#تزوجت_ملتحي .""" ❤️
الحلقة التاسـعة "" ❤️
العميد_ بتهببوا اي هنا؟.
امير_ بصراحة الباب أتقفل علينا و...
العميد مقاطعاً_ انا سألت سؤال بتهببوا اي هنا اصلا؟
امير_ ولا حاجة هو يعني قمر كانت عايزاني في موضوع وبس.
العميد_ مع اني مش مصدقك بس قسما بالله المسخرة دي لو حصلت تاني لأكون رافضكم انتوا الاتنين من الجامعة
قمر_ بس احنا معملناش حاجة.
العميد_ وليكِ عين تتكلمي يا شيخة الباب مقفول عليكِ انتِ وشاب في مدرج لوحدكم أكثر من ساعة وبتقوليلي معملناش حاجة؟
قمر_بس احنا فعلا منعرفش مين اللي قفله !.
العميد _ الله اعلى واعلم بيكم.
بدأو الطلاب في الهمهمات من حولهم والسخرية وبدأت الإشعاعات تنتشر بالجامعة .
عادت قمر للجلوس بالكافية بينما أتت مروة قائلة _ انتوا اي اللي هببتوه ده لوحدكم وبتقفلوا الباب؟
قمر بعصبية_ الحركات دي مش هتدخل دماغي انتِ اللي قفلتِ علينا الباب وانتِ اللي قلتي لأمير يروح هناك وانا عشان تجمعينا وتعملينا مسخرة قدام الجامعة وتخلي اللي يسوى واللي ميسواش يتكلم علينا ومش هعدهالك.
حين أذاً سمعت قمر همسات الفتيات اللواتي يجلسن على طاولة قريبه من طاولتها .
_ بصي قليلو الحياء والتربية عاملة لنا ست الشيخة وبتتهم اختها ، وهي كانت لسه مع شاب فوق لوحدهم والباب مقفول عليهم والله وأعلم كانوا بيعملوا اي!. يا خسارة تربية اهلها ليها.
ابتسمت مروة بسذاجة على حديث الفتاة بينما التفت قمر للفتاة ووجهت حديثها لها_ شئ ميخصكيش ملكيش دعوة ببنات الناس .
_ وكمان ليكِ عين تتكلمي ده انتِ بجحة وقادرة صح.
حينها امسكت قمر بشعرها المنسدل وبدأت في ضربها ، اجتمع الطلاب حولهم واخبروا العميد حينها أتى العميد مسرعاً وقام بجذب قمر من يدها وأخذها على مكتبه .
العميد_ اي اللي هببتيه تحت ده؟
قكر_ هي يعني قالت حاجات انا معملتهاش واتهمتني بحاجات مش كويسة
العميد_ الجامعة كلها بتتكلم عن الموضوع ده مش هتقدري تسكتي كل الطلاب الا في حالة واحدة بس لو أتجوزتي أنتِ والزفت اللي كنتِ معاه
قمر_ بس انا مقدرش أجبره على شئ زي ده
العميد_ بس تقدري تقعدي معاه ساعة لوحدكم عادي؟ مش كده؟
قمر_ لو سمحت حضرتك متتكلمش عني بسوء
العميد_ خلاص يبقى تسمعي كلام الطلاب وتعملي نفسك هبلة وتروحي تتأسفي للبنت اللي ضربتيها سامعة ولو جتلي شكوة بس منك لهكون رافضك الجامعة بتاعتنا محترمة مش عايزة أشكالك اتفضلي.
"هربت دمعة من عين قمر بينما اخذت حقيبتها وخرجت من مكتب العميد وبدأت في البكاء.
في فندق m......
فارس_ حضرتك انا محتاج الشغل ضروري
المدير_ انا مستغرب يا فارس بيه انت ابن الرفاعي صاحب اكبر شركات هندسة وجاي تقدم على وظيفة زي دي؟
فارس_ انا عايز اعتمد على نفسي مش على فلوس والدي .
المدير_ خلاص يا فارس انا موافق .
فارس_ ممتن لحضرتك جدا .
أنت تقرأ
تزوجت مُلتحي
Romanceيحتاج المرء في النهاية شخصاً يتشارك معهُ تفاصيلهُ الصغيرة ، أن يُراقب معهُ الغروب ، حركة الطيور ، يعد معه النجوم ، يتأمل الغيوم ، شخصاً يُشبهه ، شخصاً يقف معهُ حتى نهاية العمر بـلا ملل ، شخصاً تتيقن تماماً من أنهُ باقٍ بقلبك و عقلك للأبد .
