____
نهوة ابن عمي
غاده: ولججج كوومي
صبا: كمت بس عوفوني بحالي
ركضت لغرفتي واني وابجي بدلت ووكفت كبال مرايتي درت وجهي شفت شمس تشهك وملفلفه روحها بالبطانيه ودايره وجها عفتها لفيت شالي وطلعت وسديت الباب نزلت ومسحت دموعي وطلعنا للصالون
خلصنا من الصالون وصار العرس ومثل باقي الاعراس واني كوه حابسه دموعي
شمس حابسه روحها بالغرفه مطلعت ابد جانت وحده واكفه يم اديان وتباوعلي بحقد
مهتميت الها دايطلعوني حته يزفوني ياخذونه للفندق لان خلص العرس بعد ساعات طويله يلي هي عبالك سنوات5
ركبنا السياره واني اباوع من الشباك احس روحي بعد ما راح احس بطعم الحريه
من وصلنا للفندق هم بره يهلهلون ويركصون وهوسات واجت عمتي سناء وامي دخلوا للفندق مدري شنو السالفه
فتنا اني وضرغام للغرفه شفت جمال الغرفه
ضرغام اول ما فتنا طبك الباب بكل قوته وقفله
وعصبي طلع وصله بيضه وجر ايدي قوي وجرحها
صبا: اخخخ
ضرغام: سكتيييي
صبا: ايدييي شبيكك انتت مخبلل
سد حلكي وحط عينه بعيني وكال
ضرغام: داااكلجج سكتييي
مسح دمي بالوصله البيضه واني صافنه عليه وماعرف شدايسوي
صبا: انتت ابدد مو صاااحي
لزمت ايدي بوجع ودموعي بطرف عيني
ضرغام: لا عبالج اني خاين لا تره اني تزوجتج علمود بس اخلصج من اخوانج فهمتيييي عمرج ماراح تكونين زوجتي واتزوجها وغصبب عنجج
صبا: شداتحجيي انت وشنو معناها مدافتهم ومنو يلي تتزوجها
ضرغام: كلامي كلش واضح
مر وقت شويه وطلع وجان اسمع صوت هلاهل وبعدين راحت دخل للغرفه وبدل وتمدد ع جربايه ودار وجهه
ضرغام: راح انام ونامي بالكاع اخذي مخده ونامي
سكتت ومستغربه من الدايصير شنو هاي وليش جرح ايدي وشنو معناها
عفت تفكيري طلعت دشداشه ورحت بدلت وايدي موتتني اخذت كلينكس وشال من شالاتي اخذته وشكيت شوي من عنده وربطته عليها واخذت مخده وتمددت وبقيت افكر
بداخلي :
اوووف الحمد لله ما صار يلي ببالي الف الحمد لله بس مستحيل ترجع علاقتي ب اهلي بعد اتهامات صكر عليه ليش اني شسويت اذيت بشر حته الله يعاقبني سويت شي خطا وليش شمس ماحجت شي ولا دافعتلي وليش ذيج البنيه يلي بالعرس ودها بس تاكلني وشنو ضرغام عنده حبيبه من يمته ياا الله شنو الدايصيررر وشنو يقصد بكلامه خدامه اصير شنوو هل حجيي و ليش وليش والخ ..
لحد ماغفيت
كعدت على صوت ضرغام
ضرغام: كعديييي شنوو انتي من بشر شكد تنامين كومي بدلي حته نطلع
صبا: شنوووو
ضرغام: بلا لغوه زايده هم يله نوصل
صبا: ماشي كمت 😒
ضرغام: باوعي عدل ولا تعوجين بحلكج
صبا: خلص شبيك
كمت بدلت بالحمام من طلعت شفته مبدل وكاعد يتصفح بتلفونه وكفت يم المرايه حطيت كحله وحمره ولفيت شالي
ضرغام: اكلجج عود مو تفضحينا هناك كوني حريصه من يجون خطار شي لازم نمثل انو احنا نحب بعض و ديري بالج تبينين الجرح كدام اي احد حته اهلي ولا تحجين الهم سبب جرح ايدج
صبا: وعوود ليشش مثلا و استاذ ضرغام يمته تحجيلي شنو سبب تجرح ايدي هاا
ضرغام: معليج زعطوطه وماراح تفهمين المهم سوي الكتلج عليه
صبا: هه وذا مسويت
ضرغام: براحتج لا تسوين بس مو اني يلي راح انضر انتي فهمتيي لولا فهاذا علمودج ميضرني شي
صبا: انت شدا تلخبط وشنو زعطوطه شكبرني اصير بعد
ضرغام: مو مهم الرقم المهم عمر عقلج وانتي عقلج اصغر من عقل الطفل
صبا: هه هه هه ه مفروض اضحك مو بس بايخه مع الاسف
ضرغام: اني مكلت نكته حته تضحكين ياا خاتون امشي يلا خل نطلع
هزيت ايدي وطلعنا من الفندق ركبنا بالسياره وهو يسوق واني صافنه على مستقبلي شلون دايتهدم كدامي
كل الساعات يلي بالسياره محسيت بيها من كد ما افكر
وصلنا مدري هاذا يمته نزل واني حاطه ايدي على جامه فتح الباب يلي بجهتي جيت اوكع وكال خلصت سفرتج بعالمج الثاني عوفي التفكير ونزلي
نزلنا وسلمت عليهم وسناء معاجبها الوضع
سناء: نوررتي البيت نهوه ابني
صبا: منور ب اهله وعمه شنو معناها يا نهوه ابني شنو مثلا تستهزئين بيه
سناء: لا بنتي مو هيج
صبا: بس للعلم اني مو فصليه حته هيج تحجين مكاتلين ابنج اني زوجه ابنج هسه طبعا
ضرغام خزرني وجر ايدي
ضرغام:
يتبع
أنت تقرأ
نهوة ابن عمي
Misteri / Thrillerالعبرة م̷ـــِْن قصتي ارضو باليكتبه •اللّـہ̣̥ الكم لان هو الراح يختار الكم الشي الصح والشي الراح ترتاحون. اله مهما تعذبتو مهما عشتو سنوات قاسيه عليكمم مهمت صار الكم اصبرو الصبر مفتاح الفرج كلشي بي حكمه كونو قنوعين بالشي الييرزقه ربكم الكم واحمد ع كلش...
