28رمضان
الكل كان وقف قدام التلفزيون القديم الكبير ينتظرون الخبر اذا بكرا العيد ولا
رسيل : ها وش بكرا
رعد : لسى ما قالوا
فيصل : اففف يارب بكرا
كانو قاعده معهم وهي لابسه اجلاله سراب : لا يارب مابي بكرا فستاني للحين عند الخياط
رعد : اسكتوا اسكتوا اااااااا اووو العيد مش بكرا ما بين القمر
لفت رسيل على سراب : يوو دعوتك با الملي
اضحت سراب : معليك اوريك
لفت رعد عليها : قصري صورتك
هزت راسها سراب بمعنى حاظر
ابتسم رعد لها
جات ام رعد من المطبخ
ام رعد : ها بشرو وش
فيصل : بعد بكرا يمه
ام رعد : الحمدالله خيرا
قام رعد الغرفه ولحقتها سراب
سراب : رعد
لف رعد لها
رعد بصوت خشن : هلا
سراب : ابيك توديني عند الخياط باخذ الفستان
رعد : حاظر من اعيون
سراب : تسلم اعيونك
رعد قرب منها : لا تقولين كلام حلو ترا مش با الغرفه احنا مقدار اسيطر على نفسي
اضحكت سراب : خلاص طيب
........................
في بيت ابو عبدالله
كانو قاعدين عند التلفزيون
عبدالله: ما بين القمر يبه
ابوعبدالله: يعني مش بكرا
جات تركض حنين : ها بشرو
لين : اشوي اشوي لا تطيحين
عبدالله: مش بكرا
حنين : يوووو كان ودي بكرا
ام عبدالله : قولي الحمدالله
حنين : الحمدالله الحمدالله
لين : حنين امشيء ساعديني ابي انظف المطبخ
تخصرت حنين : لا روحي بروحك انا امس نظفتها
لين : اقول قومي ساعديني
ام عبدالله: وهي صادقه امس كان عليهم لين روحي اشتغلي بروحك
لين قربت من حنين وهي مقهوره انه مارح تساعده وكان ودها تصفقها كف بس قبل لا تقرب منه مسك يدها عبدالله : خير يختي نعمممم وخري عنها
ابو عبدالله: بنت لين وش فيك انتي مش عاجبتني بتمدين يدك على اختك وانا موجود وعلى شيء تافه والله ان شفتك مديتي يدك مرا ثانيه اول شخص يخطبك بنوافق عليه
لفت لين على ابوها : يبه وش فيك اسفه آسفه وش اول واحد يخطبني
كان لين عندها امل انه تاخذ رعد ول تصير الثانيه كانت راضيه
حنين : لا يبه معليك انا سامحتها وهي ما كانت تقصد
عبدالله : وش يلي ما تقصد تستهبلين انتي
حنين امسكت كتف عبدالله: خلاص عبود معليك ما صار شيء
مشت لين ودفت حنين من يدها وراحت غرفتها
وقفت حنين بدون اي ردت فعل وهي تعودت على اختها وتصرفاتها ودها لو تتحسن بس مافي فايده
............................
في بيت ابو رعد
في غرفة رعد
رعد : سراب
سراب : عيوني
رعد : ودي نطلع انا وانتي ونروح مكان ول احد ونقعد مع بعض من يوم تزوجنا ول يوم طلعنا بروحنا
سراب بحماس : اي اي خلنا نطلع صدق والله ما طلعنا بروحنا
رعد : عجل تم جهزي نفسك ولبسي شيء دافي وجيبي فروتي وفروتك تمام
سراب : حاظر حبيبي
داخ رعد بعد ما سمع حبيبي بس طلع وكمل طريق وهو او يرجع لها بتموت 😁
.................
طلع رعد من الغرفه وشاف رسيل وام رعد جالسين كانت رسيل جالسه عند رجل ام رعد وام رعد احط لها حنا
رسيل : يمه ماله داعي ما احب ريحتها
ام رعد : محد قالك حبيها زينه هي لشعر
ضحك رعد على شكلها وقال : يووو وش ذا الشكل لا يشوفك عبدالعزيز يكنسل
جات بتقوم رسيل امسكتها امها : وانت وش دخلك ها اطلع يلا
ضحك رعد : حاظر يمه حاظر يلا انا بطلع مع سراب تامرون على شيء
ام رعد : تروحون وتجون با سلامه يا ولدي
رسيل : على وين يمه وبعدين ما حطيتي حق سراب اشلون تروح
اطلعت سراب من الغرفه وهي لابسه عباتها واضحكت على شيء رسيل يلي يضحك
رسيل : يمهههه شوفيها
ام رعد اضحكت : خلاص يا بنتي معليك منهم وبعدين حطيت حق سراب امس واليوم دورك
رسيل : متى متى
سراب : يوم نمتي يا اصاله وما رضيتي تصحين كان ما نمتي من قبل
رسيل تذكرت : طيب اااا ابي اروح معاكم
طالع رعد في سراب
بتردد وهو ودها يطلع معها لوحدهم رعد : يلا تعالي
امسكت ام رعد رسيل : اقول قعدي مافي روحها يلا يا ولدي توكل
رسيل : خلاص روحوا
وهي مستقربه ليه امها ما خلتها تروح
ضحك وتطمن رعد : طيب يلا بس ها لا تعطينا عين
لفت وجها رسيل عشان ما اشوفه وكملت امها تحط الحنا
طلع رعد لسياره اما سراب مشت لين اوصلت عند ام رعد وحبت راسها
وقالت : مع اسلامه وانتي رسيل حطي الحنا عدل واضحكت
رسيل كان ودها اقوم وتصفق سراب
رسيل : بقوم اذبحها
ام رعد : قعدي قعدي
اطلعت وهي تضحك
سراب كانت متعودها من يوم هي اصغيره اذا جات تطلع تروح تحب راسه امها والحين ام رعد صارت امها اضحكت ام رعد وهي فاهمه وفرحان ان سراب صارت تعتبرها امها
رسيل : يمه يمه يمه يمه
ام رعد: نعمممم
رسيل : اشفيك ما تردين
ام رعد : رديت
رسيل بزعل : ليه ما خلتيني اروح معهم
ام رعد : وش فيك انتي البنت من يوم تزوجت ما اطلعت معه ول طلعه عدله
خليهم يطلعون اشوي
اسكتت رسيل لان امها معها حق
.......................
في سيارة رعد
ركب سراب اسياره
رعد : حيا الله سراب
سراب اضحكت : الله يحيك
رعد : بوديك مكاننن قسم بالله مش حلو الايلي بعدها
سراب : ورني ذوقك يلا
تحرك رعد وهو ماسك يد سراب طول اطريق وحاطين اغاني والجو هادي
وصل رعد المكان بعد نص ساعه وكان المكان بعيد عن اناس وتقدرون تشوفين نص ارياض منه وكان مرا حلو وهادي ومافيه احد غيرهم
انزلت سراب من اسياره وكان الجو بارد وحلو
سراب : بصراحه اختيارك حلو
رعد : شفتي عشان تثقين في اختياراتي مرا ثانيه
اضحكت سراب وتلفت يمين ويساروقالت : رعد عادي اشيل عباتي
رعد لف يمين ويسار: اي اي مافي احد غيرنا
جهز رعد اجلسه وجلس واجلست سراب بجنبه وكان الجو برا وكل واحد يفروتها قام رعد يجيب حطب
سراب :وين بتروح
رعد : بجيب حطب
سراب بخوف : رعد بتخليني بروحي
رعد وهو يمشيء : اقعدي مارح يصير شيء
سراب : لا مابي يجي معاك
قامت سراب تلحق رعد وهي ماسكه فروتها من وراء لان ما تشوف شيء
رعد : بنت وش فيك ما بيصير شيء لا تخافين
سراب : ليه قمت وخليتني
رعد : مابي بيصير شيء يلا خلصت امشيء نرجع
ارجو وجهز رعد النار وولعها وجلس رعد وسراب قريب منها كانت سراب جالسه جنب رعد وحاطه راسها على كتفها ويطالعون با القمر
سراب : بسوي شاهي
رعد : اجلسي انا بسوي
سراب : لا انا
رعد : يوو اشفيك اليوم مدلعك انا بسوي
اجلست واضحكت وقام رعد عند اسياره يجيب الماي عشان اشاهي
بدا يسويه وسراب تسولف على راسه عن الزواج وتجهيزاتهم واشياء واجد
خلص رعد اشاهي وجلس جنب سراب وانار حولهم و وسراب حاضنتها عشان البرد
رعد : تدرين ودي اوقف ازمن عشان ما يخلص هاذا اليوم
اضحكت سراب : حتى انا ودي اوقف ازمن ويبقى انا وانت بس
كملوا سوالف وبعد ما خلصوا
رعد شاف اساعه : يلا يلا طولنا باقي ساعه على اذان الفجر
قامت سراب وهي تلم الاغراض ورعد يطفي انار
وتحركوا للبيت
....................
ثاني يوم 29 رمضان
الكل يجهز من اصباح عشان بكرا العيد والكل متحمس يروح المزرعه ابو رعد كان عندها مزرعه مشترك فيها مع اخوانه
ويجتمعون فيها عيد ول اذا صار شيء كبير مثل عرس او غيره يروحون فيها كان الكل متحمس للعيد والكل يجهز ويضبط
بعد الفطور قامت سراب انظف مع رسيل وام رعد وبعد ما خلصت راحت عند رعد يلي كان يراجع اوراق واحد من المرضى يلي عندها وقالت : رعد
لفت رعد لسراب : امري
ابتسم وسراب : ما يامر عليك عدو ابي اسوق اذا خلصت ناقصني حلق بشتريه عشان الفستان
رعد : خلاص اخلص شغل ونروح بس ها ما تطولين ترا ما احب اسوق ول احب اي شيء فيه
سراب حطت يدها على خشمها : خلاص وعد ما بطول بسرعه بخلص
رعد داخ بعد حركاتها
وقال عشان يضيع يلي شافه وهو ما كان ناوي يتهور ويسوي شيء : خلاص وبخلي رسيل تروح هي قالت لي تبي البقاله
سراب : خلاص تمام قربت سراب من رعد وباست خده: حبيبي الله لا يحرمني منك
سحبها رعد لحضنها : عيدها عيدها امانه
تلفت سراب يمني ويسار وهي مصدومه ومنحرجه : رعد رعد امك بتجي وخر
رعد ما رضى يفكها : عيدها وافكك
سراب : رعد لا تستهبل الحين بتجي عمتي وخر
رعد : ما بوخر خلهم يشوفون عادي ترا انتي زوجتي
رعد ما كان يستحي عكس سراب يلي كانت تستحي وتتحرج
قربت سراب منه وباست خده مرا ثانيه : يلا وخر الحين
وخر رعد وهو يضحك : خلاص بعد العشاء جهزي ها بصلي ونطلع وقولي حق رسيل
سراب : خلاص طيب بس يا ويلك تعيد ذي الحركه
امر من جنبها وقال : بعيدها كيفي
راحت سراب وهي ما تبي تنحرج اكثر
..................
بعد العشاء
دق رعد على سراب يقول لها تطلع واطلعت هي ورسيل
وكانوا كل وحده فيهم تتهاوش مين تقعد قدام وبا الاخير صار
سراب : جحر ورقه مقص ويلي تفوز تقعد قدام
رسيل : يلا
بدو يلعبون وكل وحده فيهم تبي تفوز وعد يضحك عليهم وهو با سياره
سراب : كفوووو يلا يلا وراء
رسيل : لا لا غش
سراب : اقول بس اركبي
اركبت سراب قدام ورعد يضحك عليهم
رعد : كفو والله زوجتي فازت كفك
اضحت سراب : اكيد اشفيك
رسيل : خير خير نعم وش ترا انا باقي اختك
رعد : ما قلنا شيء بس لازم نحمس الحب
رسيل : لا ا وحب قدامي بعد
لفت له سراب تحرها
تحرك رعد على اسوق وطول اطريق ورسيل وسراب يتهاوشون على الاغاني
...............
كان اسوق حقهم صغير يا دوب يكفي الحي حقهم
نزل رعد وأنزلوا البنات
سراب : رسيل وين المحل يلي قلتي عنه
رسيل : شوفيها هاذا هو
ادخلت سراب ورسيل
وهم يشوفون الاغراض ومبهورين فيهم ورعد واقف معهم وهو مش فاهم شيء
ادخلت بنت وراهم وهي تطالع في رعد من يوم ادخلت كان رعد يلفت الانتباه با ملامحه الحاده
لاحظت سراب نظرات البنت ولفت لها بعد ما عطت رسيل اغراضه وقالت لها تروح عند رعد وتخليه يحاسب
قربت سراب من البنت واصقعت فيها
البنت : خير ما تشوفين
سراب : اي ما اشوف واذا شفتج تطالعين بزوجي مرا ثاني لا اشيل عيونج فاهمه
طالعت فيها البنت وتحركة من قدامه
فجاء صفقت رسيل وهي تقول : اخس يا الغيوره
سراب بجديها : نرفزتني اف
ارجعوا السياره
رسيل : رعد ما تدري وش صار
رعد : وش صار
قالت له رسيل يلي صار وجلس رعد يضحك لين قال بس : اخخ صدق تزوجت وحده عن عشر رجاجيل كفر
سراب : اف فكني منك ومن اختك
رعد : ازعلت
رسيل : والله اقولك انا خفت منها
اضحكوا وكملوا طريق للبيت
..............
اول يوم عيد اصباح ؟
.
.
.
.
خلص البارت 😊
