عندما التقيت به

البارت16

الكاتبه/مريم
................................................

قمر: بدلت ونزلت لگيتهم مكملين
صعدنه بلسياره وتوجهنه للمستشفى
وبعد مسافه طريق وصلنه واخير
جانت الساعه ب 7 نگدر نكول بليل
راح جليل ياخذ رقم الغرفه اخذه
وصعدنه للطابق الثاني وصلنه للغرفه
شمس جانت رقم غرفتهه23 وصادق26
توجهنه لشمس باوعتلها من الجام جان مخلين
الهه الاوكسجين وهواي شغلات واشوف نبضات
گلبها ودي احضنهه واكلها اسفه لان عاملتج
بلفتره الاخير برود وامي نفس الحاله تباوعلها
وتبجي بصوت ناصي وجليل مبين عليه مقهور
شويه واجت عمتي وعمي...

ساره: هاا وين غرفه صادق..
قمر: ذيج عمه رقم26.. توجهت عمه وعمتي
لصادق وهمين يباوعوله من برى من الجام..

ورى مرور ثلاث ايام...

................................................
شمس: ضلمه وجع خفيف بضهري
احس نفسي مخدره ريحه مستشفى
وين اني!؟ فتحت عيني جان مغوشه
سمعت صوت وهل صوت مو غريب عليه
ايي هذا صوت قمرر..

قمر: مم ما مامااا باباا شمسس صحتت
كعدتت..
شيماء: بنيتيي يبعد امجج صلوات يمه
الف الحمدلله والشكر..
جليل: ها ام لسان ماشتاقيتيلنه شدعون
نومج ثگيل.

شمس: شفتهم كلهم بعيونهم لمعه حزن
همست.. ماما.

شيماء: يروح امج..
شمس: شصار؟
شيماء: الحمدلله يمه انتي بخير يروحي..
شمس: صا صادق وين..
شيماء: يمه هم بخير والله ثنينكم بخير..
شمس: جوعانه. ..
جليل: يخسييي الجوع هسه اجيبلج..
باسم: اي روح بويه جيبلهه خل تاكل..
جليل: صار تدلل شموستي...

شمس: شويه واجه جليل جاب اكل
اكلت ورى ماخلصت راحو بقت بس قمر
وجليل يمي... ارد اشوف صادق.

قمر: بعده بغيبوبه..
شمس: اي ارد اشوفهه..
جليل: حبيبتي بس صيري احسن وشوفي
صار..
شمس: اي بس اني زينه اخذني اله..
جليل: شمس لتلحين كتلج وضعج ميسمح..
شمس: شبييككك متفهممم ارد اشوفههه
اخذنييييي.. حرفيا ماسيطرت ع نفسي ردت
اگوم اجه جليل بسرعه لزمني..

جليل: شبيججج تخبلتي اهدئي اهدئي
اوگفي خل اشوف الدكتور يصير اخذج بس
اهدئي قمر اوگفي يمهه ودير بالج هاي خبله..

قمر: ماشي راح جليل وبقيت بس اني يم
شمس جانت كلش تعبانه... شمس اسفه..

شمس: عليش؟
قمر: لان بذيج الفت... ردت اكمل سحبتني لحضنها
وكالت..
شمس: لتعتذرين مسويتي شي يروحي..
قمر: والله لو صايرلج شي اموت ونبي..
شمس: اسم الله عليج يروحي خلص سكتي
لتبجين..
قمر: احبج..
شمس: اني هم احبج... شوي واجه صادق
كال..

جليل: يلا گومي المصگوعه هيه ومريضه
شطول لسانهه.
شمس: ترى مالي خلگ.
جليل: كل هذا ومالج خلگ لو الج خلگ
شتسوين يمكن تحرگين المستشفى ههههههه..
قمر: هههههه..
شمس: يلا عاد اخذني... لزمني جليل ويمشيني
عله كيف علمود ما اتأذى وصلنه
لغرفه صادق فتحنه الباب بقو برى بس اني دخلت
ف جان نايم رحت يمه سحبت الكرسي
وكعدت لزمت ايده وكتله.. صادق اگعد
اني گعدت جوعان؟ اني اكلت انته اكلت؟
لو بعدك يلا اذا مماكل اني هم راح
اكل وياك على الواهس ها شرايك؟ يلا اگعد
حته نرجع للبيت وابقى دوم يمك
بعد ماعوفك يلا اگعد اخذت نفس وكملت
زين شنو رايك اذا تزوجنه نعيش ب بغداد
والله احسن اني اكول هناك اماكن حلوه
وحته نلبس سويترات اني وياك ههههه
ها شگلت؟ اي بس شني اذا تگلي كاشخ
علمود البنات مارحمك فهمتتت...