𝗠𝗮𝗿𝗿𝗶𝗮𝗴𝗲 𝘄𝗶𝘁𝗵 𝗕𝗲𝗻𝗲𝗳𝗶𝘁 𝑀𝑦𝑎𝑛𝑚𝑎𝑟 𝑇𝑟𝑎𝑛𝑠𝑙𝑎𝑡𝑖𝑜𝑛

Chapter 6:ғᴇᴠᴇʀ

ဒီမနက်ခင်းက တစ်ခုခုမူမမှန်သလိုပဲ...
အရင်ရက်တွေလိုမဟာတ်ဘဲ Jaehyunက Doyoungထက် အရင်နိုးလာတာ ပထမတော့ Doyoungကလည်းပင်ပန်းနေလို့ မနိုးသေးတာ‌ေနမှာဆိုပြီး မထူးဆန်းသေးဘူး။ ဒါပေမဲ့ အသက်ရှူသံကလည်း ပုံမှန်ဖြစ်မ‌နေသလို နဖူးကိုစမ်းကြည့်ပြီး ကိုယ်တွေခြစ်ခြစ်‌တောက်ပူနေတာသိလိုက်ရတော့မှ Jaehyunတစ်ယောက် ပြာယာခတ်သွားတယ်။

"ရေအေးအေးနဲ့ တဘက်တစ်ထည်ယူပြီး အခန်းထဲကိုလာပို့လိုက်၊ သာမိုမီတာရောပဲ။ " အခန်းရှေ့ကဖြတ်သွားတဲ့ အကူကို လှမ်းအော်ရင်း Doyoungရဲ့လက်တွေကို သူ့လည်ပင်းမှာဖက်ထားပြီး နေရာပြောင်းပေးလိုက်တယ်။

"Hyung! " အိပ်ပျော်နေတဲ့လူကို နှိုးဖို့လုပ်ပေမဲ့ ညည်းညူသံတစ်ချက်ပဲပြန်ကြားရတယ်။ အပူချိန်ကလည်း ပိုပြီးတောင် တက်လာနေသလိုပဲ။

ခဏနေတော့ အိမ်အကူလေးက တံခါးခေါက်ပြီး သူမှာထားတာတွေလာပေးတယ်။ ယူလာတဲ့သာမိုမီတာနဲ့ ရေဇလုံကိုလှမ်းယူရင်း Doyoungအတွက် ဆန်ပြုတ်လုပ်ထားပေးဖို့ကိုလည်း မှာဖို့မမေ့။

"၃၈.၅ ဒီဂရီ ! "
သာမိုမီတာကိုကြည့်ပြီးလန့်သွားပေမဲ့လည်း စိတ်အေးအေးထားပြီး အိပ်ရာပေါ်ကလူကို ရေပတ်တိုက်ပေးဖို့လုပ်ရတယ်။ ပြီးတဲ့‌နောက်မှာတော့ ရုံးမတက်နိုင်တဲ့အကြောင်း Markဆီကို ဖုန်းဆက်ခဲ့တယ်။

"ဘာဖြစ်လို့လဲ ဘာတွေအဲလောက်အရေးကြီးနေလို့လဲ "
တစ်ဖက်က Markက အလန့်တကြားနဲ့ပြန်မေးလာတယ်။

"Doyoung hyungက ဖျားနေတာလေ သူ့ကိုဂရုစိုက်ရမှာမို့လို့ မလာနိုင်ဘူး "

"ခဏနေပါဦး ဒီနေ့အရေးကြီးမီတင်တက်စရာရှိတယ်လေ ဘယ်လိုလုပ်မလဲ "

"အချိန်ဆိုင်းထားလိုက်၊ သူတို့ဘက်က cancelသွားရင်လည်း ထားလိုက် "
အဘိုးက နိုင်ငံခြားရောက်နေတုန်းမို့လို့ အရေးကြီးအလုပ်တွေအကုန် သူပဲတာ၀န်ယူပေးနေရတာ။ ဒါပေမဲ့လည်း Doyoungကို ဒီတိုင်းထားခဲ့ဖို့ကျလည်း စိတ်မချဘူး။

"Hyung ဒါပေမဲ့... "

"Doyoung hyungအဆင်ပြေနေသရွေ့ ငါက ကိစ္စမရှိဘူး။ အခုချိန်မှာ‌တော့ hyungက အရေးကြီးဆုံးပဲ"
Jaehyunဘက်ကပဲ ဖုန်းချလိုက်တယ်။ Markက တစ်နည်းနည်းနဲ့တော့ အဆင်ပြေအောင်ကိုင်တွယ်နိုင်မယ်မှန်း ယုံပြီးသားမို့လို့။ အခုလောလောဆယ်မှာ အရေးကြီးတာက ဖျားနေတဲ့Doyoungပဲလေ။
အိပ်ရာဘေးက ဖုန်းကိုရှာရင်း contactတစ်ခုကို ထပ်ခေါ်လိုက်တယ်။ ဒီလူနဲ့ဖုန်းပြောရမှာကိုတော့ နည်းနည်း‌စိုးရိမ်မ်မိနေပေမဲ့ စကားပြောမှဖြစ်မှာ။