#ما بعد الانفصال
#زينب_المندلاوي...
الحلقة السابعة....
.... نزار
رجعنا من بيت اهل سميره...
نمشي على ضوة الگمريه....
...
ام ماجد...
اي نزار شفتها للبنيه بعد واكيد عجبتك..
..... لا ...
وگفت ماجده واندارت عليه
وليش يعني..
ماعجبتني... البنيه مبين من شكلها
عصبيه..
واني ما مستعد اعيد حياة زوجيه فاشله
هم عباره عن مشاكل...
ولا الي خلگ بعد اطلگ..
شيگولون عليه الناس
يزوج ويطلگ يوميه...
انوب الناس راح اتذب الصوچ بيه مو بنسواني....
الغوا الموضوع
...
يااا...
يمعود اصلا مابيها شي البنيه موظفه ودارسه...
وفاهمة..
ومن عائلة معروفه...
اتعيشك وتربي جهالك...
انت مو ردت وحده چبيره وراكزه و واعيه...
وهاي كل المواصفات بيها..
مو احسن من صبا الفگر..
لا دراسه ولا وظيفه...
بس چانت فالحة بالطبه والطلعه عل جوارين..
واحنه عيب بعد من اهل البنيه نتراجع
...... وتعرف ذوله ناس الهم ايد بالدوله
واي شي يمسهم.. يرجعون الضربه
بعشره......
لتخاف على مسؤوليتنا احنه
انت بس توكل ولتصير متردد....
...
نزار...
زين لعد خل نبقى مخطوبين فد شهرين
خل اتعرف عليها وعلى اطباعها
وبعدها
نتزوج............
صبا.....
بمكان المره....
رحت ثلاث مرات لبيت ستار...
وبيت نجم...
ودزيت خواني...
ماكو فايده..
كل مره تتعارك ويايه ماجده وتطردني..
.... بس آخر مره گالتلي هي ابغداد
اخذوها گرايب عمتي.. وبعد لا تجين تسالين عليها... ايسي...
وحاتم كلش قليل يجيبو الي..
بالبداية من چنت اسأله عن حنين
يگلي ابيت عمو ستار....
....
وصار كلما أسأل عنها يگلي
ما ادري...
ما اشوفها مسافره حنين..
ابد ميحچيلي عنها...
ويجي بس يلعب ويه جهال اخويه
وما احصل منه لا خير ولا شر...
...
استغرب من نزار شلون انطاا گلبه
ويدزها هناك...
واني امها وحارمني من شوفتها...
....
شسويت اني الهم وهيچ يجازوني..
كل اللي سويته هو اني تعاملت وياهم بطيب نيه.....
...
صوچي. اني
اي اني على نياتي ياريتني لو چان عندي نص مكرهم مچان هذا حالي...
بس اظاهر ما مقسوملي اعيش مثل باقي النسوان...
بوسط اولادي....
... گمت ابچي واتحسب.....
وهيچ صارت اتمر ايامي.......
في الجانب الآخر........
حنين...
واني عيني على رماد الصوره....
ساجده تصيح.........
امچ ماتت..
ماتت..
احترگت بالنار....
ختولي بعد لتشوفيها الله يذبچ بالنار اذا شفتيها بعد...
...
امچ
ذبتچ عل زباله وماتت...
فهمتي...
وبعد لجيبين طاريها... لان تحترگين مثلها...
مثل ما انحرگت هسه....
........
