ايات. كعدت ب5 العصر وهوا مموجود اتصلت عليه ميجاوب نزلت سويتلي لكمه وكعدت انتظره شويه واتصل عليه
حسين. ها جايج ربع ساعه
ايات. ليش انته وين
حسين. والله جنت جوعان وخابرتني امي رحت عليهم ومكدرت اكعدج عفتج نايمه
ايات. صدك تحجي متكدر تكعدني جوعان سوي لنفسك متسوي كعدني اسوي شنو معناتها تروح تاكل يمهم
حسين. بابا شبيج ترا اهلي واذا ماكل يمهم
ايات. كتلهم ايات نايمه وانته جوعان فضحتني يمهم مو
حسين. كبر لفج دولي ولي
ايات. والله نرفزني جنت دا اسوي عشه واجه بقه يحجي فوك راسي مجاوبته خلصت طبخ عفته ورحت للغرفه صارت ب٩ نزلت خليتله اكل
ايات. تعشه وصيحني انظفهن
حسين. تعاي متاكلين؟
ايات. ماشتهي
حسين. تعاي كعدي يمي شعندج كاعده فوك؟
ايات. تعبانه اريد اتمدد
حسين. تمام روحي اني اغسلهن
ايات. لا شكرا اني اغسلهن حته تطلع دتخدمني ليل ونهار اكل وصيحني عفته صعدت فوك رتبت ملابسي سبحت نزلت لكيته مماكل
ايات. شو مماكل؟
حسين. طالع اجيب من برا
ايات. وليش تجيب من برا وهذا اكل
حسين. مصارلج يومين تطبخين ودتعيريني طبخي لنفسج وخدمي نفسج ورحم الله والديج بقت ع الاكل اني اسوي لنفسي ملابسي لتمدين ايدج عليهن اي شي يخصني متسوي ولا الج علاقه بي
ايات. ليش اني عيرتك؟ ماله داعي حجيك هذا ومنو كلك دا اخدمك اني ماريد اكعد بدون فايده وهذا ابسط حقوقك عليه ف دا اساعدك بس
حسين. حقوقي ضحكتيني وينهن حقوقي؟ اني مادري ليش لسه مكعدج يمي دا اتحمل واصبر ع امل تتغيرين وانطيتج اكثر من فرصه ودتعيدين نفس الغلط ف كعدتج هنانه سنه وترجعين الاهلج معززه مكرمه لا فديوم قصرت وياج ولا فديوم اذيتج انتي دتختارين هايه الطريقه كل تصرفاتج تبين كرهج الي واني ماجبرج اكثر من هيج والمصلحتج كملي ع الاقل ٦ شهور حته ميطلع حجي عليج وتنضرين ونتطلك وعيشي حياتج مثل ميعجبج من هايه اللحظه انتهت علاقتي وياج
ايات. اكرهك كلش اكرهك وهذا كلامك بحياتي مراح انسا الك حقير لمن حصلت الي تريده كمت تفكر بكرهي الك وتريد تطلكني وين محبتك الي تحجي عنها وينها ؟ بحياتي مشفت احقر منك واني مراح انتظر لاسنه ولا ٦ اشهر هسه تطلكي وترجعني بيت اهلي تهسترت وكمت ابجي كدامه بمكان ميهدئني عافني وطلع تندمت ع اللحظه الي حجيت ويا بيها بقيت الليل كله كاعده بغرفتي وابجي حرفيا ماعرف شسوي لمن بلشت احبه كلي حيطلكي خرا عليه شنو اكول لاهلي ليش اتطلك بهل وقت القليل تعبت بيومها وهوا صارت ل5 ومرجع للبيت قلقت عليه ماعرف شلون نمت حسيت ع صوت الفون حمايه علي ديتصل
