بارت ٢٩
حسين.يمه تعاي اني بالبيت اذا تكدرين
حنان.اجيتك يبعد امك
حسين. نزلت انتظرها بالاستقبال شويه وندك الباب
حنان. ها يمه خومابيك شي
حسين. ماكو شي تعاي
حنان. شبيك سولفلي يمه
حسين. راح اطلكها
حنان. اذكر الله يمه عوفها هلفترا خلي تجيب ونرجع نحجي وياها
حسين. متريد ترجع
حنان. بعدها معصبه منك اني مو كتلك لتحاجيها خليها براحتها
حسين. تدرين شكلتلي
حنان. شكالت
حسين.تكلي ماكدر ارجع اثق بيك تستاهل الي ديصير بيك تريدني اطلكها واكمل حياتي شكد حاولت وياها بس مقبلت مقبلت
حنان. يمه عيوني انته اني ماكلك طلكها ولا اكلك بقيها انته سوي الي تشوفه
حسين. ماكدر اطلكها
حنان. لتطلكها
حسين. يمه متريدني بعد مابيها غصب
حنان. مو متريدك هيه ضايجه منك
حسين. لا متريدني والي صار حجه حته تخلص مني من بداية زواجنه احنه علاقتنه هيج متغير بيها شي عبالك عايش ويه زهراء وحوراء حالها حالهن بس بالاسم مرتي
حنان . شنو والحمل؟
حسين. من ليلة زواجنه وغصبا عليها ومتندم بكد شعر راسي
حنان. انته شتحجي ولك شنو اخوه شنو ليلة زواجك
حسين. يمه حرف واحد ميطلع من هذا الباب تطلعين منا تنسين كلشي دا احجيلج لان ماكدر بعد مختنك ماكدر اسكت
حنان. يبعد امك احجيلي لتضل مختنك يروحي انته
حسين. حجيتلها كلشي
حنان. ليش يمه ليش مكتلي من البدايه جان سوينه حل
حسين. ماكو حل غير الطلاك
حنان. طلكها وشوف حياتك هايه الدنيا كلها بنات انته بس أشر واني اجيبها ميصير يبعد امك اذا متريدك هاهيه طلكها
حسين. اطلكها؟
حنان. احسن متضل مشلوع الكلب حتلو ترجع ماكو علاقه بيناتكم حتبقه تكرهك وميصير هيج شوف حياتك وخليها تشوف حياتها
