𝗠𝗮𝗿𝗿𝗶𝗮𝗴𝗲 𝘄𝗶𝘁𝗵 𝗕𝗲𝗻𝗲𝗳𝗶𝘁 𝑀𝑦𝑎𝑛𝑚𝑎𝑟 𝑇𝑟𝑎𝑛𝑠𝑙𝑎𝑡𝑖𝑜𝑛

Chapter 3: ᴍᴀʀʀɪᴀɢᴇ

Kim Doyoungအတွက်တော့ အချိန်တွေက တော်တော်မြန်မြန်ကိုကုန်ဆုံးသွားသလိုပဲ။ လက်ထပ်ပွဲတစ်ခုကိုပြင်ဆင်ဖို့အတွက် သုံးလဆိုတဲ့အချိန်က အရမ်းနည်းလွန်းမှန်း ကိုယ်တိုင်ပြင်ဆင်ရမှ သေချာသိသွားတော့တယ်။ ခန်းမထဲ၀င်ဖို့အတွက် အ၀တ်လဲနေတဲ့ထိ အသားမကျသေးဘဲ စိတ်တွေလှုပ်ရှားနေတာ

ဟုတ်ပါတယ် ဒီနေ့ပဲသူကလက်ထပ်ရတော့မှာလေ

ဒီလောက်နီးကပ်နေတဲ့အချိန်မှာတောင် သူကပေါက်ကရတွေလျှောက်တွေးနေသေးတယ်။ လက်ထပ်မယ့် ဘုရားကျောင်းထဲထိရောက်အောင် အဆင်ပြေပြေနဲ့သွားနိုင်ပါ့မလား။ ဒါမှမဟုတ် မင်္ဂလာကတိမ‌ပြောရသေးခင်မှာ Jaehyunက သူ့ကိုထားခဲ့ပြီးများထွက်သွားမလား။ ဒါပေမဲ့....Jaehyunက သူ့ကိုမထားခဲ့ပါဘူးလို့ ကတိပေးထားတာပဲကို။ ကြည့်ရတာ သူစိတ်လှုပ်ရှားပြီး အတွေးလွန်နေတာပဲဖြစ်မှာပါ။

''ဝါးးး ငါ့အစ်ကိုကအရမ်းချောနေတာပဲ "

"ဒါတွေအကုန်လုံးက မင်းပေးတဲ့အကြံကြောင့်ဖြစ်တာပဲလေ" သူ့ညီကိုလေ ခေါင်းကိုနာနာလေးခေါက်ပစ်ချင်တာ လက်ထပ်ပွဲနေ့ကြီး ဒီလိုမလုပ်ချင်လို့ ကံကောင်းသွားတယ်မှတ်။

"ဒါပေမဲ့ hyungကလည်း မငြင်းဘူးလေ " အနိုင်ရသွားတဲ့မျက်နှာနဲ့ ပြုံးဖြီးဖြီးလုပ်နေတဲ့ Renjunကို ဟွန့် လို့ပဲ ပြန်ပြောနိုင်တော့တယ်။ ဒါတွေကြောင့်ပဲ သူ့ငယ်သူငယ်ချင်းကို လက်ထပ်ဖို့ဆုံးဖြတ်တာ မှန်ရဲ့လားတွေဝေနေရတာ။ အားလုံးကို မကောင်းတဲ့ဘက်ကပဲ တွေးနေတာတော့မဟုတ်ပေမဲ့ ဒီအတွေးတွေကပဲ စက္ကန့်တိုင်း ခြောက်လှန့်ပြီး စိတ်မငြိမ်အောင်လုပ်နေတော့တာ။

အမှားလုပ်မိမှာကြောက်ပြီး စိတ်လှုပ်ရှားနေတဲ့Doyoungကို Renjunက ကျောလေးဖွဖွပုတ်ပေးပြီး နှစ်သိမ့်လိုက်သည်။
"Jaehyun hyungက တာ၀န်ယူမှုရှိတဲ့ လူကောင်းတစ်ယောက်ပါ။ နောက်ဆုံးကျ အဆင်ပြေပြေနဲ့ ကျော်ဖြတ်နိုင်မှာမို့လို့ ငယ်ငယ်တုန်းက အတူတူဆော့နေသလိုပဲ တွေး‌ထား။ ဒါကတော့ လူကြီးဗားရှင်းပေါ့။ အဆင်ပြေသွားမှာပါ "

Doyoungလည်း ခုမှနည်းနည်းပြုံးနိုင်တော့သည်။
သူ့ညီရဲ့မျိုရိုးဗီဇ80%လောက်က သူတို့အဖေဆီကရလာလို့ထင်တယ် စိတ်ရှုပ်ဖို့ကောင်းပေမဲ့ တခါတလေကျတော့လည်း တအားအမျှော်အမြင်ရှိနေပြန်ရော။