#تزوجت_ملتحي .""" ❤️
الحلقة السادسة "" ❤️
'اخذ امير بنصيحة والدته واتجه الى الجامعة ليعتذر من قمر'
وعندما ذهب للجامعة سأل عنها ولكنهم أخبروه أنها لم تأتي اليوم فذهب ليبحث عن عمل جديد.
أمـا في منزل أحمد الرفاعي.
مليكة_ حسام انت رجعت تعالى عيزاك
حسام بتوتر_ هروح استحمى وارجعلك
مليكة_ تتسحمى بليل الله هو مش كان الاستحمام الصبح اول ما نصحى تعالى هنا بقولك .
حسام_ اصل هو انا يعني تعبان شوية وعايز استحمى عشان افوق
مليكة_ حسام انت رجعت تشرب تاني؟
حسام_ طيب عن اذنك
علمت مليكة انه عاد لشرب الخمر مرة أخرى ويتهرب منها بينما حسام يصعد الدرج اصتدم بقمر
قمر_ مالك يا حسام دايخ كده ليه؟
حسام_ مفيش مفيش يا قمر انا بس محتاج ارتاح شوية
قمر_ حسام اي الريحة دي انت رجعت تشرب
حسام_ يووه بقى انا مش صغير عشان تدخلوا فيا ابعدي عني
ودفعها بقوة وذهب لغرفته فنزلت قمر وجلست مع والداتها
مليكة_ من ساعة ما ميرنا راحت تشوف حسام عايز اي وهي اختفت من البيت والساعة واحدة بليل ومرجعتش
قمر_ ما يمكن بتشتري حاجة او راحت عند حد من قرايبها
مليكة_ قريب مين هي المسكينة عندها قرايب دي مقطوعة من شجرة
قمر_ خير باذن الله خير هنسأل حسام عليها بس كنت حابة اقول حاجة وكده وندردش.
مليكة_ قولي؟
قمر_ انتي معترضة على لبسي او خماري؟
مليكة_لا دي حاجة تخصك واللي ترتاحي فيه البسيه
قمر_ طيب ما انا اكيد عملت كده عشان ربنا وعشان ادخل الجنة
مليكة_ ربنا يرزقك بيها يا حبيبتي
قمر_ ما انا اكيد مش هبقى سعيدة غير وامي معايا مش صح؟
مليكة_ اكيد ربنا يرزقني بيها
قمر_ ازاي وانتي مش بتعملي لها شئ؟
مليكة_ لو على الصلاة فانا هبدأ اصلي باذن الله
قمر_ ولبسك؟
مليكة_ ما انتي عارفة اني كبرت بقى وانا بلبس كدا و
قمر مقاطعة_ طالما لسه فيكي نفس يبقى ربنا اداكي فرصة عشان تتوبي امي افهميني انا مينفعش ابقى لوحدي في الطريق ده لازم تبقي معايا وتعينيني على ده ما تجربي مثلا تلبسي فستان ونشوفك هتبقي عاملة ازاي؟
مليكة بضجر_ بعدين بعدين
قمر_ بس يا امي....
احمد مقاطعاً_ بس بس انتِ هتبوظي عقل أمك عيزاها تبقى معقدة زيك مش كفايا انتِ
قمر_ بابا انت رجعت
احمد_ انا مش قلت دي تتحبس في اوضتها وملهاش اكل
قمر_ بس.....
احمد وهو يصفعها على وجهها_ غوري من وشي
مليكة_ احمد انت ازاي تعمل كده؟ قمر دي اول بنت لينا انت ناسي فرحتك يوم ما جات
قمر_ بابا يبيع اي شئ عشان مستواها وكلام الناس حتى لو كان ضناه
مليكة_ لا يا قمر هو..
قمر_ مفيش داعي للكلام يا امي عن اذنك.
صعدت قمر لغرفتها بينما دلف فارس الى المنزل ...
احمد_ نورت الساعة واحدة بليل
فارس_ولا حتى ٤الفجر نعم؟
احمد_ اتكلم باسلوب عدل .
فارس_ انا مش ناقص عايز الحق اصلي العشا
احمد_ تصلي العشا؟ وانت من امتى بتصلي
فارس_ من لما عرفتها
احمد_ هيا مين
فارس_ ملاك ماشي ع الارض
احمد_ تعالى يا فترس هنا وكلمني
تجاهل فارس حديثه وصعد الى غرفته.
احمد_ هو الاولادي جرالهم اي يا مليكة متقزليش اتلموا على الإخوان
مليكة_ الله واعلم
احمد_ ميرنا ميرناااااا
مليكة_ ميرنا مش موجودة
احمد_ ليه بتحب هي كمان؟
ملكية_ معرفش من لما ندهلها ابنك حسام وهي اختفت
احمد_ ازاي يعني؟ حسااااام حسااااام
حسام _ نعم يا بابا
احمد_ انزلي حالا
حسام_ حاضر.
نزل حسام على الدرج وجلس امام والده .
احمد_ ميرنا فين؟
حسام بتعلثم_حد قالك اني كنت شغال حارسها الشخصي.
احمد_حسام ميرنا مختفية من لما انت ندهتلها
حسام_ اه الصبح انا فعلا ندهتها بس هي قالتلي انها هتروح تشتري حاجة هي مرجعتش؟
احمد_ خلاص خلاص روح وانا هكلف ناس تدور عليها.
حسام بخوف _ مش مستاهلة يعني هاتوا خدامة غيرها وخلاص
احمد_ لا ازاي البنت يتيمة ولازم نلاقيها هي ملهاش غيرنا.
حسام_ تمام يا بابا عايزاني في حاجة تاني.
احمد_لا اتفضل
صعد حسام الى غرفته وهو يفكر ماذا لو علم والده انه هو السبب في اختفاء ميرنا ....
فـي غرفة قمر"
بدأت قمر في البكاء والدعاء لله سبحانه وتعالى بان يثبتها على طاعته ويعينها على اهلها.
قمر_ اللهم يا مسهل الشديد ويا ملين الحديد ويا منجز الوعيد ويا من هو كل يوم في امر جديد اخرجني من حلق الضيق إلى أوسع الطريق بك أدفع عن نفسي ما لا اطيق ولا حول ولا قوة الا بالله العظيم
يارب اختر لي ولا تخيرني فإني لا أحسن الإختيار ، و دبّر لي أمري فإني لا أحسن التدبير اللهم إني اسألك قبل الموت توبة، وعند الموت شهادة ، وبعد الموت جنة ونعيماً اللهم طهرني من كل ذنوبي ثم اقبضني إليك واجعلني ممن لا خوف عليهم ولا هم يحزنون .
ثم ذهبت في ثبات عميق...
اما فُي غرفة مروة فكان مل ما يشغل تفكيره ان تذهب قمر بهذه الهيئة ويعجب بها أمير ويتقدم لخطبتها كانت تخشى حتى مجرد التفكير في ان يكون امير زوج اختها وليس زوجها هي....فقررت ارتداء الزي الشرعي من أجل امير فقط وليس من أجل الله ، يا ويحي كيف ستقف بين يدي الله ان ماتت وهي محتشمة فقط لارضاء بشري وليس لأرضاء الله 🥺....
أما في اليوم التالي ....
في منزل وسيم محمد..
امير_ انا نازل الشغل
مودة_انت مقولتليش انك لاقيت شغل
امير_ هشتغل جارسون في مطعم هنا ما هو ده شغلي من زمان
مودة_ ربنا يوفقك يا بني
وسيم_ ربنا يوفقك
سهيلة وهبة في صوت واحد_. يارب
ليقترب امير ويقببل رأس اخوته ويقبل يده امه وابيه ويذهب لعمله"..
هبة_ انا نازلة عندي درس!.
سهيلة_ وانا رايحة الجامعة.
وسيم_ وأنا اللي مقعدني هروح ادور على مكان أجره عشان انقل فيه المخزن.
مودة_ ربنا يوفقكم وانا اقعد اكلم الحيط؟
وسيم بضحك_ لا يجميلتي هو انا اقدر اسيبك برضوا هكلمك في التلفون لحد ما ارجع.
مودة_ ربنا يديمك ليا.
هبة وسهيلة_ احنا واقفين.
وسيم بضحك_ منورين والله.
أمـا في منزل أحمد الرفاعي...
مليكة_ قمر منزلتش تاكل؟
احمد_ انا قلت ملهاش اكل
مليكة_ البنت تموت كده يا احمد وعلفكرا هي وبتكلمني امبارح فهمت من كلامها أنها لو اتقتلت مش هتتخلى عن حاجبها ولبسها في خلاص بقى متتعبش نفسك حسام روح نادي على اختك يلا.
صعد حسام واتى باخته قمر فأردفت بسعادة
قمر_ يعني انت يا بابا راضي عني؟
احمد_ لا وله هرضى عنك غير لما تقلعي الزفت ده.
ما أن أنتهى من كلامه جتى دلفت مروة وهي تلبس الخمار وادناء ، فصرخ احمد في قمر قائلاً_ انتِ عملتلها هي كمان غسيل مخ انتِ اي ؟
وصفعها على وجهها فأردفت مروة _ لا انا حبيته عليها فقولت البسه كتجربة .
احمد_ اسكتي انتِ خالص بناتك اتجننوا يا مليكة انا مش طافح رايح الشغل.
مليكة_ معلش يا بنات مع الوقت هيفهم حبكم للبس وهيهدأ .
حسام_ معلش يا قمر متزعليش منه بابا عصبي شوية بس هيهدأ بعدين ، يلا انا رايح الجامعة.
مليكة_ حسام اياك ثم اياك ترجع زي امبارح تاني سمعت
حسام_ حاضر.
فارس_ وانا عندي درس
مليكة_ عجبا لك يا زمن ده انت كنت بتكره الدروس.
قمر_ انا هروح جامعتي يا امي لو سمحتِ
مليكة_ اكيد يا بنتي روحي.
مروة_ وانا كمان
قمر_ انا فخورة بيكِ يا قمر اياكِ تتخلي عن قرارك.
مروة بتصنع الفرح_ اكيد ربنا يديمك ليا.
""قبل ان يذهب حسام للجامعة ذهب للمخزن وترك اكل لميرنا فبدأت تتوسل له بأن يتركها ولكن دون جدوى ذهب للجامعة وتركها مرة اخرى "".
متنسوش تتابعوني على الفيسبوك عشان د بيشجعني أكمل😁❤️
لينك الاكونت في التعليقات
👇🏻👇🏻👇🏻👇🏻
ولينك channel WhatsApp
لمزيد من الروايات
#تزوجت_ملتحي
#الكاتبة_ملك_احمد
#رواية_جديدة
#روايات
أنت تقرأ
تزوجت مُلتحي
Romanceيحتاج المرء في النهاية شخصاً يتشارك معهُ تفاصيلهُ الصغيرة ، أن يُراقب معهُ الغروب ، حركة الطيور ، يعد معه النجوم ، يتأمل الغيوم ، شخصاً يُشبهه ، شخصاً يقف معهُ حتى نهاية العمر بـلا ملل ، شخصاً تتيقن تماماً من أنهُ باقٍ بقلبك و عقلك للأبد .
