الجزء الثالث من قصه ـ في ضريح العشق حمامه ....💙🕊

هديه ج ١

في ضريح العشق حمامة....

وئام الشيخلي...

"إنَّما تَطِيبُ الأيَّام الثِّقال بِخِفَّةِ الجُلَسَاءِ"
مساء الخير لمن يعطون المساء جمالا..

شكرا من القلب على كلامكم العسل مثلكم بالبارت السابق سواء الي أو البطلات القصه جزيل الشكر مني ومنهن الكم جميعا..

اسفه اتاخرت عليكم والله صار أكثر من اسبوعين اكتب واترك وكملت الكم أكثر من ١٠الف كلمه بس صار جزئين لان اكتب والمشاهد تنحذف..

غلسوا على السحك والأخطاء الاملائيه.
اقل من ساعه وانزل التكمله.

قراءه ممتعه...

يناير 2023

"‏إِني أُطيلُ حديثنا إذ يبْتدِي
وأنا بِطَبعي لا أطيلُ كلامِي

خيرُ الكلام أقلُّه في مذهَبي
إلا حديثُكَ ملجَئي وسَلامِي"

رغم الكلام كان عادي الا اني مركزه وياه كلش واتمعن بملامحه وكأني رسام واريد ارسمه بأجمل لوحه خطتها ايد فنان.

وبعد أكثر من عشر سنوات والرب واني ما احس بنفسي حفظت ملامحه، عيوني ماتشبع ولا ترتوي من النظر اله.

ودايم اگول شگد هو كان متعذب يمكن بكل لحظه كان يدعي عليه الله يبليني بحبه والملائكة ترد امين .

ولأدعون عليك في غسق الدجى..
يُـبليك ربي مثلما أبليتني..

راح بالي لقبل ايام واني انقل صور وسكرينات من تليفوني القديم لگيت صوره اني ملتقطتها للمذكرات هي رساله منه قبل زواجنا.

مكتوب وي الذكرى بيومها صار خلاف بسيط واني گلت اله أنُ اني ما احبه والمذكرات اللي قراتها كانت مرحلة مراهقه مو اكثر، والدليل اني مااعترفت الك بشي.

أبتسمت واني اشوف كم التحدي بيها..

تعالي اليَّ بكل ماتملكين من كبرياء...
وجيوشٌ جرارة من الإباء وكتاب مقدس ويمين على أن لاتعشقيني...

وأنا أتي إليك بمفردي وكلماتي فقط.

ونرى من الذي سينتَصـر؟

گدها وگدود ابن ياقوت والرب انتصرت لا اني ولا عشيره وياي نگدر نغلبك.

و السكرين الثاني ألمني حيل كاتبته بالسنه اللي انقطعت عني أخباره بعد ما اثبت برائته..
بيومها الأب الروحي مطلعني اغير جو وسمعت ولأول مره هالكلمات

في وجوه الناس أطالع .. وجهك الحاضر الغايب

وين أنت؟؟ ومتى أشوفك؟؟ وحدي أسأل وحدي أجاوب

حتى في أصغر أشيائك .. أبقى أتأمل وأراقب.
استجدي صوتك..

شلون أيام عجاف كانت حمدت ربي وشكرته على نعمة وجوده بحياتي.