رغم صغر عمرها

فصل ٥

ضليت صافنه واطكطك بأصابيعي من التوتر"شسمه انته مالك دخل هم لتضل تحجي بلحب كلساع"

"هم صدك على طاري الحب،احجيلي قصتك ويه كوثر"

بلبدايه سكت بعدين عدل كعدت باوعلي"قبل سنتين جنت دائما اوصل ساره واشوفهه وياه تمشي وساره تحجي بكوثر وخلته ماكو مثله فصارت تجي ويانه تخليني اوصلهه جانت تسولف وياي وتضحك شويه شويه وصارت بينه علاقه رغم انو جانت صغيره ومفكر انو ما اريد ادمره وهيه طفله واني جبير بالنسبه اله فكتله هيه ردت عليه وكالت هوه اصلا اني هم كلت هيج وحبيت غيرك بس هيج كلتلي وانطتني قراصه وكالت خليه ذكره مني وكول لجهالك اني جنت احب وحده صغيره وعافتني طبعا اني الغبي ضليت محتفظ بلقراصه لحد مطلعتي بوجهي وانطيته الج"

ابتسم"هم يعني منكدر نكول انو انته تخطيتهه؟"

هز راسه بنعم وكام من مكانه وطلع اني شلت الصينيه ونزلته جوه وكعدت اسولف وياهم واضحك

عند محمد *

خذت ساره للمدرسه وطبيت للمدرسه اخذ اجازه لملاك
وساره وكافه تحجي ويا البنات طلعت برا وبوجهي كوثر تبجي باوعتلهم منصدم"شبيج؟"

ضربت صدري وتبجي"ليش تزوجت وتعرف اني احبك مو جان العمر يهمك ليش من شفت ملاك تزوجتها رغم صغر عمرها محمد والله طول عمري مراح اسامحك لأن عفت كلبي مفتوح الك ورحت تزوج غيري والله اله اشوف ملاك انجوم الضهر بسيطه مو قليله اني لا عبالك"

لزمت جتفها اهدئهه"هش خل احجي اول شي اول مرا ادري انو تحبيني وثاني شي هذا زواج بس كدام العالم لا اني اريدها ولا هيه تريدني، مسحي دموعج ودخلي للمدرسه "

مسحت دموعه وتباوعلي"يعني متحب ملاك تحبني "

هزيت رأسي بأي تقدمت وحضنتني وفرحانه وخرت وتضحك"يمه اشتاقيتلك حبيبي "

أشرتله على المدرسه وركضت لجوا صعدت السياره ورحت يم اصدقائي الحد مطلعت ساره جبته ورجعت للبيت اول مطبت ساره وكفت يم ملاك وأمي وتحجي بشيء

اجتي امي كبالي وصيحت بوجهي"هاي عود صدك شنو كوثر حاضنتك؟شنو نلعب احنه هاي اول يوم زواج الك هيج تسوي "

عند ملاك*

ضليت صافنه وهوه باوع عليه"هيه حضنتني ،وانتي ساره لتضلين ادورين ورايه ترا راسك اكسره "

صعد لغرفته ركضت فوك لحكته طبيت للغرفه وهوه متعصب نزع تشيرته باوعلي واني ساكته"لتبدين انتي الثانيه روحي طالعه"

كعدت على جربايه منطيته ضهري"كلت الكوثر الحقيقه وهسه راح تضل تشمت وتستهزء"

"مو مهمه انتي المهم اني وهيه، جانت تبجي ومكدرت اسكت واعوفهه"

باوعتله بهدوء "اذا جتني وضوجتني مالي دخل اضربهه اني"

لزم ايدي ويخنزر عليه"فكري بس انو تلزميهه وشوفي شيصير"