بارت ٢٠
ايات. ضجت منه نمت فزيت لكيته كاعد يم راسي
حسين. صح النوم
ايات. شكو
حسين. ماكو شي شبيج
ايات. ساعه تصيح ساعه صح النوم انته شبيك لو تزعل لو ترضى
حسين. مازعل عليج اني
ايات. لا هم عوز تزعل
حسين. بربج هيه هاي سوايه تسويها
ايات. وشمسويه اني
حسين. والله تخبلت عبالي بيج شي اتصل متجاوبين خابرت امج بليل مجاوبتني الليل كله الف حسبه ببالي كعدت لكيتج دازتلي شكو شبيك اخابرج متجاوبين خابرت امج تكلي بايته يم بيبيتها خابرتج تكليلي ب١١ رجعت وبايته يمهم شتردين اكلج يعني
ايات. يعني اني باقيه يمهم حته اتونس لو اضل اخابر بيك
حسين. منو كلج تخابرين بيه فارغ اني ردت افتهم وين موليه وليش متجاوبين جنت متنرفز وطلعت بوجهج
ايات. ع روحك متنرفز اني سكتت لان شفتك عصبي
حسين. اي عذريني عصبي غير ماشوف كدامي مو زين مضربتج
ايات. شحدك تمد ايدك
حسين. شحدك رجال انتي احجي عدل
ايات. بكيفي انته شكو
حسين. هاهيه بكيفج وحقج عليه واني الممنون
ايات. اي ممنون لعد شنو
حسين. رضيتي هسه
ايات. لا والف لا
حسين. وتالي
ايات. انته وتالي وياك كافي حسين كافي ترا اني مرتك مو سجينه حته تعاملني هيج . اني دا اسكت لان اعرف مقصره وياك بس مو يعني تتحكم بيه كلشي بحدوده
حسين. واني رجلج مو اخوج الزغير الي حق عليج اذا مو حقي اعرف وين رحتي وشوكت رجعتي منو اله الحق ايات. اني كلشي مشفت منج لا زين ولا شين كل مدا اكول هاهيه دتتحسن علاقتنه ترجع اسوء بقصد او بدون قصد مدا اكدر اساعد علاقتي بيج حته تنجح منين مدا اجيج ترديني اني مقصر وياج بشي دا اضرج بشي بدون مدا احس ليش رافضتني ليش مدتتقبليني؟
ايات.اني مرافضتك ولا ممتقبلتك اني محتاجه وقت حته اتأقلم عليك حته احبك ماريد اخدعك ماريد اجذب عليك واعيش وياك ع اساس احبك واني معندي مشاعر تجاهك اني احبك والله احبك بس مو بالصوره الي انته تريدها اريد اعيش وياك ع اساس سعادتي وياك ماريد انجبر عليك اني دا اشتاقلك دا احبك بس مو بطريقه الصحيحه ماعرف شلون افهمك اني شنو اريد بس ديتعبني الموضوع دا اتعب لان مدا الكي حل وياك مدا اكدر اسعدك مدا اكدر اكون زوجه تناسبك اني متأكده ح يجي الوقت الي اكون جاهزه حته اكون صديقه وحبيبه واخت وام وزوجه الك انته بس ساعدني وانطيني وقت لتقيدني بتقاليد الزواج اتمنى تتفهم وضعي
حسين. ماعرف شكلج بس اني ماريد اجبرج ع شي متتخيلين شكد اني متندم لان جبرتج ع شي متردي لو مفكر بعقلي مجان احنه ماكلين خرا هسه لا جان انتي متورطه بطفل ولا اني اتبهذل اني ضايج من نفسي كلش ضايج وبمكان مدا اصحح غلطي دا ابعدج عني ف اني اسف ع التصرف هذا بدون قصدي حجيت
ايات. ميحتاج تعتذر اني متفهمه وضعك
حسين. لا ممفتهمه شي لو مفتهمه مجان كتيلي دتقيدني بتقاليد الزواج لمن تضوجين تعاي وكليلي هيج وهيج حته افتهم هذا يضوجج هذا تحبي ع الاقل اكدر اسعدج ع الاقل اكون صديق افضل من زوج
ايات. انته بكل الاحوال زين زوج وصديق بس اني مدا اعرف اتعامل وياك هاهيه منانه وهيج ان شاء الله تتحسن علاقتنه
حسين. تمام ان شاء الله
ايات. انتهى النقاش ولاول مره انام مرتاحه فزيت ملكيته موجود شفت الساعه ب٢ ونص كمت دا اشوفه فتحت الباب وسمعته ديحجي بالفون ويضحك ومدري ليش ضجت نزلت
ايات. ويامن تحجي
حسين. حبيبي حسون اخابرك عود
ايات. افتح سبيكر
حسن. انته هم لتضوج يمعود سوي مثل مكلت والله كريم ان شاء الله
حسين. الله كريم تصبح ع خير
حسين. شبيج شكو؟
ايات. مبيه شي عبالي مثل كل مره
حسين. شنو كل مره؟
ايات. كل منتعارك تسهر ع الفون وتخابر بنات
حسين. من تزوجتج لحد هذا اليوم اني محاجي ويه أي بنيه
ايات.والمكالمات والسهر شتسمي
حسين. اني متعود اي شي يضوجني احجي لحسن عنه لو لمن اضوج احجي ويا حته تتغير نفسيتي بس انتي من كيفج تألفين
ايات. ماعرف عبالي انته من هلنوع
حسين. اني حصعد انام اخذت اجازه باجر لتكعديني
ايات. تمام براحتك
ايات. رحت تمددت يمه شويه وغفيت كعدت الصبح مموجود حسين بس اسمع صوت هوسه بالمطبخ غسلت ونزلت لكيته ديسوي ريوك
ايات. صباح الخير
حسين. صباح النور اهلا
ايات. خلي اساعدك
حسين. خليهن ع طاوله وكعدي معندي شي خلصت
يتبع...
