"يا بعد امي وابوي"

11

{يوم زواج رعد و سراب }
كان عرسهم كبير بحكم انو ابو رعد غني وعنده افلوس ورعد ولده الكبير
جاء ابو سراب وامها ونادوا معارفهم
الكل كان مستنفر ويجهزون للعرس والعيال كانو مع رعد با الحلاق وكانو يغنون ويضحكون
ورعد يلي من اصباح وهو مبتسم ويضحك
عبدالعزيز: يلا رعد تاخرنا
ركضوا العيال للسيارات واتجهوا لبيت ابو رعد يلي بيكون فيه العرس
ارجال بخيام والحريم داخل البيت
.....................
اما عند  سراب يلي كانو البنات حولها ويضكون ويغنون و اوصلت بنت عمها سلمى( اخت عبدالعزيز ) كانت مرا قريبه من سراب 
سراب كانت تحس باحساس حلو وانها  صارت عروس
خلصت سراب المكياج يلي كان خفيف مرا
سراب: ها بنات حلو
رسيل : ياخذ العقل انا مدري اخوي اشلون بيستحمل جمالك اليوم
ابتسم سراب ووجه صار احمر
سراب: يلا بلبس الفستان
كان فستان سراب ناعم مرا وبسيط
البست  الفستان   وادخلت ام سراب وسط دموع
وسراب : يمه لا تصيحين
تقدم آم عبدالعزيز وسلمت عليه وام رعد يلي احضنتها
وهي تقول : الله يجمع بينكم على البر و اطاعه مبروك يا بنتي
قامت رسيل وهي تقول : خلاص لا تبكون

....................
رعد كان زعلان على عبدالعزيز يلي يقول له انه بيروح زواج بنت عمه
رعد : يعني الحين انا صديقك ما تحظر عرسي
عبدالعزيز: يا ولد بس بروح اسلم دام ان العرس با الرياض
رعد : انقلع
ضحك عبدالعزيز وكان بيطلع بعدين استوعب : دقيقه وش اسم ابو العروس
رعد : افلا الفلاني
لف عبدالعزيز: وش
رعد : اشفيك خوفتني
ضحك عبدالعزيز: هاذا عمي
رعد : هاااا
عبدالعزيز: يعني انت تزوجت سراب بنت عمي
رعد : تستهبل صح
عبدالعزيز: لا بس اشلون طول ذي الفترة ول عرفت
رعد : بس صدق صدفه يعني فوق ان انا وانت ربع الحين صرنا نقرب لبعض
ضحك عبدالعزيز : اي والله شوف حظك يلا بحظر العرس
لف عليه رعد : اقول انقلع
ضحك رعد وضحك عبدالعزيز
...........................
صوت الطقاقه طلع وهو اعلان بداية الزواج وهي تقول :

مبروك مبروك يا رعد افرح وتهنى

مبروك جبنالك سراب غزال محنى

عروستنا سراب طلت وهي نور بدر تجلى

قاموا المعازيم يزغرطون ويرقصون
سلمى اجلست بتعب : اف الله ياخذ البزارين
رسيل وهي ماسكه الخيزرانه : وخر انت ويها
حنين : خلاص يا رسيل الحين بتجي وحده من الامهات تهاوش
رسيل : محد قال لها تهمل ولدها احسن
..................
عند الرجال كان
عبدالعزيز وفيصل يمشون ويرقصون وهم اكثر اثنين فرحانين لرعد
بعد اشوي بدا يدخل معهم سعد واشوي اشوي
دخل عبدالله
وكانو يلفتوا الانظار برقصهم
كان الكل يطالع فيهم ويضحك
قام رعد وهو يتقدم ويرقص معهم وهو فرحان
كان راضي كأمل الرضا على سراب
بعد ساعه الكل جلس الا فيصل يلي كان فرحنا باخوه
ويرقص من قلب كان يشبه رعد تمام ما تفرق بينهم الا ان فيصل كانت ملامحه اهد من رعد يلا ملامحه كانت حاده اكثر كان رعد اجمل من فيصل
وكان الفرق اثاني انو رعد اطول من فيصل بشوي
كان رعد فرحان باخوه
.......................
جاء وقت دخول العريس
كانت سراب ترجف كان اول مرا يدخل فيها رعد عليها او يشوفها
سلمى: صير ثقيله ها
رسيل : لا تتكلمين سكتي
حنين : اي لا تتكلمين
اضحكت سراب : بنات اشريكم تجون مكاني
اضحكوا البنات
وجات ام رعد : يلا يا بنات بيدخل المعرس
اطلعوا البنات ودخل رعد
رعد كان مفتون بجمال سراب يلي كانت ترجف قرب منها
: ليه ترجفيني ترا مش اول مرا اشوفك
ارفعت راسها سراب وطالعت فيه وارجعت نزلتها
ضحك رعد : خلاص فهمت بسكت
اضحك سراب بدون ما تتكلم
ادخلت ام رعد وام سراب يسلمون عليهم
وبعدها دخل ابو سراب وابو رعد
قرب ابو سراب من سراب وهم يهمس لها: سامحيني يا بنتي اذا سويت لك شيء او عصبتك
ابتسم سراب : لا تخاف يا يبه ازعل من الكل الا انت
ضحك ابو سراب وحضنها
رعد بمزح : بدينا با الصياح
ضحك ابو سراب : يلا يلا خذ عروستك
ابتسم رعد واطلعوا ارجال
رعد : يلا لبسي عباتك مارح نقعد با البيت بنروح فندق
لفت سراب : ليه ماله داعي
رعد وغمز له : البسي اقول
وطلع
سراب خافت اكثر
وادخلو البنات
رسيل : يلا لبسي عباتك
سراب : بنات ابي اقعد عندكم
اضحكت حنين : الحين كل ها العرس و با الاخير تقعدين عندنا روحي بس
اضحكوا كلهم البست سراب عبايتها واطلعت
..........................
كان عند الباب رعد وعبدالعزيز ومحمد واقف بعيد وهو ينتظر اهله
اطلعت سراب وكانت واقفه عند الباب تقدم رعد ومسك يدها وهو كان يغار ما وده لا عبدالعزيز ول محمد يشوفونها
ومشوا للفندق
........................
خلص العرس وكان رسيل حنين ولين و روان وسلمى مكروفين با اتنظيف
رسيل : الحين رعد وسراب بيتزوجون وانا ابتلش ليه
اضحكت سلمى : اي والله
حنين : نظفي انتي ويها بس
لين : بصراحه انا مارح انظف
رسيل اف بقرف : ليه على راسي بطه هاذي روان وهي عرس وجايه تنظف انت وش وضعك
لين : مالك دخل وقلت مارح انظف يعني مارح انظف وراحت
رسيل : هدوني عليها بذبحها
اضحكت حنين : وانتي وش عليك با طقاق خليها شوفيها بتموت
اضحكت رسيل : اي صححح
اشوي ودق باب البيت رسيل : اكيد هاذا فيصل بروح اشوفها
وراحت رسيل عند الباب وهي رافعه شعرها وحالتها حاله
رسيل : خير فيصل وش تبي
افتحت الباب بقوه
عبدالعزيز كان منخرش ويطالع فيها ولف
رسيل من اصدمه سكرت الباب بقوه
عبدالعزيز: كنت ابي اختي ناديها
اركضت رسيل وهي ترجف واعرفت انه اخو سلمى لانها الوحيده الغريبه
رسيل بصوت يرجف : سلمى اخوك برا
اضحكت سلمى: اشفيك
رسيل : لا بس انخرشت احسبه اخوي
اضحكوا البنات
واطلعت سلمى وامها
..................
في الفندق وصل
رعد وسراب وادخلوا الغرفه
رعد : انا بطلب اكل وانتي بدلي
هزت راسها سراب وادخلت
ماهي دقايق لا واطلعت وكانت جميله جداً
ابتسم رعد : على حظك وصل الاكل
ابتسم سراب : ربي يحبني
اجلسوا وكلوا خلصت سراب وخلص رعد
سراب : بنام تبي شيء
رعد : وش تنامين اجلسي بكلمك
اجلست سراب وهي ترجف وخايفه منه
رعد : بعترف اعتراف
سراب : وشو
رعد : بس انتي بعد تعترفين اذا كان في شيء
هزت ارسها سراب با الموفقه وتكلم رعد :
انا احبك من قبل لا اتزوجك وكنت ناوي اخطبك من زمان
ارفعت سراب راسها وهي طالع فيه
ويوم صار يلي صار ما ندمت إبدأ اني خذيتك
ولو يرجع فيني ازمن برجع اخطبك
انتي ما تعرفين وش احس فيه اذا قربتي مني او كنتي جنبي
ابتسم سراب وقالت : حتى انا لو يرجع فيني ازمن بوجع ادق على بيتكم واستنجد فيك وارجع اوفق عليك انت من اناس يلي ما اتمنى اني اخسرهم بيوم
قرب منها رعد ومسك يدها :
صدق ول عشان ما تكسرين فيني
سراب : وش عشان ما اكسر فيك رعد انا احبك
ويوم دخلت عليك لين حسيت انوكل شيء فيني يرجف وودي اذبحك انت ويها ومن ذاك اليوم عرفت اني احبك
ابتسم رعد برضا ........🌚
...............
بسياره عند عبدالعزيز
كان كل ما يتذكر شكل رسيل يضحك
كان يحس انها تشبهه هبله زيه
فجاء سلمى : اقولك يمه البنات يهبلون
ورسيل تهبل يمه تهبللل حبيتها مرا
عبدالعزيز كان يسوي نفسها مشغول وهو  يسمعهم
ام عبدالعزيز: اي والله تهبل ها البنت اليوم امسكتني وودتني وكانت تساعديني
سلمى : اي والله يا حظ يلي بياخده
سلمى كانت اتمنى لو عبدالعزيز ياخذها
....................
ثاني يوم كانت في غداء بمناسبه العرس ؟
.
.
.
.
خلصت البارت 11 اتمنى انه عجبكم لو شوي