#ما بعد الانفصال..
#زينب_المندلاوي...
الحلقة الثانية عشر.....
حنين...
اجة بابا اخذني وجانت الدنيا توها دتغورب...
بالطريق....
وصاني اصيحلها ماما...
واضحك وياهة واحجي واسوي روحي لهلوبه كدامها....
وخليها تحبج...
واني هم وصيتها عليج...
.... وشي ثاني ترا هي عصبيه شويه فلتخليها
تتعصب منج... وانتي بنيتي اعرفج زين
حبابه وتسمعين الكلمه... حببي روحج يمها بنيتي....
وصلنا وهاي اول مره ادخل بيت ابويه
واعيش بي حالي حال اي بنيه...
...
دخلت وشفت حديقه وحوش حلو..
وانوب دخلت من باب المطبخ وره ابويه
..
جانت اكو قنفه خشب بالمطبخ
ومرت ابويه كاعده..
رحت عليها باوستها
شلونج ماما......
ردتني هلو.....
... انوب كعدت واجة حاتم وشبكته وبسته اشگد مشتاقتله...
هوااي... هوااي.....
...
سالتني...
انتي تعرفين تغسلين تنظفين....
شنو تعرفين تسوين...
...
جيت كمت امدح بروحي حالي حال اي طفله تحب تبرز مواهبها...
..
اي..
اي اعرف كلشي اسوي..
اكنس.. اغسل... انظف.. اغسل مواعين
...
بان على وجهها الفرحة...
وحجت...
اي خوش لعد من باچر ابدي وياج
اريد اشوف تنظيفچ شلونه...
...
رديت..
اي اني حلو تنظيفي وبيت عمي بس يمدحون بي....
...
اني كبرت واعرف اشتغل وشغلي حلو
وراح يعجبج انتي هم....
.......
مرت ذيچ الليله ونمت....
ثاني يوم من الصبح گعدتني...
اتريگت.. وبدات تتامر...
...
روحي صعدي عل درج ورشي مي واكنسي...
...
جان الدرج تعبان كلش... واعوج ويخوف...
....
كمت اصعد مي وارش وبعدين اكنس...
...
وبديت من البيتونه ونزلت لآخر درجة...
...
انوب كالت امسحي جام البيتونه.....
رحت مسحته..
ونزلت..
ماما خلصته....
...
اممم...
زين اكو كاربت مال الصاله لونه ماروني
سحبي ونزلي....
...
صعدت من جديد ورحت شفته ملفوف
بديت اسحب بي...
وانوب شمرته من اول درجة من فوگ
ودرجة درجة ادحرجة لحد ما نزلته للگاع....
انوب فرشت الصاله ونظفتها
جنت اشتغل من كل گلبي....
فرحانه بوجودي ابيت ابويه..
وبنفس الوقت..
احب ابرز شغلي گدامها دا تمدح بيه لابويه.....
...
ماسمعت منها كلمه وحده مديح..
..
انتظرت بلكت من يجي ابويه تمدحني..
...
بالليل رحت لابويه مشتاقه اگعد يمه
وهي جانت گاعده يمه...
اجيت اني من الصفحة الخ گعدت يمه
وبسته...
بابا احبك....
وهو نزل راسه وابتسم وباسني
شو هااي ضاجت وطردتني..
گالت متشوفيني اني گاعده يمه
مو عيب تجين يمنا...
مو عيب تبوسين بي وتشبكينه گدامي...
....
اتعلمي شلون تتصرفين...
...
خليت وطلعت من يمهم مكسوره
......
مشت الايام وعبرن اسبوعين تقريبا..
..
فد يوم گالت تعالي اخليلج حنه
شعرج تعبان...
...
عجنتلي حنه وخلت بيها نفط ومدري شنو بعد خلطت اشكال بيها..
ومن خلتها الي بدا شعري يحك وياذيني......
وصار ميتمشط واحسه هيج محروك
اهلك واني احاول امشطه وماكو فايده..
...
تعبني حيل رحت كتلها هذا شو شعري تفير وصار معطب ميتمشط عكش...
..
صفنت وبعدين كالت..
