ايات. خليت غده تغدينه نظفت المواعين وصعدت سبحت وبدلت
حسين. شو كاشخه؟
ايات. امك حاجزه يم دكتوره وخابرتني الموعد ب٤
حسين. معليج بامي اني احاجيها اذا متردين لتروحين
ايات. لا اني اريد اتأكد
حسين. بكيفج .. مدري شنو من بشر عفتها ورحت نمت
ايات. اجتي خالتي ورحنه كعدنه بغرفة الانتظار شويه وصاحو اسمي دخلنه سوتلي سونار
الدكتوره. صارلج شكد متزوجه
ايات. شهرين
الدكتوره. حبيبتي مبروك انتي حامل بس الحمل ضعيف ماعرف ليش
ايات. مدري شنو احساسي اول مكلتلي هيج حسيت بدغدغه ببطني
الدكتوره . اسمعج النبض
حنان. اي دكتوره هذا سمعينه هذا اول حفيد ان شاء الله
ايات. لمن سمعت النبض مالته حسيته ديكلي ماما تخيلت شلون حيكبر كدامي واصير ام وممكن يغير علاقتي بحسين صفنت دا افكر بالنعمه الي حصلتها
الدكتوره. سمعيني ماما كل شهرين تراجعين حملج ضعيف اهتمي بنفسج واني حسويلج نظام غذائي استمري عليه وان شاء الله يتمم عليج
حنان. شكرا دكتوره
ايات. طلعنه وخالتي اتصلت ع حسين وكلتله واتصلت ع بناتها رجعنه بتكسي نزلت لبيتنه وهيه راحت لبيتهم اول مدخلت هوا جان كاعد بالمطبخ ومبين خايف ومعصب
حسين. صدك حامل؟
ايات. محاجيته كعدت بالاستقبال وفتحت فوني وهوا واكف كدامي ينتظرني اجاوب
حسين. مودنحجي
ايات. الدكتوره سحبتلي صور من السونار وهم سجلت صوت النبض مالته فتحت الفون شغلت الصوت باوعت عليه وابتسمت
حسين. من خابرتني امي ضاكت الدنيا بعيني ادري بيها متريد حمل هيه بدون كلشي شلونها هنوب تحبل اجتي لا احم ولا دستور احاجيها متجاوبني شويه وطلعت صوت نبض بطيء وباوعت عليه وابتسمت شحجيلكم طرت وعلي
حسين. حظنتها وباركتلها
ايات. كلتلي الحمل ضعيف ولازم ارتاح ماكو سوي غدا غسلي ونظفي مو تريد طفل تفضل
حسين. بعيوني احطج صدك جذب
ايات. ماريد احد يعرف وامك شهرتني
