#ما بعد الانفصال..
#زينب_المندلاوي...
الحلقة السادسة عشر.....
ليش بابا هيج كذبتوا عليه...
...
اليوم ماما صبا اجتني للمدرسه
واني من الصدمه مدا اركز..
شلون هالسنين كولها اني ما اعرف امي عايشه......
شنو...
شلون اجتي الج...
وشلون وصلت لمدرستج.....
..
اهنا مگلت حاتم...
...
سائله من الجيران بابا..
..
بس ليش بابا...
ليش مگتولي عايشه وخليتوني اتبهذل
بيد هذا وذاك..
مخدوعه بكذبة امج ميته...
...
...
اي بابا هي تزوجت وما سألت عليكم
وقبلها...
قبلها هم السالفه مو بيدي
بيت عمج مجانوا يقبلون....
اني لو عليه ما اخليكم هيج بعاد
بس بعد جنتي طفله و وراج دراسه ومردنا افكارج تتشتت..
السالفه هاي اكبر من عمرج وتفكيرج
ومردناج تفكرين وينشغل بالج..
...
زين بابا انت شراح تسوي هسه..
امي گالت بلغي ابوج..
اني مراح اسكتلهم بعد..
واني من حقي اشوفكم وتجون يمي..
...
اي صحيح بابا هذا من حقها
وهالشي احنه اتفقنا علي من قبل منطلك..
اتفقنا تبقون بيني وبينها..
واني مستعد اسوي اي شي..
علمود ترحولها..
حتى لو بيت عمج مموافقين..
....
اي والله بابا انت متدري اشكد محتاجه
لامي.. ومحتاجة اشوفها وابقى يمها..
والله اليوم بابا..
اليوم الا حسيت بحنية الام الحقيقية
هالايام كولها اني فاقدتها..
ماما سميرة مخوش معامله تعاملني
...
اردي بيج بابا.. وحاس بيج..
واعرف بهل كلام كوله واشوفه..
وادري بيج مظلومه..
بس اني شبيدي...
تدرين بيه اني هماتين ما اكدر احجي
...
تعرفين بيها عصبيه ومتتفاهم وتكبر الامور.... وراعية مشاكل
وحتى هذا الحجي هسه لا تكوليلها..
.. اني راح احاول افاتحها بالموضوع
بطريقتي..
وهم لازم ابلغ عمامج فخليها عليها...
وهذني الغراض خليهن يمي
لتدخلين للبيت وهنة بايدج..
وتضل تسالج انوب..
..
خليهن يمي وبعدين اني اجيبهن الج بحساب اني جايبلج اغراض....
..
عفتهن ورحت..
دخلت للبيت فرحانه..
وهي من تلاحظني فرحانه تنگلب
خلقتها..
من شافتني هيج فرحانه
كامت تحجي بصوتها العالي المزعج
هااااا..
شبيج اليوم فرحانه شصاير
امشي يله صبي الغده
ونظفي المطبخ متوصخ...
..
ورتبي الهول..
وهاي هدومج لا تشمرينها..
والهدوم شريهن.. مدام شمس..
...
كلشي محجيت كالعادة..
وبعد الغده ابويه بالغرفه سولفلها
وكاللها ما اريد مشاكل
والبنيه كبرت ولازم تعرف بامها
وبعد مدام عرفت بعد ملازم تكون بعيده عنها... وهالشي من حقهم..
ابويه جان يحاجيها بهدوء...
...
بس...
سميره ما تعرف شي اسمه هدوء
كامت تصيح
اني اگلب الدنيا عليهم
هي شنو هاي ال............
هاي ... كيت وكيت..
هسه جايه اتدور جهالها
من بعد ما اني كبرتهم..
وانت اصلاً تدري بيت عمها ميقبلون
وهمة من البدايه محذريني..
دير بالج تعرف بامها
ودير بالج تفكر بيها وتجيب طاريها
وصديها اذا جابت طاري امها..
...
هسه اروح لبيت عمها اكوللهم..
هسه اگلب الدنيا عليهم...
