كان باقي على رمضان اسبوعين
وصلوا مكه اساعه 1 بليل
كان رعد وفيصل يضحكون على البنات يلي من نص اطريق مالهم صوت
وصل رعد عند الفندق وقال
رعد :ها كل واحد غرفه ول
رسيل : انا وسراب بغرفه وانت وفيصل بغرفه
وقف رعد وطالع فيها : نعم نعم ما سمعت لا حبيبتي سراب معاي من الحين قلت
سراب : لا رعد بجلس مع رسيل
طالع فيها رعد وقال : افا يا الخاينه طيب اعلمك بعدين
اضحكت سراب : وش اسوي اشتقت انام معها
فيصل : خلاص انا وانت بغرفه وهم بغرفه
دخل رعد وفيصل يحجزون الفندق
رعد : يلا يلا أنزلوا ننزل الاغراض و نروح الحرم
الكل نزل و نزل الاغراض واتجهوا للحرم
رعد كان يمشيء مع فيصل ويسولفون
ورسيل و سراب يمشون مع بعض
الحرم كان زحمه
مسك رعد سراب من يدها رسيل مسكها فيصل بحكم انو الحرم زحمه ومليان
خلصوا العمره وارجعوا الحرم
با الطريق كان الحرم قرب من الفندق فا كان يجون ويرحون مشيء
رسيل : يووو يا زين الحرم صدق اول مرا اشكرك يا رعد
ضحك رعد : زين زين شكرتيني اخيرا
فيصل : بس ترا سراب هي يلي خلته يجي
رعد : وشفيك انت اسكت طيب
سراب : كفو يا فيصل
فيصل : كفوك اطيب
رعد طالع في فيصل بنظره
فيصل : خير
رعد : نعم تكلم زوجتي
فيصل : اقول وخر عندي
رسيل : اخوي غيور ررر
...................
وصلوا الفندق
وناموا من التعب اصباح
في غرفة سراب ورسيل
رسيل: يمه والله العظيم ان مكه حلوهههه
ام رعد : صدق ودي اشوفها بس بعدين مع ابوك يلا يا بنتي تقبل الله منكم
رسيل ابتسم : منا ومنك
دق الباب رعد
افتحت سراب
سراب : هلا
ابتسم رعد : روح الحرم تروحين معاي انا وانتي بس
سراب : قدام بس حرام اخلي رسيل
كعجش وجه رعد : افف طيب قولي لها
رسيل : سمعت سمعت ما بروح روحوا
سراب : ليه تعالي معاي
رسيل اهمست لها : روحي معا ترا فرصه مرا وحده
ابتسمت سراب : طيب رعد بلبس عباتي وتجيك
ابتسم رعد : يلا
.............
طلع رعد وسراب للحرم
وطول اطريق ورعد ماسك سراب ويسولف معها
ادخلوا الحرم وكان غير في الصباح
خذو ماي زمزم لاا ام رعد وابو رعد
و خذوا اهدايه
رعد : ها كذا تمام
سراب : اي خذيت كل شيء خذيت هديه حق امك وهديه حق ابوك وهديه حق حنين وهديه حق ليان وهديه حق روان وهديه حق العمه حصه وهديه حق ام عبدالله وهديه حق ام عبدالعزيز وهديه حق سلمى وهديه حق خلف
ضحك رعد : وش باقي خذيتي حق الكل
ابتسمت سراب : رعد شسوي بعد لازم
رعد: طيب يلا عشان روح نفطر وناخذ رسيل وفيصل
...............
خلصت هاذي اليومين يلي كانت حلوه على الكل وكان لازم رجعون عشان دوام رعد وفيصل
في اطريق
رسيل : يوووو ليه خلنا نروح مناطق المملكه
رعد : اقول بس ترا مو وقتج
رسيل : يووو صار يتكلم زي سراب
ضحك رعد وضحك كل يلي با السياره
سراب : يازين يلي يقلدني والله
فيصل : هيه ترا بديت اغار ابي انا بعد زوجه
رعد : تزوج محد ماسكك
فيصل : لا لا توني
رسيل : لا رعد ابيه يعنس معاي
رعد : وش يعنس انتي ومين قال انك بتعنسين اصلا اول واحد بيجي يخطبك يوافق
رسيل : اح يا بايع العشرا
سراب : رعد ركز على اطريق
فهم رعد انها للحين ما تخطت اطرق
رعد : تمام
نام الكل با اسياره الا رعد يلي كان يسوق ويصحي فيصل مرا يكلم عنه وينام هو
................
ارياض
اساعه 8 اصباح وصل رعد وسراب ورسيل وفيصل
الكل دخل كان بيت ابو رعد مافيه حس بعدهم كان البيت هاذي بشكل
ادخلت رسيل وهي تدور امها اشتاقت لها
وهي توها تحس بمعنا فقد الام
رسيل : يمههههههه
ام رعد : هلا هلا بنتي
احضنت ام رعد رسيل وجات بعدها سراب يلي احضنت ام رعد يلي صارت تعتبرها امها
دخل رعد ودخل فيصل
اطلعت سراب عشان فيصل ياخذ راحته مع امه وراحت غرفتها تكمل نوم
ولحقها رعد يلي ما حس في نفسها ونام وبعد فيصل وبعده رسيل كلهم كانوا تعبانيننن
...............
دخل ابو رعد البيت وشاف سيارة رعد
ابو رعد : يا ام رعد وين الشباب شفت السياره برا
ام رعد والضحكة: كلهم نايمينننن
ابو رعد :الحمدالله على سلامتهم اهم شيء انهم بخير الحين واوصلوا
ام رعد : اي والله
ابو رعد : يلا انا بروح عند اخوي عبدالله
ام رعد : مع اسلامه
كان ابو رعد عصبي بس كان يحب ام رعد ويرتاح لها ويحب اعياله حب وما يرضا عليهم
