الجزء الثالث من قصه ـ في ضريح العشق حمامه ....💙🕊

البارت الثامن ــ الجزء الثالث.

في ضريح العشق حمامه ......💙🕊

وئام الشيخلي ..........

وبكل لُطف ستأتي لك الأشياء التي تُشبهك

وتليق بقلبك ، لا تقلق .

مسائكم سعاده.

ـــــــــــــــــــــ

شلون الغوالي هواي يسٵلون عن درجه  يزن ابن انوسه وحسام.باللغه العربيه.

درجته بسم الله ماشالله 99. ومعدله صار 98ونص.
ـــــــ

مشاهد ـــ

امي ضاغطه ؏ راسها وگالت اڪتبي اي مشيه زلم هاي ـ
رفضنا وانتهى الموضوع ـ مالها داعي المشيه ومو حلوه تصير احنا ما موافقين وتجي مشيه زلم.

اجه الرد بسرعه ــ
ورد تافه مثلهم.

مهند هم جنتوا ما موافقين ومن صارت مشيه وناس اتدخلت وافقتوا.ولو حرامات اشبه ابني بيهم.

امي حيل ضاجت وگالت اتصلي ليش ؏ الرساله ردت والاتصال ماترد.

وبعدين معقوله هاي المره هي التڪتب. ؟؟

اتصلت وهمات ما ردت ومره الثانيه ياله ردت وتضحك هلا عيني وعذريني اتاخرت بالرد.

عبالي مو تلفونڪم الا اجتني منه رساله.

وٵمي گالت تلفون بنتي لان خطي معلق. و فهمتها رٵينا وهي تخوط وتخربط بڪلام اشمٵزيت واني اسمعه.
واخر ڪلمه گالت يعيشها ملكه بيت بوحدها تريد بغداد تريد البصره.

اخذت التلفون من ٵمي وگلت لو تسجلين بغداد والبصره باسمي اني ما موافقه ومستحيل اوافق.