____
نهوة ابن عمي
سكتت واجه ثاني يوم جنه اني وعمتي و اديان باليت ومنذر مرايح للشغل جان كاعد يباوع تلفزيون جانت الساعه ب11 الصبح
سناء: هاا صباا شنو نسيتي حجيي مال البارحه كومي بدلي مادام فارغه وماعندي شي والدكتوره هيج وكت ماعليها كلش هواي
صبا: ا ا ب بسس عمه
سناء: اششش لا عمه ولا شي كومي
منذر: ها يوم شنو وين ماخذتها
سناء: يمه غير اوديها للدكتوره قابل تبقه هيج مداتحمل واصرلها اشهر هواي حتقبط سنه ع زواجها وماكو شي منها
منذر: يوم عوفيها مثلا اذا وديتيها شنو تستفادين وهم ضرغام تعرفين طبعه ميقبل احد يسوي شي بدون علمه وهاي صبا مرته ويمج الحساب
سناء: يمه شلوون ابقيها هيج انت قافل ماتريد تتزوج و اخوك سامر هم مايريد يكول بعد مناوي اتزوج هسه وضرغام تزوج ولو اني ردت اختارله بنيه بيدي اني بس صار يلي صار وهسه اريد حفيد وافرح بي مو هاذا حقي
منذر: بعد السالفه يمج يمه شدخلني اني
اديان جانت كاعده يم منذر
اديان: ماما ليش تاخذيها عليمن صباوي مثل الورد غير يحتاج صبر الشي بيد رب العالمين هي شعليها
سناء: اديان سكتي انتي مالج دخل وانتي صبا كافي بس تباوعين بوجهي داكلج كومي بدلي شنو طرشه
كمت واني ارجف رحت لغرفتي بدلت ودمعت عيني ردت ابجي بس كتمت دموعي
صبا: يااربيي ساعدني واكعه بمشكله جبيره حيل وهاي سناء متعوفني بحالي كون تصير معجزه مادري شلون وتغيير رئيها
نزلت ورحت للصاله
صبا: ع ع عمه كملتت ا انيي
سناء: خوش اني هم لبست عبايتي منذر يمه كوم وصلنه
منذر: خوش يمه رايح ابدل وجيج
راح يبدل وعمتي راحت تجيب جنطتها واديان اجتي يمي
اديان: ولججج هسه شلووون راح تعرف امي
صبا: ا ا اكول الها وفضها
اديان: ولج توكعين روحج بمصيبه جبيره كعدي وسكتي هي خربانه خربانه
صبا: خايفه من ضرغام
اديان: ولججج مسحيي دموعج حتفضحين روحج ويمه منج من يمته انتي تخافين شو جنج جبل محد يكدر يهزج شو هسه صرتي ضعيفه وضرغام ليش مثلا تخافين منه قابل انتي كلتي الها كومي خل نروح
اجتي عمتي سكتنا
منذر: خوما اديان تبقه وحدها
سناء: لا يمه شعليها اديان نقفل الباب ونطلع
منذر: لا خل ناخذها ابقيها يمي بالسياره من نوصلكم
سناء: ماشي
اديان: اروح اللبس جبتي وشالي واجي
بدلت وطلعنا وصعدنا السياره واني كل الطريق ارجف وخايفه لحد ماوصلنا احس روحي كانما حتطلع روحي نزلنا من السياره وضلوا منذر واديان بالسياره ينتضرونا فتنا للعياده وگلبي كل دكه عبالك يريد يطلع من مكانه
سناء: ولج شكد فاهيه امشي سريع
كعدنا بالانتضار لحد ما اجه اسمي
صبا محسن ...--
سناء: يلا كومي اجه دورج
فتنا وكعدنا والدكتوره ضلت تستفسر من عمتي واني ولايمهن كل الي ببالي انو شنو راح تكون ردة فعلها وخايفه من ردة فعلها حيل
كشفت عليه الدكتوره ورجعت لمكاني كعدت والدكتوره مصدومه
الدكتوره: حجيه انتي صدك تحجين
سناء: ليشش دكتووره شبيهاا
الدكتوره: حجيه شلون ترديها تحمل اذا هي بعدها بنيه
سناء: صدككككك تحجيننن دكتوووره شنوو داتنصبيننن عليه انيي بنفسيي شفت نيشانها راح تخبلينيي
الدكتوره: حجيه ع شنو اجذب واني دكتوره معروفه هنا عيب عليج هل حجي
سناء: مشكوره دكتوره
كامت عمتي واني امشي وراها طلعنا وهي تحجي عليه وترزل
سناء: انيي اعلمجج وهاذاا همم الذيبب شلوون لعب لعبه عليناا اصبررري ياا صبااا اله مارجعجج لبيت اهلج مذلوله
هي تحجي واني ابجي بحركه والناس تباوع ومتدري شكو
دامشي دنطلع من العياده
سناء: امشييي يااا غبيهههه
دفعتني ردت اوكع
الحارس: عليكفج وياها حجيه شبيج
مشينا ورحنا للسياره صعدت ونضرات منذر كلها ستغراب ونضرات اديان كلها خوف صعدت عمتي وسدت الباب قوي
سناء: امشييي منذررر هاااييي بنت عمكك واخوووك راحح يجلطووونيي
منذر: ماشي يوم راح امشي بس احجي شكو
كام يسوق منذر ويسئل بعمتي
منذر: شكوو يوم شنو صبا بيها شي اذا متحمل عادي يا يمه وشكو كل هل بجي صبا
عمتي: الهه اكلكك هاااي الغبيهههه بعدها بنيهه وهاذااا اخووك لاعبب علينااا
تفاجء منذر اني خجلت ونقهرت كمت ابجي بزياده كامت تهدء بيه اديان
لحد ما وصلنا دخلنا للبيت وكعدنا بالصاله كعدت ومغطيه وجهي بايدي وابجي والكل ساكت ما عدا عمتي بس تحجي
سناء: انيي اعلمههه لهلللل حقييرر بس خل يجي
اجه ضرغام كاموا منذر واديان راحوا لغرفهم مارادوا يتدخلون
جان ضرغام مستغرب من الوضع امه عصبيه واني منهار
يتبع
أنت تقرأ
نهوة ابن عمي
Misteri / Thrillerالعبرة م̷ـــِْن قصتي ارضو باليكتبه •اللّـہ̣̥ الكم لان هو الراح يختار الكم الشي الصح والشي الراح ترتاحون. اله مهما تعذبتو مهما عشتو سنوات قاسيه عليكمم مهمت صار الكم اصبرو الصبر مفتاح الفرج كلشي بي حكمه كونو قنوعين بالشي الييرزقه ربكم الكم واحمد ع كلش...
