحكوون
يرقصون بكل قوتهم رعد كان اكثر واحد يرقص فيهم اهو وفيصل يلي كانو يتشابهون بشكل كبير واثنينهم كانو يلفتون الانظار
رعد : تعبت تعبت خلاص
سعد : قوووم محب ارقص بدونك
رعد : اقول وخر تعبت
ضحك فيصل : عجوز كبر اشفيك
ضحك سعد : طيب امش انت
........................
خلص العرس يلي كان حلو با النسبه للكل
وكان رعد ينتظر سراب و رسيل عند الباب بحكم انه بياخذهم اما ام رعد فا راحت مع فيصل و ابو رعد
اطلعت سراب رسيل
وكان واضحه رجل سراب من العبايه قرب رعد
رعد بعصبيه : سراب سكري عبايتك
سراب بصدمه : يوو منتبهت
رسيل : نعم انهو الرجل الغيور
اضحكت سراب
قربت العجوز من رعد :
الله وفقك مع ها البنت اشهد انك طحت لك على وحده
ضحك رعد : اي والله وانا اشهد
احمر وجه سراب
وراحت العجوز
رسيل : اقولك قبل اشوي جات واخطبه سراب
رعد لف : وش
رسيل : اي اخطبها
سراب : والله اني ضحكت عليها ضحك
رعد : اشلون شافتك
سراب : وش اشلون اصاله صغيره والكل واضح
رعد : ليه ما جلستي عند امي
رسيل : وش تجلس مع امي اقول لا تكبر الوضوع وامش
........................
بعد مرور كم يوم زواج رعد وسراب ؟
.
.
.
.
.
. انتهى البارت 10
