بين الجدران حكاية

P.1

أنا تلكَ الطفلة المعاقبة من الرب وكان عقابي أن أخلق دون والدين

علقوا تعليق حلو مثلكم بين الفقرات🤍
____________________

في أحدى مناطق بغداد في سنة 1997
نهلة/ريهام اني ماكدر ألهن أثنينهن أخذي وحدة من البنات يمج على مايكبرن شوية وبعدين عود اخذها بس خلي تكبر

ريهام:لج نهلة تحجين صدُك أنتِ؟ذني بناتج شلون قلبج ينطيج وتعوفين وحدة منهم

نهلة:ريهام ألله يخليج مأكدر ولله مأكدر يعني سوسن عمرها سنة ونص وذني تؤام وبنات هم شراح يخلصني من ابوهن هوَ سوسن ونهار كُلة متعارك وياي يكولي خلفتج كُلها بنات عاد بس هاي بقيها يمج ماتحمل اني كُل هذا الضغط وادري بنفسي راح اهمل وحدة منهم على الاقل بقي وحدة يمج مو راح اطلك من ورا هل بنات يعني ربي لو منطقتي ولد شيصير استغفر الله واتوب اليه وتدرين بحميد متخبل يريد ولد شبيدي اني مدكوليلي شبيدي اني؟شسوي اشو منا البنات ومنا أبوهم ومنا يريد ولد مو راح أتخبل تعبت والله يعني منا سوسن ومنا ذني وضغط الولادة تعبت تاخديها لولا؟

ريهام:والله ماعرُف نهلة اخاف باجر عكبة تكبر وتعاتبني ليش بعَدتيني عن اخواتي شكوللها بذاك الوقت اني
نهلة: معليج اي شيءٍ تحجي تعالي عليه واني احجي وياها
رَيهام:بس خليها بالج مال بس تكبر شوي وارجعها انسي تكبر وهية الي تقرر

نهلة:هاي هية متفقين

عفتها كمت مغثوثه منها ومن تفكير رجلها وبنفس الوقت فرحانه لان راح تسد على فراغ البيت شلت وحدة من البنات مجانو يشابهون كُلش شفت وحدة لازمه أيد أختها واختها ساكته وهيَ تنوص دمعة عيوني بقهر شلون اكدر أبعدهم عن بعض شلون قلبها انطاها تفرق التؤام
رحت وشلت هند اي سميتها هند لان كان ينطبق عليها وكان يدل على الشَوق والحَنين
وعدت نفسي راح اكون الها ام واب واخت وصديقه وام واب وأخ وراح اعوضها عنهم كلهم وأبد مراح احسسها هيَ بدون اهل صح اهلها مو بعيدين بس ردت اني الي اكون الها الأهل

ريهام:اخذتها ورحت يم امها سميتها هند وياريت يبقى اسمها هند بلغي ابوها
نهلة:خوش

اخذتها وطلعت ضامتها جوة عباتي جنت لابستها لان مستعجلة ورحت على المستشفى
صافنه عليها ماعرف شلون راح اربيها بس راح اسوي كُلشي علمودج بستها من يم شعرها
جنت ادري ابوها مراح يجي ولا راح يفكر بيها اصلاً لان من زمان اول متزوجو كال الها اريد ولد
اهلي يحبون الاطفال وبالخصوص البنات لان ماعنده اطفال احنه ابد ومحد متزوج بس نهلة بس هَم خايفة من ردة فعلهم

نزلت ودكيت الجرس وطلعلي هيثم (اخي)
هيثم: باوعلي وحجة بأستغراب منو هاي وليش عيونج مورمات؟
محد جان يدري بنهلة جابت بوقتها جنت يمها اني
ريهام:مابيه شيء وهاي هند بنت نهلة
هيثم؛اي شتسوي عندج لعد
خلي نطب واسولف الكم كُلكم