___
نهوة ابن عمي
صبا: هاي وين راحن
باوعت على الساعه ب12 سحبت شالي وحطيته على راسي ونزلت
صبا: صباح الخير
الكل: صباح النور
رحت للمطبخ شفت شمس وغاده وامي ديغسلن مواعين
صبا: شنووو هااي تريكتووا بدوني شنو اني بنت البطه السوده حته متكعدووني
غاده: شنسويلج اذا صارلنه سنه نكعد بيج وانتي تكولين ماريد تريكنه قابل نخلي الخطار ينتظروج لحد ماتكعد الخاتون
صبا: شنو هاي يا عمه على الاقل بقولي
امي: حوووريه ولج يمته تبطلين تعاجز وتسويلج ريوك شناقصج يا يمه
صبا: يوووه خلص ماما بطلت ماريد اكل
غاده: حوريه انتي مسويتي شي صبي جاي وودي للصاله
صبا: اوكي عمه
شمس: لا لااااااا
صبا: يمه فزعتيني شبيج نكرصتي
شمس: لاا هيج مابيه شي حوريه عوفي الجاي اني اودي
صبا: مممممم شهل حنيه حبي لا خليني اني اودي
تقصدت هيج اسوي لان اعرف تريد تودي حته تشوف ضرغام امده حظي
شمس: ولج شبيج انطينيا
غاده: ولجج شميسه كمليي شغلج ومعليج بشغل غيررج
شمس: ااووووووف ماما ليش تنطيها الشي السهل واني الشي الصعب
غاده: شميسهههه ولج اكعدي راحه
اخذت الجاي ورفعت حاجب الها وبتسمت رحت للصاله ووديته دانطي جاي لضرغام باوعتله بطرف عيني وهو باوعلي نظره استهزاء
وديته وكمت اركض حته اروح للمطبخ وهو يباوع عليه تعثرت ووكعت
صبا: اخخخخخخ
راستا بابا خطيه كام وركض يكومني وشمس تباوع من المطبخ للصاله عليه وتضحك
ابوي: حوووريه ولجج شجاج
عمي: يا بنتي غير تديرين بالج
ضرغام: احمم تره ماكو جني يلحك وراج عيني حوريه
كمت ع حيلي ولازمه رجلي توجعني
صبا: لا اكو جني ديلحكني بنظراته واني كلش انزعج منه
الكل مفهم عبالهم نكته ضحكوا بس ضرغام شكله فهم انو داقصده لان خزرني
رحت للمطبخ وشمرت الصينيه على الكاونتر وكعدت على الكرسي معبسه
امي: شبيج يمه كالبه وجهج
صبا مابيه شي
كمت وعفتهم مرت ساعات رحت طلعتلي ملابس وسبحت مشطت شعري كدام المرايه الجوه وداغني لنفسي من بالي
صبا:
فدووه الي فدووه الي
صدك لوو كالوا حووريه
صدكك ما جذبوواا
تيرارارا تيرارا
.. اي عيني صحيح حلوه بس وكحه وعلى شنو كل هل غرور
فزيت درت وجهي شفت ضرغام مجتف ايده ويباوع الي ويضحك
راستا حطيت شالي على راسي وعطت بي
صبا: اييي حلوووه ومنو سمحلك تفتر براحتك هاااا وشلوون عيووون صلفه تباووعلي واني بلااا حجااب يل ماتستحي
ضرغام: اذا انتي ملتهيه تغنين منتظر حضره جنابج يكمل الفن مالتج
صبا: وانت شنو تريد مني شكو جاي
ضرغام: اهلج يصيحوج على الغده
صبا: ننننننن عابت
ضرغام: عليمن هاااي
صبا: على روحي على حظي المصخم
ضرغام: راح امشيها الج هل مره والمره الثانيه يا ويلج واني ابن عمج ويحقلي كلشي اسحلج سحل اذا اهلج ممربيج
صبا: شخبصتني ابن عمج وابن عمج درريت وبعدين شهل حنيه منك جاي تصيحني
ضرغام: هو هم صوجي انتي مو مال واحد يحترمج ويقدرج داروح اغسل ايدي وكلت الهم اني راح اصيحج تجين مداعي احد يروح
خليته يحجي ومشيت تغديت بالمطبخ ماريد اشوفه كملوا اجه مهدي يمي
صبا: هاا مهدي رايد شي
مهدي: لا كملت غده عود ليش انتي حابسه نفسج هنا عيب من بيت عمج
صبا: يوووه مهدي ارجوك عوفني ماريد اشوف الجني كل شوي مخروعه
مهدي: هههه ياهو الجني تقصدي ضرغام مو
نصدمت
صبا: هاااي شمدررريك
مهدي: لا مو ملاحظ نظراتكم لبعض واحد ممرتاح للثاني
صبا: هههه والله صح هو اني ابد ماطيقه فديتك خيوو بس انت التفهمني هم صديقي وهم اخوي
مهدي: حوريه بس انصحج نصيحه عيب هل تصرف لو يشوفج عمي راح يزعل وذا لاحظوا اخوانج حظج يطيحوا ديري بالج هاذا الضلع مالتهم
صبا: ههههههههه وشسوي مثلا اركصلهم
مهدي: يلا رايح لغرفتي انام محتاجه شي
صبا: سلامتك يبعد اختك
راح كملت غداي شمس كامت تنقل بالمواعين ومحجت شي مكيفه لو بالايام العاديه جان سوتها يوم القيامه عليه
كمنه نغسلهم المواعين اني ووياها وهي تسولف وسالفها البايخه عن ضرغام
واني اكول الها اي عود مهتمه الحجيها
شمس: ولجج حوريه مو جنت اباوع اله جان يباوعلي وبتسم دنكت راسي من الخجل اكيد يحبنييي يماااااييي
صبا: اي كيوت
بداخلي ( كبررر تحبين واحد شايف روحه )
شمس: فدوه لطوله ولج انتي شبيج بس تردين تتعاركين وياه تره يجنن فدوه كل البنات ميتات عليه بس احسلج لا تحبي اشنقج هاذا الي
بداخلي ( هههههه عود علساس ميته عليه )
صبا: لا حياتي شصخم بي خلي الج ماريد جني اقصد ماريد كيك
يتبع
أنت تقرأ
نهوة ابن عمي
Misteri / Thrillerالعبرة م̷ـــِْن قصتي ارضو باليكتبه •اللّـہ̣̥ الكم لان هو الراح يختار الكم الشي الصح والشي الراح ترتاحون. اله مهما تعذبتو مهما عشتو سنوات قاسيه عليكمم مهمت صار الكم اصبرو الصبر مفتاح الفرج كلشي بي حكمه كونو قنوعين بالشي الييرزقه ربكم الكم واحمد ع كلش...
