الجزء الثالث من قصه ـ في ضريح العشق حمامه ....💙🕊

الخامس والعشـــــرون

في ضريح العشق حمامه .....🕊💙

وئام الشيخلي .......

اللهُم غيثٌ من السَـعادة ..
يَسقي الفُؤاد فيُزهر

مساء الورد.

الارواح مختلفه الا من طافت حولك
فهي تشبهك او فيها منك

ـــــــــــــ

ميس ــ

أخر اسبوع النا بالعراق كنا نستعد حتى نرجع لتركيا. نڪمل الباقي من مسيرتنا الدراسيه.

وبگد ما ڪنت مشتاقة الهم ومتلــــٓــهفه لشوفتهم.

حزنت وتأثرت وانقهرت على اللي صار.
والأحداث اللي صارت وكل اللي مرو بيه مو مثل اخر حدث صار.

الغدره اللي نغدر بيها مُـــخلد هدت حيلنا واذتنا ودمرتنا كلنا.

رغم التحقيقات بالقضيه جاريه وبعد جمع المعلومات والادله والرسائل والقبض ؏ افراد عصابه اعترفوا هم باعثين رسائل تهديد لـ مُخــلد وضابط اخر.

وهاي بعد رسائل اللي هم يطالبوهم بالتبرع بمبالغ ماليه ضخمه ورسائل التهديد اجتهم بعدها لڪونهم ما نفذوا.

الا اهل مُــخلــد واخواله ما اعترفوا بهذا الڪلام وقدموا دعوه اتهــموا بيها عمه وعمنا ڪونهم اثنينهم هددوا مُـــخلــد. عدة مرات وڪلها مسجلها مُــخلــد.

واللي فهمنا عمي طالع من الحزب ومستغنين عن خدماته هذا ضاهريا.

والدليل الدعوه اللي قدموها اهل مُــخلــد واخواله انغلقت لعدم ڪفاية الادله.

وڪلش واضح ايادي تحاول بڪل ماتتمڪن تبعد الشك عن عمي. بتقديم مجموعه اثباتات ان هو بعيد ڪل البعد عن القضيه.

والتحقيقات مستمره والاتهامات تتوجه لغيرهم.

؏ اعتبار مُــخلــد وصديقه هاي الفتره وصلتهم عدة رسائل من ارقام مختلفه وهم يطالبوهم بتبرعات.

ومع هذا ابو اجود گال راح ابقى ورا القضيه واشوف وين توصل.

وڪان يراقب رجوع عمي للعراق ومن خلال جمعه المعلومات اتاڪد ان سفره ماله رجعه ومصفي ڪل املاڪه بالعراق.

وقبل اسبوع من حادث مُــخلد اجانا عمو ابو مختار حتى يتعذر من أبويه ويأخذ من خاطره على اللي صار ويفهمه أمور يمكن كانت مبهمه لوالدي وعمو مستحي يطرق الها او يحجي بيها.

لان تخص ابوه واڪيد صعب عليه هالشي.

سولف اله مختصر عن حياته وشگد تعب وتأذى حتى يوصل ولده وبناته وما يأثر عليهم اي شي من مشاڪل جدهم اللي تحيط بيهم.

وشگد حافظ عليهم هو وخالتي ام َمهند
حتى يلمون شملهم وما يشتتون الولد وما تصير تفرقه بينهم وخاصة مختار وغفار اللي شگد حاول الجد يبعدهم عن خالتي بس هي جانت نعم الام الهم.