عندما التقيت به

بارت17

الكاتبه/مريم
...................

شمس: مرت الايام والاشهر
نگدر نكول اكو ايام متعبه
واكو ايام لا كلش طبيعيه
واكو ايام نتعارك اني وصادق
على اتفه الاسباب واكيد اني
الي ادور المشاكل بس هوه متحملني
طبعا يتحملني عنده غيري مثلا
اي اليوم الي حددنه بي العرس
وبوقتهه طالعين اني وماما
حته نحجز البدله مال العرس..

شيماء: ولج هاي تتخبل والله..
شمس: ماما ماريدد هيج اني
كايله اريدهه ملكيه تناسب
القاعه.

شيماء: هاي احلى هاي شسمه
اسمهه اميريه..

شمس: ههههههه اخترعتي اسم بدله
والله حلوه امي طلعت مخترعه ومادري..

شيماء:يلا عاد لاتصنفين وخلصيني
شوفي ال بدله الي ترديهه ملكيه
مدري شني..

شمس: اي يلا تعاي خلل نشوفف..

ضلينه ندور بهذا. المحل وكلشي
معجبني رحنه لغيره وجان كلش
جبير ونازك وبدلات ملكيات اشكال
ويخبلن حته احتاريت شنو اخذلي
وحده احلى من الثانيه...

شمس: يلا خلص هايي ح اخذهه..
شيماء: اي حلوه تخبل..
شمس:اي احسن من بدلتج الي
ردي تختاريهه..
شيماء: انجبي وكملي الحجز..
شمس: ههههه صايره عصبيه..
كملت الحجز وخلصنه ورجعنه للبيت..

................................................
صادق: جنت فرحان واحلى ايام
دتمر بحياتي يعني شعور مستحيل
ينوصف لابحبي لشمس ولا بفرحتي
بهل ايام وخصوصا ايام العرس ابد
مينوصفن جنه مستمرين بتحضيرات
العرس والبيت طبعا احنه نستقر ب بيت
وحدنه وبغداد هذا اختيار شمس واني
ماردت ارفضلها تطلب عيوني
انطيهيا المهم جنه ننقل الاثاث..

صادق: هناا خليي شزيي دني..
ياسر: نعله على الجابك..
صادق: اكل نعل وشيله..
ياسر: يابه ننكسر والحمزه صيح
لواحد من العمال..
صادق: يابه هوه تخم شسالفه
عود ضابط وعضلات المن مخليهن
ل امي.
ياسر: لاشسوي ب امك..
صادق: شيل وانته شاكت راح
اهفك بلدرنفيس..
ياسر: شلنه شلنه.. يابوووو الحسنن
ضهريي..
صادق: والله اذا هسه اجيبلي
طفل عمره8 سنين يشيله والحمزه...
ياسر: ديلا يلا..

صادق:طبعا جنه نرتب بلتخامه
وهذا فد واحد جذاب بعده ماشايل
التخم وصاح ضهرييي هههههه... المهم
كملنه كلشي واجت امي تبخر بلغرفه
الي هيه غرفتنه طبعا جان اختيار
شمس هيه اختارت الغرفه واجه
ثاني يوم هوه يوم الحنه طبعا راح
اختصرهه الكم رحنه لبيت عمامي
وجانو اكو معازيم من طرف عمامي
واحنه هم اخذنه الي يقربولنه
طبعا جان هل يوم مميز عندي حنيت
ايد شمس وجانت طالعه صدك شمس
منوره المكانن وجان الحب تارس عيونهه
ومن بعد هل يوم اجه ثاني يوم وهوه العرس....

................................................
شمس: يمههههه خلصينييي...
شيماء: انجبي اكلي بس هاي اخرر شي..
شمس: ولمحسننن شبعتتتت...
شيماء: اكلييي هايي اخرر شيي
وراجج صالونن وفوك ال3 ساعات
تبقين كاعده...
شمس: عميي منو الي راح يجوع
ويتعب انيي لو انتيي طبعا اني
ويلا خل نروح لانتاخر..
شيماء: اوففق منج اوفف قمر يلا
جيبي جنطتي وتعاي ورانه للسياره..