رغم صغر عمرها

فصل ٣

ضليت اباوع عليه وساكته فسحبني باقر وخله كل جتفي عبايه وكال"من توصلين للبيت نزعيه ومن اطلعين لبسيه "

هزيت راسي وسديت العبايه عليه باوع محمد وميعرف شيكول فطلع برا وكلنه طلعنه وصلنه للبيت والولد برا نزلت فدفعني محمد عل سياره ولزم ايدي ولبسني حلقه باوعتله ومنصدمه"ليش؟"

"حتى محد يخطبج "

باوعلي وعاف ايدي وراح يم الولد طبيت جوا كعدت ويه البنات وهمه يباوعن على الولد الي يرقصون على غاب القمر

فباوعلي محمد ويضحك ويغني بلبارت عمري الثلاثين وانتي زغيره اسكت اضل محتار والسكته حيره "

انداريت بسرعه جان تطلع كبالي مرا لزمتني وطلعتني كبال الولد وتأشرلي على ابنه "هذا ابني خوش ولد "

باوعتله متوتره"خاله الي بصف ابنج خطيبي "

باوعتلي منصدمه واني عفتها وركضت جوا بدينا نرقص لفيت الشال واركص ويه البنات ولا ادري شيصير بلدنيا "اروحن فدوه للكاعد اكبالي "

فجأه سمعت هلاهل فتحت عيوني وكبالي محمد ميت ضحك والعريس طب يم العروسه وجهي صار احمر سحبني بصفه وانطاني موبايله"صوري العرس اذا كدرتي "

وشال العبايه وحطه على جتفي"حيطبون الولد "

لبست العبايه ولزمت ايده"ما اعرف للأيفون "

علمي شلون اصور فكلبت الصوره وقربت راسي من يمه وصورت صوره اني ويا ومسويه بأيدي✌🏻 والحلقه طالعه "كتلج صوري العرس "

كلبت الكامره وبلشت اصور طبوا الولد فكلبت الكامره عليهم وهم واصورهم راح محمد وياهم قريت الكامره عليهم وهم يرقصون دبكه ضليت اباوع على محمد ومبتسمه سحبت ساره الموبايل مني"روحي وياهم يله "

باوعت الهم وما اعرف وين اوكف ومحمد يباوعلي وساكت فسحبني باقر يمه ويعلمني واني اضحك لان ما اعرف وساره تصور بينه خلصت الاغنيه وبدأت اغنيه هادء والعرسان يرقصون سلو وطبعا لان عرس كرايب فلكل ركص لان زوج فرح هم من يمنه

اجتي ساره وسحبتني وتركص وياي سلو ونضحك بس تعبت ورحت برا اشتم هواء لان صاريه هواي وخنكه رغم البيت كلش جبير حسيت بيد على خصري وانسحبت رفعت عيني واباوعله "محمد

ابتسم اليه"واخيرا وخرتي من ساره اريد اركص وياج ترا حقي عليج تمام"

ضليت ادفع بصدره وهوه كلشي ميسوي "ترا ادري تحبيني "

"ههه لو تنطبك السمه على الارض ما احبك"

هز حاجبه"هم هم واضح "

دفعني عليه وجسمي لازك عليه ويباوع على عيني وساكت ضليت ارمش ضربت صدره بأدي حتى يرمش
رمش انزل عيونه يباوع على شفتي توترت كلش ودفعته "يمه بلشت اخاف من حركاتك "