بين الجدران حكاية

P.3

P.3

ب نهايه ٢٠٠٨ مشت الحياه عادي نفس روتينها ما تغير شيء غير خاله رجعت الشغلها واكيد ترجع علاقتها بقائد وكُلشي رجع مثل قبل بالنسبه الهم يعني استمر هو اللي مسيطر شيكول الها هاي هيَ متحجي حرف زايد لو ناقص جانت حيل هواي تخاف منه بس كدامنه يبينون طبيعي علمود نصدك انو هم خلص مابينهم شي يعني الي يشوفهم يصَدك همَ خلص انتهت علاقتهم من يطب ابد ماكو بينهم نظرات رَجعت خالة مثل قبل تقريباً تنومني بحضنها تسولف وياي
الساعه ٥ العصر ندك الباب طفرت خالة وكأن تعرف منو الي أجه لبست تراكها الجديد ولمت شعرها كبة كرصت خدودها وعدلت حواجبها بأيدها وطلعت
اني بقيت صافنه تصرفاتها مال مراهقه مو مآل أمرآة واعيه وكبيرة كمت وراها وفعلاً كان كاعد قائد بالصاله ويمة اهلي سوالف وضحك من يسولفون ويا انصدم وهوَ اول مايطلع منا يقلبون عليه ويبقون يحجون عليه وشلون يسوي تصرفات مَحلوة ومتحكم بيهم رفعت عيني ادور بخاله شفتها كاعدة بصفه بقيت جامدة بعد شويه وتكعد بحضنه يعني معقوله جدو واصل لهيج مرحلة ميحجي وياها
فياض:حلو محبسك
قائد:كدامك عميي هذا المحبس يجذب الطاقه الإيجابية
الزبرجد حجر الطاقة الإيجابية،يساعد على جذب الوفرة.
وهذا الثاني يجذب النساء ضحك بعلو صوته اني بقيت صافنه هذا شبي شدَيحس
خالة اي شيء تحجي تضحك ويا حتى لو تافه ذكرتني هاي من جنت بالاول ابتدائي من يحجي المعلم اي شيء اضحك ويا حتى يكوم يحبني
حَرفياً بهاي كَعدتنه خلصتها صفنات على تصرفات خالة وتصرفات قائد
بَقى كاعد ما بقى شيخ مابقى روحاني ماحجه عليهم ويمدح بيهم

شوية ترخص وكان دبروا لبيتهم وكفت ويا خالتي اريد تطلع ويا راح يكون جدو
ريهام:ابقى بابا اني اوصله الباب واجي
جدو هز براسه وسَكت

مَرات ايام متشابهة ماكو شيء جديد وكانت اليوم السبعة مال خالو جدو مَبقى واحد ما عزمه واكيد قائد يترأس القائمة اجه قائد وكَالعادة اللبس أرقى شيء وأغلى سيارة مظللة ويا اطفاله وزوجته اي نعم جان متزوج بسيارة رحت فتحت الباب وكالعادة ملابسي طوال وحجابي براسي فَتحت الباب وطبوا كُلهم بقى بس قائد دا يصف بالسيارة اول ما طب غميته
جَرني لزمني من أيدي صايرة مستهترة بنت الك...والله وحميد صار عندي بنيه عيونها عيون البزون اجه ديريد يبوسني

كتله كبر لفك بين الزلم تتحارش بوحده بكد.بنتك
هستوة دا يريد يضربني شردت جوة
اباوع جوة خالة وزوجة قائد فاطمة دَك سوالف وضحك بقيت صافنه هيَ مو تحبه شنو معقوله ما تغار عليه من زوجته ومن طب قائد هم بقت تسلم عليه وعادي ولا كأنو
خالة خلت عقلي يطير وبس اتصفن تصرفاتها مو معقولة ابداً خلصت العزيمة وهمَ كاعدين سوية سوالف وضحك

بالليل طبَينه دا نام دَك تلفون خاله اجتي تشوفني نايمه اولا رأساً سويت روحي نايمه اريد اسمع حديثها ويا قائد

مَجان صوته واضح يمي حيل
ريهام:قائد محد يعرف اهلي بكَدي مُستحيل راح يوافقون
قائد:راح انطيج هذا العمل بس تنطي الهم يوافقون
شكد كنت ذكية بس نهائياً محد حاجي بهيج مواضيع كدامي جانوا حريصين جداً عليه ميخلوني اسمع حديث بي سوالف متزوجين ولا اي حديث مال ناس كبار كُلشي جان عيب وميصير
نمت بدون ماحس بروحي ثاني يوم ما كَعدت غير ب١٢الظهر على ما صليت وتغدينا أجتي خالة وبيدها علاكه سودة
سُهيلة:هلا يمه أجيتي
ريهام:هلا يمه اي
باوعنه اني وبسبب بأستغراب على ايدها شلون مجلبه بالعلاكه عبالك خايفه
سُهيلة:شنو هذا يُمه؟
ريهام:هاي صديقتي امها اعرف بسوالف الحسد والسحورة وهيج يعني تقرأ للعالم حجيت الها عن المشاكل الي بيتنه ف هذا بطل قرت عليه كالت الي رَشي وبعد ماكو اي مشاكل أن شاء الله تعبنه كافي
بيبي هزت الها براسها كانو يثقون بيها ثقة عمياء للاسف لسه يشوفوها ذيج ريهام الي ماتريد غير مصلحتهم
راحت بيبي صعدت للسطح رَشت بالتانكي وافترت البيت كُله وهيَ ترش بي اني ساكته كَالعادة مالي حق احجي ولا الي دور  أحتاج شخص يعلمني احتاج شخص يكولي هذا غلط وهذا صح احتاج ام واب بحياتي اسند بيهم ظَهري احتاج أخت اكعد احجي الها عن المضوجني أحتاج اخ نكعد نسولف ويُكلي امشي بزودج اخوج وراج بس كُلهم احلام اكُعد منهن الكه نفسي وحيدة ومَحد وياي