رجعت البيتنه وحاجيت صديقاتي وشفت علاوي يباوعل ويريد يحجي بس عفته ومحجيت اجوي اهله وحجوا وقروا الفاتحه وهسه بقت الحفله لبست فستان قصير وتقريبا جسمي واضح لان خطبه فعادي واهلي ماحجوا كعدت والبنات يركصن اريد اركص بس عيب
سمعت هلاهل رفعت راسي وطب محمد ولابس رسمي اسود وجتفه العريض وابتسامته باوعلي ويبتسم واني قلبي يرفر ولا كأنوا فتره ونعوف بعضنه كعد يمي باوع لجسمي"هذا يعتبر لبس؟جسمج كله طالع"
باوعتله وضحكت"لتسوي نفسك تغار واسكت"
ضل صافن عليه وسكت رفع راسه وباوعلهم يركصون تقرب مني ويضحك"تردين تركصين مو؟"
همست "اي ياريت "
كام من مكانه ولزم ايدي وكفت لازم ايدي ويركص واني مصدكت وركصت ويا فجاه كلبوا على سلو واني ضليت صافنه عليه جان يسحب ايدي ويخله على صدره واخله ايده على خصري"قبل يومين جنت اركص وياج بلغفله اليوم كدام امج وابوج "
"ميدوم هل شيء فلتتحمس"
هز راسه بنعم ضحكت عليه خلصت الاغنيه وطلعوا غيرها لزمتني امي وكعدتني"عيب لتركصين "
كعد محمد يمي ويضحك عليه "خطيه ميخلوها ترقص "
"دخل اتزوج اله اسطرك بلاغاني واكضيه بس رقص"
ضل صافن عليه وساكت
بعد فتره راحوا ورحت بدلت ملابسي وكعدت ويا اهلي ويسولفون وكعد ابن اختي الزغير يمي ويشوفني تصويره البرا للولد باوعت شفت محمد يحجي ويه علاوي قبض قلبي خفت بس لا حجه شي لزمت موبايلي وراسلت محمد
اني"محمد شعندك تسولف ويه جيرانه؟"
رد محمد وره فتره"منو منهم؟"
بسرعه رديت ولا ادري بنفسي"علاوي"
محمد"علاوي شو ادلعي"
اني "هيه كله تصيلحه علاوي مو بس اني"
محمد"هوه سألني منو حتخطب وكتله وهاهيه "
اني"بس شو طولتوا بلحجي"
محمد"اي كلي ملاك حبيبتي وعافتني "
ضليت ساكته ومحجيت جان يكتب"عادي بلأخير احنه منضل سوا "
اني"اي صح"
طفيت الموبايل واباوع على اختي الجبيره التضحك "ها ولج لفيتي محمد وخذتي لج، لج كضيت عمري اتمنى يجونه بس بعيدين ومن اجوي محمد جان بس يضحك عليه واكله احبك وهوه يعوفني ويروح ،وانتي بيومين وكعتي خرب يومج ملاك "
ضحكت وكعدت بلكاع يمهه ومبتسمه"احجيلي عنه من جان صغير انتي تقريبا بعمره لان عمرج 26"
عدلت اختي رسل كعدتها ولزمت ايدي"خل احجيلج، محمد جان اكثر واحد ساقط جان يروح لمدرستنه ويباوع عل بنات ويضحك وياهن ويشاقه بس من يكولوه تتزوج منهن يكلب وجهه ويكول ايع هاي من جام مراهق وانتي من اجيتي لدنيه جان يشيلج ويفتر بيج وميخلي الجاهل يجون يمج يخاف عليج ويكول هاي اختي بس والله طلعتي مو اخته صرتي مرته "
أنت تقرأ
رغم صغر عمرها
KurzgeschichtenMr. Mohammed Al-Dulaimi محمد * "لو تموت متاخذ ملاك" Mrs. Malak Al-Dulaimiah ملاك* "لو تنطبك السمه على الارض ما احبك "
