عندما التقيت به

البارت14

الكاتبه/مريم

•••••••••••••••••••••

وردت اگلك..
لا شعرهم جاس گلبي..
ولا اغانيهم خذتني..
انته بس انته ال خذتني...

•••••••••••••••••••••

صادق: من بعد مارحنه من عمامي
عبالك عفت روحي عندهم ورحت
ماجذب بعدني احب شمس واصلا
متغير شي اتجاهه بس يوم عن يوم
ديزيد حبي الها شلون مادري شمس
مهما سوتلي شي سيء او زين ميأثر
بيه ولا يهز مني شعره وحده من شفتها
تبجي ومنهاره گطعت گلبي بس حاولت
ماخليها تشوفني تأثرت اني مراح اعوف
شمس بس راح اردهه الها وانطيها درس
حته تعرفني عدل مو كل واحد يدوس
ع كرامتي وميهتملي....... ورى مرور شهر
ماگدر اكول ايام تعيسه جنت بغرفه
التحقيق دا احقق ويه مجرم وطالعه
روحي..

صادق: زين كم واحد جنتم انتم
من خطفتو الولد؟؟

احمد: مادري..
صادق: اعيد سوألي كم واحد جنتم
من خطفتو الولد..
احمد: مادري..
صادق: شوف خل اگلك فد شي
كل المجرمين الي دخلو لهل غرفه
حته احقق وياهم كلهم طلعو معترفين
تدري شلون خليتهم يعترفون اني اگلك
استعملت طريقتي الخاصه وانته اذا هسه
مراح تحجي مراح تستفاد شي راح اخليك
تعترف غصبا عنك ومصيرك السجن اما
ذولي الي متريد تعترف عنهم راح يعيشون
حياتهم وانته بلسجن اذا تعترف راح اساعدك
اذا مصر متعترف استعمل طريقتي..

احمد: سس سيد سيدي ااني ح اعتر اعترف..
صادق: اسمعك..
احمد: احنه جنه خمسه والرئيس بلبيت مالته
وهوه وجه النه التعليمات..
صادق: زين شنو جان يريد من الطفل
الي خطفتو؟
احمد: نخطف هواي اطفال مو بس
هذا علمود نبيع اعضائهم ويتاجر بيهم
ومن نخلص المهمه يطينه حقنه..
صادق: مسحت على وجهي وارد
الزم هذا رئيسهم اله ازورگه الكوا**
..... زين هسه اريدك تحجيلي كلشي
بلتفصيل.... حجالي كلشي وگدرت
اتوصل للمكان وكملت هل مهمه ورى
مرور يوم رحت لغرفه التحقيق جان
عندي شخص مهم...

صادق: اشتاقيتلي اني اشتاقيتلك؟؟
رسول: ههه تفففوو كلب..
صادق: تصدگ ماستنكثت من تفلتك
لان انته كلك على بعضك زفر وخسيس
اييي رسول شنو رايك تحجيلي غايتك
من سويتلك هل سالفه؟؟

رسول: غايتي واضحه..
صادق: ليش من گتلك شيل شمس
من بالك ماخذت كلامي؟؟

رسول: لا عيني ماخذت..
صادق: گال هيج وضربته بوكس
وضربته ثاني وثالث ورابع وضليت
اضررب فقدت.... لككك كلببب
يلساقطط والله اموتتككك..

رسول: هههه مايأثر..
صادق: دميته حرفيا زورگت وجهه..
كريمممم تعاللل...

كريم: نعم سيدي؟؟
صادق: ضربو نعلو والدي وذبو ب باب
بيتهم..
كريم: حاضر سيدي..

صادق: طلعت من الغرفه رحت لمكتبي
خليتهم يكملون عليه ويذبو ب باب بيتهم
طبعا مردت اطلعه ردت ابقي بلسجن
بس عمي محمد ابو رسول اترجاني اطلعه
ف گلت اطلع قهري بي واطلعه خلص دوامي
رجعت للبيت دخلت شفت امي گاعده بلصالهه..