#ما بعد الانفصال..
#زينب_المندلاوي..
الحلقة التاسعة عشر.....
حنين اذا ماخذته وياهة..
فهاي كارثه...
تعرفين شنو كارثه.....
لا عفيه حاتم لا تكول هيج...
ضل واكف ويفر عينه بالغرفه
انوب راح صعد على الكومدي الي بصف الجربايه...
وكال..
مضل غير فوگ الكنتور شوفي شكد خاله قلاقيل فوكاه....
ضل يدور ويدور..
لحد ما صاح..
اي الحمد لله لگيته...
نزل وفتح الموبايل وكعد يمسح شكو بي وانوب كسره نصين..
ورجع صعد من جديد ورجعه لمكانه...
...
ارتاحيت لمن كسره حاتم...
وحسيت هسه ياله صرت بامان...
بعد ايام راحت تدوره ولكته مكسور
وكلبت الامه فوگ روسنا وكامت تصيح هاي منو كاسره وتصيح الا اندمكم...
واجت تكتلني بس حاتم كاللها اني دورته واني كسرته....
انوب كامت تتعارك ويااا
وتصيح اييييي
انت اتطمطم على اختك....
بعد وبعد جيب ولد للبيت فد نوب..
..
صاح بيها احترمي نفسج
اني اشرف منج ومن عشيرتج..
...
اني اخوها وسندها اخاف انتي
ماعندج سند...
اني احافظ على اختي من الفضيحة
احافظ عليها منج ومن غيرج وما اقبل اي احد يمسها بكد الشعرايه...
البنيه من تغلط لازم الاهل يسترون عليها..
مو مثلج ترحين تشهرين وتفضحين
بيها..
ولو سمعت منج موصله السالفه لاهلج لو لعمامي..
ميصيرلج طيب.. واخلي ابويه يطلگج
وافضحج اني انوب...
...
انوب فعلاً ابويه جان ضايج منها بهل فتره الأخيره..
وشكد تصير بينهم مشاكل وتروح زعلانه لاهلها..
واختها جانت ترجعها ومرات تحجي عليها كدامي تكوللها
انتي المن تعوفين بيتج وغراضج
اذا تنازلتي ترا كلشي تخسرين..
وليش حرامات تخسرين حياتج وبيتج
وزوجج.. وخاصه واحد مثل نزار
ما يتعوض...
جوه ايدج ومثل المحبس بيدج
فلا تتبطرين ولا تفكرين بالطلاق........
جان اكو فرق جبير بين امي وسميره
اني بعد ما كبرت وكمت اروح يم امي وتسولفلي...
جانت تكول اني من ازوجت ابوج جان عمري ١٤...
ومن جبتج جان عمري ١٥...
فما جنت اعرف شنو عائلة وبيت
واسرار بين الزوجين..
ولا جنت اعرف انو الطبه والطلعه عل ناس تجيب السمعه...
وابوج جان هم ماعنده كلمه وشخصية
كوله ماجده تحركة وين متريد وشوكت متريد...
ولذلك حياتي ويا فشلت
...
بس يايمه من بعد زواجي من سعد
والضيم اللي شفته منه ومن ماجده
كبرت...
وتعلمت...
وما اريدج تغلطين مثلي..
اني اهلي ماعلموني..
وما اريد انتي مثلي تصيرين
استفادي من أخطائي وحياتي.....
...
وسميره جانت على العكس تماماً
جانت متخلي ابويه يحجي عن حياتهم
...
ومتحب تطلع اسرارهم برا البيت..
بس لمن توصل الشغله الي...
لااااا..
بس تريد تفضحني..
