Stranger In Paradise

Kabanata 3

Kabanata 3

"Bakit namumula ka?" Tanong ni Kuya ng makaahon ako.

Naalala ko tuloy iyong nangyari kanina. Buti na lang talaga hindi rin ako napatili, kung hindi ay makikita nila akong lahat.

"Nakalimutan kong maglagay ng sunscreen, Kuya." Pagpapalusot ko. "Maliligo muna ako." Paalam ko bago dirediretchong pumasok sa loob at tumungo sa kwarto ko.

Mabilis kong inilock ang pinto at huminga ng malalim.

Hinawakan ko ang dibdib ko. Bakit ang bilis ng tibok ng puso ko?

Nag-init rin ang pisngi ko ng maalala ko ang nangyari kanina. Kahit nakakahiya iyong nangyari ay dapat magpasalamat pa rin ako kasi nahawakan niya agad ako.

Hindi na ulit ako magsusuot ng mga swimsuit na walang string! Kahit favorite ko ang mga ganito, dapat ay hindi na ulit maulit ang nangyari kanina.

Paano na lang kung ibang tao ang makakita? Paano na lang kung ibang lalaki? Baka pagsamantalahan agad ako.

Kaya laking pasasalamat ko kahit papaano ay si Zach ang nakakita sa akin.

Pero hindi pa rin tama ang ginawa niya kanina. Anong karapatan niyang siya ang mag-ayos ng bra ko?

Hindi porque't nagtalik kaming dalawa ay may karapatan na siyang hawakan ako. Kaylangan muna namin ng label!

Mabilis lang ako naligo dahil tinatawag na ako ni Kuya para kumain.

Nakasuot lang ako ng satin purple pajamas. Actually, hindi ako nagsusuot ng bra sa gabi kasi pagkatapos kong maligo at mag-ayos ay natutulog na ako.

Kaso dahil may mga bisita nga dito sa paraiso, kaylangan kong magsuot ng bra. Tatangalin ko na lang kapag matutulog na ako mamaya.

Lumabas na ako ng bahay at nakita silang lahat na bagong ligo na.

"Kumain na tayo." Pag-aaya ni Kuya pagkatapos ilapag ang barbeque na hindi pa naihaw kanina.

"Sila mommy, Kuya?" Tanong ko.

Ang mga kaibigan ko at kaibigan lang kasi ni Kuya ang nandito.

"Dahil may meeting si Daddy, nauna na silang kumain." Paliwanag ni Kuya na ikinatango ko naman.

Tahimik lang akong kumain, minsan ay napapasulyap ako kay Zach na busy sa kanyang cellphone.

May tinitipa siya doon. Siguro ay katext niya ang gilfriend niya.

May dumaloy na sakit sa puso ko ng isiping may girlfriend siya ngunit nakipagtalik pa siya sa akin.

Masakit sa parte ko na ibigay ang pagkababae ko sa taong hindi ko naman makakatuluyan sa huli.

Napabuntong-hininga ako dahil sa naisip ko. Bakit kasi ang mga ganitong klaseng lalaki ay mahirap iwasan.

Kumpara kay Dominic, may kakaibang aura si Zach na hindi ko masabi. Basta ng makita ko siya kahapon kahit lasing ako, naattract na ako sa kanya.

"Zach." Tawag ko dito.

Lumingon siya sa gawi ko, nakakunot ang noo.

Ang akala ko ay siya lang ang nakatingin, lahat pala sila. Si Patricia at Eleis ay may nakakalokang tingin habang si Kuya, Vien at Dominic ay nakakunot rin ang noo.

"Anong Zach? Tawagin mo siyang Kuya. Kuya Zach. Dahil mas matanda siya sayo ng anim na taon." mahinahong paliwanag ni Kuya.

What the fuck! Six years?!

Kung six years, ibig bang sabihin ba nito ay 24 years old na siya?

Hindi lang sa akin halata ang gulat, pati na rin kay Patricia, Vien at Eleis.