. اسمي ايات عمري ١٨ شكلي عادي حنطيه طولي ١٦٥ عندي رصعات يعني عاديه ماكو شي مميز بيه المهم اني اخت لبنيه وحده معندي اخ وبابا وماما الحمدلله متفاهمين ع هذا الموضوع ومعدنه مشكله مع العلم هوايه يكولوله اتزوج حته يصير عندج ولد ومن هلحجي بس ابويه متزوج ع امي المهم امي عدها اخوان ٢ واخت وحده من غير ام بس يعاملوها معامله كلش حلوه المهم اليوم عرس ابن خالي ومخبوصين الكل الساعه ١٠ اني نايمه واجتي امي تكعدني
فاطمه. ولج ايات كومي العالم التمت يم خوالج فضيني
ايات. كعدت ومالي خلك رفعت راسي دا اكوم طبت خالتي علينه شعري منفوش وشلوني
حنان. هاي لسه نايمه دكومي عيني
ايات . اجتي سلمت عليها وطلعت بدلت ورحنه ع بيت خالي بيتهم قريب علينه نتمشه المهم الكل يسولف ويضحك وناس تركص واني ولا يمي ماحب هلسوالف بطبعي انطوائيه فخلصتها كاعده واتفرج صار العصر واجتي بنت عمي اندمج وياها طلعنه اني وياها وشفت واحد من بعيد لابس تشيرت احمر طول وكشخه ولحيه مشفت وجهه كامل المهم غلست واجتي الزفه وهلاهل وركص وبلشت العالم تروح بقينه بس احنه الاقارب جنت كاعده ويه بنت خالي هايه كلش قريبه مني وكاعدين دنسولف كالت
ايه. اكلج حسين جاي شفتي
ايات . ياحسين
ايه. ابن عمتي حنان شبيج
ايات. لا وحتلو شفته ماعرفه
احنه مو كلش نختلط بولد خالتي وهيج يعني شايفته بالصور قبل وميجون هوايه يعني ماعرفه بس ايه لا دائما يروحون عليهم وهمه هم يجون يبقون يمهم دائما تحجيلي عنه تكول حلو كلش ومن هلحجي
ايه. تعاي نطلع بلكي موجود
ايات. لا مبيه حيل بعدين عود
ايه. بكيفج
ايات. بقينه كاعدين نسولف ونضحك ضجت ورحت ع امي
ايات. ماما يله منروح للبيت
فاطمه . لا حنبقه هنانه اليوم ولد خالتج وخالج حينامون ببيتنه
ايات. ضجت ماريد ابقه هنانه ملل المهم كتلها انو حروح اني لبيت عمي وقبلت بيت عمي هم قريب كلش عليهم رحت هناكه نمت يمهم كعدت الساعه ٩ ونص تقريبا رحت لبيتنه لكيته مهرجان بابل عبالك خابصين الدنيا طبيت بدلت وطلعت رحت لبيت خالي اول مدخلت شفت ايه بالمطبخ رحت عليه كبل
ايات. صباح الخير
ايه. صباح النور خاينه وين رحتي البارحه وعفتيني وحدي
ايات. نعست ورحت ع بيت عمي
دنحجي وقاطعنه خالي
خالي. ايات وايه تعالن ويايه سون جاي للزلم محد هناكه اني مردت اروح بس خالي كلي اروح وياها رحنه الصبحيه سووها ببيته لان الاستقبال مالتنه جبير وقريب عليهم المهم رحنه اني وايه لبيتنه سوينه جاي ونسولف واجه واحد طويل شكله حلو رزن لابس بنطرون قماش تركوازي وقميص ابيض دخل علينه للمطبخ .
حسين. ايه صبيلي ستكان جاي عفيه
ايات . اني سويت نفسي ممهتمه اصلا غلست وبقيت دا اسوي جاي ودتله الجاي واجتي هوة كعد يم باب المطبخ.
ايه. شفتي هوا هذا حسين
ايات. اي شفته
وكف يم باب المطبخ وصاح ايه وراحت اني بقيت بمكاني مدرت وجهي متجاهله الوضع اجتي بس جان ديشوفها شي بالفون اجتي ايه
ايات. شنو شوفج
ايه. شمدريني شوفني ولد اخته مشايفتهم اني
ايات. ديله تعالي خلي نولي هاهيه همه يحمون ويصبون رحنه اني ويها رجعنه جنه تعبانين وماكو احد خالتي وامي بالحوش والبقيه يطبخون رحنه كعدنه بالغرفه نعسنه ونمنه
ايات. كعدت ع صوت سوالف وضحك باوعت ع ايه هم كاعده بس تبصبص بعيونها ههههه انطيتها نضره وكمزنه ثنينا رحنه للمطبخ بقينه نضحك ع الموقف وره شويه دخل حسين علينه وشايل كاويه بايده وكام يعدل بشعره اني طلعت رحت للغرفه جانو الكل كاعدين سوالف وضحك رحت كعدت يم امي وره شويه اجه حسين صار مقابيلي عدنه خالي ابو ايه مصيبه اذا تكعدين ويا متسدين حلكج من الضحك ويصنف واحنه نضحك ايه جانت واكفه وره حسين درت وجهي دا انطيها نضره تجي يمي نزلت عيني ع حسين جان ديباوع عليه وصافن ومبتسم اني ارتبكت وكبل درت وجهي وبقو يسولفون واني منتبهه عليه ديباوع عليه بس مدرت وجهي عليه يعني منتبها انو ديباوع عليه المهم درت وجهي دا القي نضره وهم جان صافن ومبتسم اجتي عيني بعينه كبل دار وجهه وسوه نفسه ميباوع اني هم غلست وهم رجع يباوع عليه وتالي منخلص يعني درت وجهي دا اشوف ايه ونزلت عيني عليه ونفس النضره كلش استحيت هنوب مبتسم قلقني هههه وره شويه اجتي اختي صاحتني وطلعت رجعت للبيت وثاني يوم هم رحت ع خوالي دا اساعدهم خطيه خالتي وحدها المهم امي بفترة العرس فونها انكسر ف واني يم خوالي كل شويه خالتي تتصل عليهم وتكللهم يصيحون امي دتحجي وياها صاحوها وامي م اجتي المهم اتصلت هوايه اخر شي ودولها الفون وره شويه اني رحت للبيت وخلص اليوم طبيعي حته نسيت اسأل خالتي ليش لحت ع امي وثاني يوم جنت نايمه وابويه وامي يتريكون بنفس الغرفه وسمعت امي دتكول لابويه اجوي خطابه ل ايات
.......يتبع
