طرقت باب غرفته فتحدث باقتضاب
" اتفضلي "
دلفت للداخل فوجدها روح
" روح!؟ "
ابتسمت وجلست بجانبه على السرير بخجل فهى ليست معتادة عليه كما ان الفرق بينهما ستة سنوات كاملة
" عامل ايه دلوقتي؟ "
" الحمدلله " تحدث بهدوء
" انا عارفة انك مش متعود عليا واكيد مش حابب وجودي عشان انا عمري ما اتكلمت معاك ولا حاولت اقربلك بس.."
قاطعها هو وتحدث " بس صعبت عليكي طبعا!..ريحي نفسك انا هبقى زي الفل ومش هحتاج لحد ابدا ومش محتاج شفقتك لا انتِ ولا اهلك كلهم " تحدث بحدة
" تمام يا لؤي..انا بس حبيت اتطمن عليك مش اكتر..عن اذنك واسفة لو ازعجتك "
" اقفلي الباب وراكي " تحدث ببرود واطفأ الانوار واغمض عيناه
ذهب اصدقاءه اليه ليطمأنوا عليه وعماله ورجاله بالشركة جاءوا جميعا لزيارته واحضروا له كل ما يحبه جلسوا بجانبه وتحدثوا معه حاولوا المزاح معه لينتشلوه من هذا الاكتئاب حاولوا مواساته
" ايه يا حبيبي عامل ايه دلوقتي " تحدث صديقه راضي منذ الجامعة
" زي ما انت شايف..عاجز مقهور تعبان مكسور ومتساب كل حاجة "
" متقولش كدة!..انت طول عمرك قوي يا ابني انت قدوتي!..انت مريت بحاجات كتير اوي محدش يستحملها وعملت من السلبيات ايجابيات ونجحت رغم ان كل حاجة حواليك كانت بتقول انك هتفشل وانا متأكد ان الإنسان الي مر بكل القرف ده هيمر بالمحنة دي وهترجع اقوى بكتير "
ابتسم بسخرية " راضي انت عارف كويس ان ده مجرد كلام بيتقال في الظروف دي "
" والله العظيم ما مجرد كلام انا واثق ومؤمن بيك وبقوتك واصرارك انت هتفضل اقوى شخص انا شوفته في حياتي وفخور اني صاحبك " ابتسم بحب وعانق لؤي بقوة
تشبث به لؤي وبكى بضعف
" زمانهم بيتريقوا عليا يا راضي "
" يتريقوا ولا يولعوا هو رأيهم فيك هيفرق في حاجة؟ "
" لا بس انا محروج ومتضايق اوي لما وقعت قدامهم "
" وفيها ايه؟..كل الناس بتقع بس الشاطر الي يقوم تاني ويقوم اقوى بعد الوقعة..مش ده كان كلامك ليا لما كنت بيأس؟ "
ابتسم لؤي وهز رأسه
" ركز معايا كدة انا ورايا شوية حاجات اخلصها وافضالك واجي اعد على قلبك هنا واقطعك في البلايستيشن جهز نفسك بقى " تحدث بمزاح
" ماشي "
" متقلقش يا صاحبي انا في ضهرك اعتبرني عكازك واتسند عليا انت طول عمرك وقفت جمبي وعملت مني انسان وشغلتني وعملت عشاني كتير وجه اليوم الي اقف جمبك فيه ومهما عملت مش هقدر ارد جمايلك عليا ابدا " تحدث راضي بامتنان
" ربنا يخليك يا حبيبي " ابتسم لؤي وهو يربت على كتفه
" اشوفك كمان يومين..بقولك ايه صحيح "
" ايه؟ "
" مين البنت الي تحت دي؟..روح اختك؟ "
" روح؟ " ضحك بسخرية " لا طبعا دي الممرضة بتاعتي "
" اه انا قولت بردو قلبها حن على اخوها مرة واحدة!..يلا هسيبك ترتاح بقى مع السلامة " ابتسم وذهب لأسفل
" يا آنسة " تحدث راضي
" ايوا يا فندم " نظرت اليه بانتباه
" خلي بالك منه واستحملي عصبيته وخليكي عارفة انه غصب عنه متزعليش منه "
" والله ما اقدر ازعل منه انا مقدرة اوي الي هو فيه وصدقني هو في عنيا انا دخلت مهنة التمريض عن حب يا استاذ انا نفسي اساعد اي حد محتاجني "
" جدعة ربنا يديكي على قد نيتك "
ابتسمت وودعته وذهب هو
أنت تقرأ
Him & I
Romanceقد تعتقد ان ذلك هو الشخص المناسب الذي ستكمل حياتك معه للأبد ولكن في اللحظة الأخيرة تتبدل الأمور و يكون للقدر رأيً آخر
