حسين. شبيج ولج ليش تبجين
ايات. اطلع برا
حسين. بيج شي يوجعج شي
ايات. يوجعني راسي اريد اخلص من عيشتك اريد ارجع مثل مجنت اريد اهلي
حسين. حبيبتي انتي ميصير كل متصير ويانه مشكله تهملين نفسج هيج انتي هسه حامل ميصير تضوجين ولا تبجين بنتج متعلقه بنفسيتج واذا ع سالفة حسن اسف واعتذر وحقج عليه متنعاد ان شاء الله يله كومي غسلي وجهج ونامي
ايات. حسين عوفني وحدي ماريد اشوفك ماريد ابقه وياك بنفس المكان اطلع برا البيت كله مو تكول جنت تبقه اسبوعين بشغلك ولي ابقه هناكه اذا تهمك راحتي عوفني وحدي ولتحاول تتواصل ويايه اريد ارتاح
حسين. ايات يا ايات
ايات. اطلع برا
حسين. عفتها وطلعت شسويلها لعد كعدت الوم نفسي ع كلشي هيه من البدايه مجانت تريدني صارلنه ٦ شهور وهيه تتهرب مني ورافضتني دائما اني جبرتها تصير زوجه الي لازم اتحمل العواقب حيوان مفكرت شنو يصير اذا اجبرها اني حته ماكدر افكر بمستقبل طفلتنا بهيج حاله ف الحل الوحيد الي اكدر اقدمه الها ابتعد عنها يمكن هيج افضل الي والها صارت ل٨ صعدت ابدل لكيتها نايمه بدلت وطلعت ب٤ اجه حسن ياخذ مكاني كتله اليوم اداوم دوام كامل صارت ١١ رحت انام ساعه صافن اتصل اشوفها خاف محتاجه شي لو ادزلها وحده من البنات كلت خليها اليوم وباجر اشوفها نمت كعدني حسن ب٩
حسن. متكوم شعندك نايم لسه
حسين. بيش ساعه
حسن. ب٩
حسين. كعدني ب٢ ابلش بمكانك
حسن. وليش تبلش بمكاني كوم روح لبيتك شكو نايم هنانه
حسين. مرتي يم اهلها شعندي رايح خليني نايم وكعدني ب٢
حسن. طبك مرض
حسين.كعدت ب٢ ردت اخابرها كلت اخلص شغلي واروح اخذ حوراء عليها خلصت شغلي ب١١ طلعت جان تتصل عليه
حسين. خو مبيج شي؟
ايات. شكدك بعد تصير شنو هل اهمال عايفني وحدي بالبيت متكول حامل شيصير ميصير وياها
حسين. جايج وعلي
حسين. مافتهم شتريد ساعه تطردني ساعه تريدني ب١٠ دقايق وصلت لكيتها بالمطبخ
حسين. السلام عليكم
ايات. وعليكم
حسين. افتهمت من تصرفاتها متريد تحتك بيه عفتها وصعدت سبحت وبدلت نزلت لكيتها مخليه عشه الي والها مكابلته وكاعده حته مصاحتني اكل رحت كعدت
حسين. ليش متاكلين؟
ايات. جنت انتظرك
حسين. اكلي واذا خلصتي اريد احجي وياج بموضوع
ايات. شنو
حسين. تعشي ونحجي
ايات. وره معافني وطلع تندمت لان حجيت ويا بعصبيه المفروض ماحجي ويا وهوا يحس ع نفسه بس اني ماكدر الزم نفسي نمت كعدت لكيته رايح لدوام ومتوقعت صدك ميرجع للبيت صارت ل١ وهوا م اجه الليل كله منمت اخاف وبلش يوم ثاني وهوا ماكو صارت ب١١ كلت خلي اخابره وشيصير خلي يصير خابرته اجه تصرفت ويا ببرود حته يعرف انو هوا غلطان شويه واجه يكلي اريدج بموضوع
حسين. قبل كلشي اني شنو موقعي بحياتج؟
ايات. رجلي
حسين. لا مو رجلج لو رجلج مثل مدتحجين مجان صار هيج بيناتنه انتي متثقين بيه يعني متعرفيني؟ متعرفين اني شكد احبج واخاف عليج من الدوده اروح احجي عليج وخصوصيات بيتي جاهل اني لهدرجه مستحقرتني اني عاجز ماكدر اسوي شي لا اكدر اطلكج واكلج اروحي عيشي ولا اكدر ابقيج واعيش وياج حته تصرفاتج وياي شنو معناها البارحه تكليلي روح واليوم تخابريني وين تردين توصلين؟
ايات. اسفه عمود البارحه بعدين انته مبررت وفهمتني شنو السالفه تصرفت ببرود واني اتنرفز منك لمن تتعامل ويايه هيج يعني عجبك الوضع عايفني وحدي ولا يمك
حسين. انتي طلبتي اعوفج وحدج ولو جاي جان انتي طلعتي وهسه دتلوميني
ايات. المفروض متعوفني وحدي حتلو اكلك
حسين. تردين ارجعج لبيت اهلج ترتاحين هلفترا شوكت ميعجبج خابريني واجي اخذج ارتاحي وسوي الي يعجبج شهر شهرين سنه سنتين بس لتبقين غصبا عليج وتزربين بعيشتنه
ايات. وليش اروح لبيت اهلي وعندي بيت. تريد تخلص مني؟
حسين. سمعيني
ايات. اوك اوك متنعاد وادري مقصره وياك وحقك عليه جان لازم انتظرك تبرر اسفه واسفه ان شاء الله متنعاد
حسين. تعبت منج تعبت
ايات. اسفه
يتبع...
