حب و حرب في حظر التجول

الجزء الرابع

الفصل الرابع
__
بعد ٣ أيام
سامر دخل على أهله مكشر:السلام عليكم.
الكل:و عليكم السلام.
سلطان:خير وش فيك؟
سامر جلس:صكوني بمخالفه عشر الاف.
الكل شهق.
عبدالعزيز بصدمه:و ليه؟
سامر:نزلت الصيدليه و مسكوني دوريه و اعطوني مخالفة عصيان أمر لاني طلعت بوقت الحجر.
عبدالعزيز:الله يهديك.
يزيد بصدمه:أما مخالفه.
زيد و يناظر عالجوال:اي و الله طلع الامر قبل شوي، و مد الجوال لسامر اللي هز راسه بايه.
كل الجوالات رنت برسايل و صاروا يناظرون بالجوال و كانت نفس رسالة زيد.
عبدالعزيز:وصلت الرسايل يعني ما عاد لكم عذر بأي شي، اجلسوا في بيوتكم.
سامر:و أنا و الله ما نزلت الا لشي ضروري.
سلطان:نص المخالفه أنا بأسددها عنك.
سلمان:و أنا النص الثاني.
سامر:ليه؟ وش قالوا لكم؟ ما معي فلوس.
سلطان:لا و أنا أخوك بس مني أنا لك.
سلمان:و أنا بعد.
سامر وقف:لا خيركم سابق، الغلط غلطي و بأتحمله أنا، استئذن.
عبدالعزيز:وين رايح العشاء بعد شوي.
سامر:بأروح أشوف زوجتي من اليوم ما شفتها، و طلع بهدوء.
يزيد ناظر ليامن و أشر له بيلا، و طلعوا اثنينهم وراه، وصلوا الباب ولا عاد شافوه.
يامن:بهالسرعه طلع.
يزيد:من يلومه ما شاف منار من اليوم.
يامن بحلق عيونه:ترا مو ذي السالفه.
يزيد:عارف و عارف انه اخذ بخاطره بعد ما أبوي و عمي قالوا له بيسددون نص المخالفه.
يامن تنهد:سامر حساس.
يزيد:مرره.
عبير طلعت من المطبخ:يامن ناد لي هديل و ياسمين بسرعه.
يزيد:مش هنا هم في البيت الثاني.
عبير بحده:و ذا وقته يروحون الله يهديهم.
يامن:خليهم يا الغاليه هم ما صدقوا على بنات في العايله.
عبير:يروحون ايه بس بوقت زين.
يزيد:وهم راحوا لأحد غريب؟ راحوا لبيتهم الثاني يا خاله.
بسمه حطت الصحن:خليهم ينبسطون قبل ما نرجع الرياض.
يامن ناظر في يزيد و يزيد أشر له بالسكوت.
عبير:قولوا لجدكم العشا جهز خلاص.
__
(بيت الجد عبدالله)
سامر دخل و سلم عليهم و جلس جنب منار.
متعب انتبه لتكشيرته:وش فيك؟
سامر ابتسم:سلامتك.
منار:صدق وش فيك؟
الجد عبدالله:أي و الله وجهك مو عاجبني.
سامر تنهد:غرموني بعشره الاف.
الكل:اوووفف.
منار:و ليه؟
سامر:لمنع التجول.
متعب بحلق عيونه:توها وصلتني الرساله.
سامر:بعد ما أكلتها، و ابتسم.
الجد عبدالله:و لا يهمك حبيبي نص المبلغ عليه.
سامر بسرعه:لا يا عم تسلم انا بأسددها بنفسي.
الجد عبدالله ما حب يناقشه:الله يعينك حبيبي.
__
(غرفة البنات)
ياسمين باندهاش:أنتِ صاحبتها؟
زين:ايه ،بس ترا مو حب مثل اللي ببالك.
ياسمين بابتسامه:و أنا أقول كل ما أدخل عليه وهو حاط هالورده جنبه و يشم فيها اثاريها منك.
زين ضحكت:مني بس مقدمتها بنفس زينه مو شي ثاني.
ياسمين:إن شاء الله صدق.
ضحى دقت الباب و دخلت:تجون تلعبون معانا تحت.
ياسمين وقفت:يلا بس مع مين؟
ضحى:احنا البنات.
زين:وش نلعب؟
ضحى تاخذ اوراق و اقلام:و الله هديل اللي جابت اللعبه.
ياسمين:اها عرفتها انسان نبات جماد.
ضحى:أعتقد إنها كذا.
ياسمين:الله أعلم متى يفكون الحظر؟
زين:على خير يارب.
__
(بعد أسبوع)
الشباب نزلوا البلوت كلهم بطفش و يتأففون.
زيد:ياخي زهق و طفش.
هتان:عشانك خسرت ورا بعض بس.
زيد:شي جديد يعني اني أخسر.
فيصل ضحك:أعترف على نفسه.
يزيد:نبي شي جديد ما غيرنا نلعب و الا على جوالاتنا.
يامن:وش رايكم نلعب كرة طايره.
هتان:ما تسمع أنت و احنا نقول لك زهقنا.
رن جوال يزيد باسم سامر:هلا عمو.
(يزيد، تعال أنت و الشباب بيت جدي عبدالله بسرعه)
يزيد:أنتِ مين؟
تأففت:لازم أقول إسمي يعني تعالوا بيت جدي عبدالله، باي، و قفلت.
يزيد ناظر للجوال:قفلت في وجهي و عارف انها من التوأم.
يامن:وش السالفه؟
يزيد:يقولون كل الشباب يتجهون لبيت الجد عبدالله و أمر من عمي سامر.
زيد وقف:حلو حلو عالأقل فيه شي يهبل يعدل مزاجنا.
يزيد ضربه على راسه بخفه:عيب ذولا أخواتك.
توجهوا الشباب كلهم لبيت الجد عبدالله و دقوا الباب و سمعوا الخبصه و الازعاج و فتحوا الباب اللي مردود شوي و نادا يامن:عمي سامر.
متعب صرخ:تفضلوا يا ابوي.
دخلوا و سلموا و شافوا الحوسه اللي قدامهم و انصدموا.
كان البيت محيوس فوق تحت خشب و قماش و الكنبات كلها برا الغرفه.
زيد مسك راسه:وش ذا الخبصه؟
فيصل:عمي وش ذا؟ جدي بيرمم المجلس او وحده من الغرف؟
هتان ناظر له بتكشيره:كيف يرمم و احنا في حظر.
متعب بهم:لا و الله ذولا بناتي و معهم سامر بيقلبون المجلس غرفة سينما.
يامن باستغراب:و جدي عبدالله ساكت على هالشي.
متعب:مو جدك اللي معطيهم الصلاحيه و يسوون اللي يبونه.
سامر طلع و ابتسم:هلا بالوحوش، يلا همتكم معنا.
هتان بغضب:أنت لازم تطلع لنا شغل.
سامر:اذا ما تبون تساعدونا ارجعوا البيت بس لا أشوف واحد منكم يتمسكن عند وجهي و يقول نبي ندخل نتابع.
يزيد تنهد:تمام أنا بأساعدك.
فيصل:و أنا كمان بأساعد.
هتان:خلاص كلنا بنساعدك.
سامر ابتسم:يلا همتكم تفضلوا.
دخلوا كلهم و شافوا البنات كل وحده ماسكه زاويه و تنظف الا ضحى.
فيصل شاف ترف و ناظر في سامر:ذي وش مدخلها و هي كانت بتموت على أبوها قبل كم يوم.
سامر ضرب كتفه:اسم الله عالبنت.
يامن:يااااتـرف.
ترف لفت له:نعم.
يامن:ممكن تنزلين من يدك و تطلعين أنتِ مريضه.
حور:اي و الله أحد يحاول فيها و يطردها من هنا.
ترف ضربت حور بخفه:أختك أنا.
يزيد تذكر:مين الشاطره اللي كلمتني و قفلت في وجهي؟
مدى و مها لفوا بصمت.
يزيد عرفهم:اعرف انه وحده منكم بس هالمره مسموحين لكن المره الجايه بتزعلون.
مدى رفعت يدها:أنا اللي كلمتك و ترا عادي لو زعلت مني أخر همي ولد يزعل مني.
يزيد:و الله.
متعب من عند الباب:عيب يا مدى، ترف اطلعي يلا.
ضحى ناظرت في هتان اللي يناظر لها باستحقار لانها كانت جالسه عالجوال طنشته و صرخت:زين وينك؟
زين طلعت من باب الضيوف:هنا ليه هالصراخ؟ و شافت الاولاد و ابتسمت:الله جابكم.
يزيد ابتسم:وش تامرون فيه.
زين:ما يامر عليكم عدو، بس الكنبات نرتبها مع بعض و نبي اطول اثنين عشان نبدأ نركب الستاير.
ياسمين و هديل دخلوا بيدهم أكياس:السلام عليكم.
الكل رد السلام.
ياسمين:جبت الانوار اللي تبينها.
هديل:و أنا الخداديات كمان.
زيد:أنتوا تضبطون صالة سينما و الا غرفة نوم.
ياسمين:أنت اسكت و ساعد بصمت.
زين:ممكن ننتهي قبل لا تروح الشمس لان الغرفه ذي ابيها مظلمه مررره ما نبي نقطة نور الا لما يصير فيه فاصل بنص الفيلم.
يامن:يعني بتعيشونا الجو.
زين بابتسامه:و أحسن إن شاء الله.
و بدأ الكل يشتغل مع بعض و يساعد الين نص الليل، البعض اعتذر و انسحب و البعض نعس و نام مكانه و البعض من الحماس ما زالو مستمرين و يحطون اللمسات الاخيره.
زين مدت ظهرها:افتح خلاص؟
سامر:يلا.
زين فتحت النور و انبهروا بشكل السينما.
يزيد:طلعت خطيررره.
سامر بذهول:ابدعتي يا زين.
زين:كلنا ابدعنا.
يامن:أنتِ صاحبة الفكره و التصميم.
زين ناظرت باعجاب:طلعت جميله و ذا بفضل الله ثم بفضلكم و مساعدتكم.
يامن:فكرت ما بتكفينا الغرفه بس سويتوا من كل الجانبين و ارتحت.
زين:ايه مجلس جدي كبير.
سامر:الله يخليني لكم لو ما اقترحت عليكم ما كان توفرت لكم اي شي من الاغراض.
يامن:يــاااااثــقــه.
سامر غمز له.
يزيد:طيب احنا نستئذن بنروح ننام.
يامن جلس:استئذن لوحدك.
سامر:لا تروح الحين يأذن و نطلع نصلي.
زين بحلقت عيونها:بأمانه قرب يأذن.
سامر طلع الجوال:اي و الله الساعه خمسه الفجر.
يامن:مشى الوقت بسرعه.
سمعوا صوت عند الباب و التفتوا و كانت منار بوجه كله نوم:انتوا ما خلصتوا؟
سامر ابتسم:صح النوم.
منار:صح بدنك، و تناظر:ماشاء الله، مشت وهي تلتف باعجاب:طلعت تهبل.
زين:بالنسبه لي باقي أشياء بسيطه أضبطها.
يزيد باندهاش:اكثر من كذا.
زين:ايه طاولات او خداديات و أشياء مثل كذا.
(اذان الفجر)
يامن وقف:طيب احنا نستئذن.
منار:لحظه اجلس في شي بأقوله لكم.
زين:وش؟ خطه؟
منار:لا في حلم حلمته قبل كم يوم و ما قدرت أفسره.
سامر:خيراً رأيتِ.
منار:ان شاء الله انه خير.
يزيد:اذا مو حلو لا تحكينه.
منار:اي و الله.
زين:خلاص اسكتي.
منار:طيب اسمعوا مني جاتني خطه.
الكل قرب منها يسمع.
__
(بيوم جديد)
عبدالله دخل المسجد و شاف أخوه ساند يده عالجدار بتعب و عقد حواجبه و قرب منه:وش فيك؟
عبدالعزيز رفع نفسه:لا و لا شي شوية الم في معدتي.
عبدالله:لا تكذب علي و قول لي وش فيك؟
عبدالعزيز كشر:قلت لك ما فيني شي.
عبدالله:براحتك، وقف يسنن قبل الفجر.
عبد العزيز يمسك يده بألم و يتعوذ من ابليس.
بدأ المسجد يمتلي حبه حبه و بدأوأ يصلون و أنهوا الصلاه ،متعب كان بين عبدالعزيز و عبدالله و فجأه مال عبدالعزيز على متعب و متعب ابتسم:فيك نوم؟
و ناظر متعب له و شاف عمه مغمض عيونه و هزه:تشتكي من شي يا عم.
عبدالعزيز ما فيه اي صوت منه.
عبدالله فز بسرعه و هزه:عبدالعزيز عبد العزيز.
عياله فزوا كمان و صاروا ينادونه.
زيد بسرعه بعدهم:وخروا شوي وخروا شوي، أعطوه نفس.
كل واحد يناظر بخوف و زيد يفحص:جدي عايش بس شكلها جلطه لازم نشيله عالمستشفى .
سلطان:يلا هتان فيصل شيلوا مع زيد للمستشفى.
عبدالله:بأمشي معكم.
متعب:لا يبه انت كبير في السن و مستحيل يدخلونك.
سلمان:شيلوه بسرعه.
هتان وفيصل شالوه مع زيد و يامن و مشوا السياره و حطوه و انطلق سلطان و سلمان مع زيد و سامر.
عبدالله يناظر بحزن و تنهد:لا حول و لا قوة الا بالله، مسك راسه لما حس بدوخه.
يزيد مسك ذراع الجد عبدالله:جدي تعال معي.
هتان مسك يده الثانيه.
عبدالله مشى مع يزيد و متعب و العيال وراهم.
متعب وقف و همس:يامن و فيصل روحوا قولوا لامكم و خالتكم بـــس بهدوء.
يامن:أمرك يا عم، بنرجع لكم عشان نطمن على جدي.
متعب:بيتكم يا أبوي تعالوا بأي وقت.
و دخلوا بيت الجد عبدالله و جلسوه عالكنب بهدوء.
الجد عبدالله حط يده على وجهه و طاح بينهم و صرخوا باسمه.
زين صحت مفجوعه و ناظرت في الغرفه و شافت اخواتها نايمين ،مدت يدها للجوال و شافت الساعه ١١ الصباح و متأخره في النوم.
نزلت جوالها و ضلت تناظر في السقف، شالت نفسها و مسكت شعرها كله و لمته بربطه وحده و وقفت، ابتسمت لما شافت التوائم نومتهم مبهذله اللي غطاها طايح و اللي نومتها غريبه، ضبطت غطاهم و نومتهم و طلعت من الغرفه و قابلت أبوها:صباح الخير.
متعب ابتسم:صباح النور، وش مصحيك هالوقت؟
زين بتكشيره:حلم الله لا يعيده.
متعب مسك خدها:غسلي وجهك و تعالي تفطرين معنا.
زين بابتسامه:من عيوني.
متعب ابتسم:تسلم عيونك، مشى للسلم و نزل بهدوء و شاف منار و أبوه جالسين يفطرون و سلم عليهم و جلس.
منار:كيف نومتك؟
متعب:الحمدلله.
منار بضحكه:البنات بعد شغل البارح جثث.
متعب:زين صحت قبل شوي.
منار بصدمه:لاا ، من جدك ترا هي اخر واحده نامت.
متعب:صاير نومها خفيف.
الجدعبدالله:تلومها وهي شايله مسؤولية البنات كلهم.
منار:أي و الله، الله يكتب أجرها.
الجد عبدالله:الحمدلله خفت الخادمه و رجعت مثل قبل و شالت التوائم عالأقل.
منار بهمس:نقفل النقاش لانها نزلت.
زين سلمت و جلست بهدوء.
الجد عبدالله بابتسامه:طلعت الغرفه تجنن، أنتِ اللي مسويتها؟
زين بابتسامه:كلنا يا جدي اشتغلنا فيها و شكراً لانك سمحت لنا ناخذ المجلس.
الجد عبدالله:البيت ذا كله تحت أمرك اطلبي اللي تبينه حتى لو تبين غرفتي اعطيها لك تفداك.
زين:حبيبي يا جدي تسلم، غرفتك لك و عيب علينا نسوي فيها شي هذي خصوصيتك أنت.
متعب:الله يخليك لنا يابو متعب.
الجد عبدالله:و يخليكم لي.
زين تاكل و تناظر في الفراغ.
منار تناظر لها:وش تفكرين فيه؟
زين ناظرت لها:اليوم ايش؟
منار:الخميس.
زين هزت راسها بايه.
متعب:كل يوم نفس الروتين ما عاد عرفنا ترتيب الايام.
الجدعبدالله:الله يفرجها.
زين:بابا لو اخطط لمسابقه بين العائلتين تتوقع يوافقون.
متعب رفع اكتافه:مادري بس شدي حيلك.
زين بتفكير:يوم كامل نقضيه مع بعض.
منار:فكره حلوه، شوفي وش تحتاجين و أنا معك.
زين:راح اخطط معك و مع عمو سامر من دون ما يعرفون أخواتي.
__
(بيت الجد عبدالعزيز)
ياسمين نازله الدرج بمهل و شافت يامن:وين الباقي؟
يامن متكتف:صاروا بالسينما و بدأوا الفيلم و أنتِ باقي.
ياسمين:لا الا هذا الفيلم قلت لزين ما تشغله الا لما اكون جالسه.
يامن:تفضلي.
ياسمين طلعت قبله و تعثرت رجلها عند الباب و شهقت و يامن بسرعه مسك يدها و سحبها له:بسم الله عليك.
ياسمين من الخوف تمسكت بثيابه وتناظر فيه بخوف.
يامن:جاكِ شي؟
ياسمين هزت راسها بلا.
يامن يتألم:اظافرك منغوزه باكتافي.
ياسمين فكت يدها بسرعه و تأسفت.
يامن مسك كتفه الاثنين بألم.
ياسمين بخوف:يامن أنا آسفه مو قصدي.
يامن يهز راسه بايه.
ياسمين مسكت يده:خلني اشوف لها عسى ما انجرحت.
يامن:لا لا ما فيه شي، خلينا نلحق عالفيلم.
ياسمين:متأكد ما فيك شي.
يامن:ايه ايه، يلا يلا الفيلم.
وطلعوا اثنينهم بسرعه.
__
(بيت الجد عبدالله)
زين تناظر للباب و الساعه و هزت راسها بطفش.
يزيد من وراها:خلاص شغلي الفيلم.
زين من دون ما تناظر له:وعدت أختك اشغلها اذا وصلت.
يزيد:لا تاخذين وعد من ياسمين لانها تتأخر بكل وقت.
زين تناظر ساعتها:ننتظر.
يزيد عقد حواجبه:زين وش فيك اليوم؟
زين ناظرت له:وش فيني؟
يزيد جلس جنبها:ما أدري كلامك جاف و ابتسامتك اللي أشوفها دائماً مختفيه اليوم، وش القصه؟
زين بعدم إهتمام:يومي بدأ متعكر و أكيد يومي كله بيصير متعكر راح تعدله أنت.
يزيد انصدم و همس:شكراً لردك اللي ما كنت متوقع اسمعه منك، وقف و مشى من دون ما يناظر لها.
ضحى:زين ابدأي الفيلم.
زين:انتظر ياسمين.
ضحى:شغلي لان العايله بدأت تنام.
زين ساكته.
ضحى تأففت و مشت لكنبه و جلست و حطت العصير قدامها و رفعت شعرها لفوق.
هتان كان جالس جنبها:أنتِ اللي مأخرتنا عالفيلم.
ضحى ناظرت بسرعه و كشرت:أنت وش جابك هنا؟
هتان:أنتِ اللي جلستِ جنبي.
ضحى ناظرت و شافت المكان كله محجوز:للأسف المكان كله مليان و لا تفكر اني ميته عليك عشان اجلس جنبك أنا حتى ما شفتك.
هتان بابتسامه:ما فيه داعي تبررين.
ضحى بغضب:انكتم بس.
هتان مسك يدها بقوه:وش قلتِ؟
ضحى عقدت حواجبها من الالم:اترك يدي.
هتان بحده:أعتذري.
ضحى:أنا ما غلطت بشي عشان أعتذر.
هتان:أنا ماحد يقول لي انكتم.
ضحى بلعت غصتها و تمثل القوه:اترك يدي لا أصرخ و الم عليك اللي بالغرفه كلهم.
هتان:اعتذري.
ضحى نزلت دموعها قدامه:دموعي مو ضعف دموعي لانك مألمني.
هتان رخى يده:أنتِ اللي مو راضيه تكسرين عنادك و تعتذرين.
ضحى سحبت يدها بقوه و وقفت بسرعه و طلعت من الغرفه على دخول ياسمين و يامن.
ياسمين:آسفه عالتأخير.
زين:اخيراً.
ياسمين ناظرت ليامن اللي دخل و جلس جنب يزيد و ابتسمت:ما عليش كنت بأجيكم مكسره بس الله سلمني.
زين ببرود:اجلسي عشان أبدأ.
ياسمين ناظرت و همست ليزيد و يامن:روحوا اجلسوا مع هتان عشان أنا و البنات نجلس هنا.
يامن وقف:تحت أمرك.
يزيد وقف بتكشيره و جلس جنب هتان اللي مكشر و يامن جلس جنبهم:وش فيكم مكشرين؟ أفردوا ذا الخشش.
يزيد:تفرج و أنت ساكت.
هتان تنهد.
يامن استسلم:اوكيه.
في الصف الرابع كان يامن و يزيد و هتان اللي ملتزمين الصمت و عرفنا وش السبب؟
الجهه المقابله كانت ياسمين و زين و ضحى اللي مش موجوده.
في الصف الثالث ترف و حور و فيصل جالسين مع بعض و كانت حواراتهم عن الأفلام اللي شافوها و الممثلين.
الجهه المقابله كان سامر و منار و زيد يضحكون على سوالف قديمه.
في الصف الثاني كانت عبير و بسمه و سوالف مختلفه عن الحياه و المدرسه و غيرها.
الجهه المقابله كان مها و مدى و هديل بس عالجوالات .
في الصف الاول كانوا الرجال كلهم و اكيد فاصلين بين الاخوان.
كانوا موفرين كل شي و عايشين الجو شاهي عصير بوب كورن و شيبس و مكسرات.
زين صرخت:يلا بدأ الفيلم.
الكل سكت و صار يتابع بصمت.
__
عند ضحى
كانت بغرفتهم وهي تبكي من قلبها و تمسك يدها بقوه من الالم و ببكا:الله لا يسامحك.
دخلت الخادمه بهدوء و شافتها:ضحى هل أنتِ بخير؟
ضحى ببكا:اخرجي.
الخادمه بحزن:ماذا افعل لازيل حزنك.
ضحى صرخت:قلت لكِ اخرجي و لا تخبرين أحداً بإني هنا، اخرجي.
الخادمه:حسناً، و طلعت و قفلت الباب.
ضحى سندت وجهها على رجولها و بكت.
__
بعد ماعدا نص الفيلم وقفت زين الفيلم و صرخت:يلا بريك.
الجد عبدالله:ليه و أنا جدك وقفتيه.
متعب:استراحه خمس دقايق سوي اللي تبيه انت.
الجد عبدالله:اها، أي و الله.
متعب ابتسم له.
زين وقفت و جت عينها بعين يزيد و بعدتها بسرعه و طلعت و توجهت للمطبخ و شغلت عالمويه و وقفت تاخذ نفس سحبت يدها و حطتها على كتفها ضغطت عليه و ميلت راسها.
"ممكن أعرف وش فيك؟"
زين من دون ما تناظر:ممكن تتركني لحالي.
يزيد وقف قدامها:لا.
زين ناظرت له:لا أنا كمان.
يزيد:زين بلا عناد.
زين بغضب:أنا ما أعاند أنا متضايقه و لا ابي أحد يكلمني بهذا الموضوع لأنه يخصني.
يزيد:بس لازم أعرف وش فيك؟
زين:و ليه لازم؟
يزيد:لأنك تهميني.
زين:الكل هنا اهمه يا يزيد بس ما حشروا أنفسهم مثلك.
يزيد بغضب:ايه لأن ما أحد يحبك مثل ما أنا أحـبـك.
قفلت المويه تعلن انتهائها و زين تناظر له بصدمه.
__
زين بلعت غصتها من الصدمه ولفت عنه تسوي قهوتها.
يزيد قرب منها وحط يده الثنتين حولها يحجزها وقرب من أذنها:أنا أحـبـك، ايه قلتها و انا صادق و ما كذبت.
زين وجهت له:حب و أنا مالي الا يومين هنا.
يزيد:لا لكم شهر.
زين سكتت.
يزيد يهمس:عشان كذا أنا سألتك ليه متضايقه و إبتسامتك طول اليوم ما ظهرت لاني اعتدت أشوفها و كمان أحبها حييل.
زين نزلت دموعها و نزلت راسها تخفيها.
يزيد تنهد ومسك يدينها:أنا معك.
زين فكت يدينها ولفت وببكا:اطلع لان مابي احد يشوفنا بهالشكل.
يزيد واقف يسمعها.
زين بترجي:لو سمحت يزيد.
يزيد:اللي تامرين فيه، وطلع بهدوء.
زين مسحت دموعها وأخذت كوب القهوه و انتبهت لجدها واقف:تبي شي؟
الجد عبدالله:وش بينك أنتِ و يزيد؟
__
ياسمين لما انتبهت لطلوع يزيد و مشت ليامن:يامن.
يامن ابتسم:هلا.
ياسمين:كيف أكتافك؟
يامن:أنتِ خايفه عليه عشان شي بسيط.
ياسمين بحزن:أنت تعورت مني يحق لي أخاف.
يامن ابتسم:لا تخافين مافيني الا العافيه.
ياسمين:متأكد.
يامن مبتسم لها و يهز راسه بايه.
__
عند ضحى
غسلت وجهها كله وجففته وحطت لها شوية غلوس و ابتسمت طبيعي، ونزلت ودخلت السينما وجلست على كنبة ياسمين و زين.
حور لفت:وين كنتِ؟ بدأ الفيلم من زمان.
ضحى بإبتسامه:كنت أشوف مسلسلي.
حور:ترا بابا كان يدور عليك.
ضحى:خلاص بأقول له أنا.
حور:ليه تقولين؟ أنا موجوده.
ضحى:اششش.
حور صرخت:بابا ضحى هنا.
هتان ناظر لها.
ضحى همست:يا بنتي انكتمي.
متعب وقف:ضحى وين كنتِ؟
ضحى غطت وجهها:بالغرفه أتابع مسلسلي.
متعب:و احنا هنا كلنا نتابع فيلم، فاتك ترا.
ضحى ابتسمت:اكمله معكم عشان خاطرك.
متعب:وين زين؟ خلصت العشر دقايق.
يزيد دخل و شاف ياسمين:روحي اجلسي مكانك.
ياسمين:بارجع بس، ناظرت وراه:وين زين؟
يزيد:وش عرفني؟ روحي دوري عليها.
ياسمين همست:مو طلعت وراها.
يزيد كشر:تكفين ترا مالي خلقك لو تبينها روحي دوري عليها، مسك يدها وسحبها وجلس مكانه و تنهد.
ياسمين مصدومه و ناظرت في يامن:عن اذنك.
يامن:تفضلي ، همس ليزيد:وش فيه؟
يزيد:ما فيه إلا كل خير.
يامن:تخبي عليه افا بس.
يزيد ناظر له:زين وبس.
يامن:عارف من جت و انت فيك كل هالتغيير.
يزيد عقد حواجبه:أي تغيير؟
يامن:كل شي يا يزيد.
يزيد بهمس:أنا أحبها حييل و قلت لها قبل شوي بس كانت مجمده مكانها.
يامن ضحك بخفه:صدمت المسكينه.
يزيد:و أنا طالع شفت جدي عبدالله تتوقع سمع اللي قلناه.
يامن ناظر:واضح من وجهه.
يزيد التفت وشاف وجه الجد عبدالله مخبوص.
يامن بهمس:تتوقع عرف باللي صار بينكم؟
يزيد بعدم اهتمام:أخر همي، و انتبه لدخول زين و جلوسها من دون ما تناظر له.
بعد ما انتهى الفيلم الكل وقف و استئذن و منار طلبت  من الشباب و الصبايا يجلسون تبيهم بشي ضروري.
يامن:ممكن تنجزين يا عمه منار.
هتان:نبي ننام.
منار:نوم اللي ماني بقايله.
ترف عقدت حواجبها:ليه عصبتِ هم معهم حق.
منار:ممكن اتكلم.
سامر بيده كوب:تكلمي ياقلبي و اللي يقاطعك بالكوب في وجهه.
منار:أنا و زين خططنا ليوم كامل للعائله و ابيكم توافقون عليه.
زيد:وش هو طيب؟
منار:برنامج صغير ليوم كامل للعائلتين.
ضحى:و زين وين عشان تشرح؟
منار بحزن:زين اليوم مو طبيعيه ما أدري وش فيها؟
مدى و مها:ملاحظين هالشي.
زيد:عمه منار اختصري السالفه.
منار:خطة الليله كانت بيني انا و سامر و يامن و زين و نجحت، الخطه الثانيه انا و زين قلنا نسوي لهالشي قبل رمضان و اللي باقي عليه ١٠ أيام و بيكون حظر.
سامر:تمام.
منار:الخطه هي و مثل ما سميتها برنامج للعائلتين يعني فيه تحديات مسابقات اكيد بيكون فيه اكل لا تخافون و فيه راحه بس لحد هنا الباقي ما أقدر أقوله عشان زين مأمنتني ما أكمل.
حور:مصيرنا نجر منها الكلام.
منار:اللي هو، ناظرت فيهم:تكفون وافقوا على هالخطه راح ننبسط.
زين دخلت عليهم بغضب:اخواتي الفاضلات، و رفعت وشاحها:مين منكم تركت الكوايه مفتوحه و حرقت وشاحي.
البنات شهقوا.
زين صرخت:أنا أتكلم معكم مين تركت الكوايه مفتوحه.
ضحى:مش أنا.
ترف:و لا أنا.
حور:و لا أنا.
مها و مدى:و لا احنا كمان.
زين صرخت:مين طيب؟ أنا يعني اللي خليتها شغاله أنا اللي حرقتها، أشرت عليهم:كل وحده فيكم ما عندها أي إحساس بالمسؤوليه ،لازم اركض وراكم مثل البزران عشان تتعدلون أنا كل التعب عليه و المسؤوليه كل شي في راسك يا زين من جينا هنا و انتوا؟
اللي لاهيه بنفسها و اللي لاهيه مع صديقاتها و اللي في عالم اخر، و بترجي:تكفوووون ساعدوني و شيلوا عني الحمل ذا تراه قتلني و صرخت و نزلت دموعها:ارحـمـونـي، رفعت شالها:اخر شي من ماما خسرتُه، و طلعت و هي تبكي.
الكل ساكت.
منار ناظرت للساعه:الحين الساعه وحده لو تبون تجلسون تشوفون فيلم و الا تروحون للبيت تنامون براحتكم، أنا بأروح لزين.
يامن:عني أنا باستئذن.
هتان و فيصل وقفوا:و احنا كمان.
حور:خليكم جالسين.
ياسمين:لا الوقت تأخر.
ترف:و اذا تأخر ترا البيت بيتكم مو بيت أحد غريب.
ياسمين تنزل:عارفين انه بيتنا، وصلت لمنار:طمنيني على زين اوكيه.
منار:اوكيه تصبحين على خير، و طلعوا كلهم الا يزيد:ما عليش أنا بغيت عمو سامر في كلمه.
منار:أكيد خذ راحتك، طلعت و طلعوا البنات وراها.
سامر جلس و جلس يزيد جنبه:وش فيك؟حتى أنت قلبت أخلاقك فجأة.
يزيد:مو بيدي.
سامر:وش فيك؟ و بتريقه:وحشتك الرياض؟
يزيد:لا بس .....، و سكت.
سامر تحرك من مكانه و تغيرت نبرات وجهه بجديه:يزيد وش فيه؟
يزيد:أنا بأقول لك لأنك عمي.
سامر:طيب تكلم وش مشكلتك؟
يزيد:أنا أحب.
سامر رفع حواجبه:طيب و أنا وش دخلني؟
يزيد:قول لي وش أسوي؟
سامر:وش أقول، هي من هالبنات اللي بالجوالات.
يزيد:لا.
سامر:تعرفت عليها بالسوق و الا معكم بشركة أبوك.
يزيد:لا لا.
سامر:أجل من؟
يزيد:لازم تعرف يعني.
سامر:أجل ليه علمتني؟
يزيد يناظر له و يبلع ريقه بخوف:بنت رجال و أحبها و صارحتها بهالشي.
سامر مسك راسه:الله كل ذا مره وحده، كم لك تحبها؟
يزيد:من أسبوعين أو ثلاثه.
سامر بحلق عيونه:ما أسرعك.
يزيد:و كم لك تحب عمه منار؟
سامر:انطم أنا غير عالاقل أعرفها.
يزيد:و من قال لك ما أعرفها.
سامر صرخ:من هي تكلم؟
يزيد بحزن:زيــن.
__
(غرفة البنات)
منار دقت الباب و دخلت:زين.
زين تمسح دموعها:تعالي.
منار فتحت الباب:قلبي و الله، وش فيك؟ مين اللي كانت تحت ذي و انفجرت بالكل.
زين رجعت تبكي:انقهرت على شال ماما هو الشي اللي بقا منها.
منار حضنتها:حياتي أنتِ، دموعك غاليه يا زين.
زين بعدت عنها:أنا آسفه لانك شفتيني بهالشكل.
منار:و لا يهمك يا قمر.
زين:بسبب أخلاقي اليوم فصلت عالكل، و بحزن:و خصوصاً يزيد.
منار:يزيد قلبه كبير.
زين مسحت دموعها:باقي تحت.
منار:لا اكيد رجع بعد ما خلص كلام مع سامر.
زين مسحت دموعها:بكره اعتذر له إن شاء الله.
منار:و أخواتك.
زين تنهدت:ما أكذب عليك لو قلت لك ذي أول مره افصل عليهم.
منار:هم كمان مصدومين و جايين يعتذرون منك، صرخت:بناات.
البنات دخلوا و هم حزينين و يروحون لزين و يحضنونها و يطلبون السماح و هي ابتسمت لهم و ضحكت لهم بخفه.
__
(يوم جديد، بيت الجد عبدالعزيز)
زين دخلت و دقت الباب:السلام عليكم.
الجد عبدالعزيز صرخ:أنورت و أسفرت حياك تفضلي.
زين:كلها ذي لي يا جدي.
الجد عبدالعزيز:اجل لي.
زين باست راسه.
الجد عبدالعزيز:الله يرضا عليك.
زين سلمت على سلطان و سلمان و على عبير و بسمه و جلست.
بسمه:تبين قهوه؟
زين:لا شكراً.
عبير:جايه عشان البنات؟ لحظة مش موجودين.
زين:لا و الله جيت عشان يزيد.
الكل ناظر لها بلخمه.
زين ابتسمت:اكيد عمو سامر كلمكم عشان البرنامج اللي بنسويه و محتاجه مساعده منه لان كل ما سألت عن أحد قالوا مو فيه كلهم.
ابتسموا لما فهموا السبب بس كل واحد عنده كلام بنفسه(وش تبي في يزيد؟ و ليه يزيد؟ و عادي هي عاشت برا و يصير يزيد قريبها)
سلمان:ايه العيال و البنتين كلهم طلعوا للسوبر ماركت قبل ما يجي وقت الحجر و يزيد هو اللي ما مشى معهم تلاقينه بالديوانيه.
زين وقفت:تمام أنا ما بادخل له باناديه يجي معي للبيت عشان عمو سامر كمان هناك ينتظرنا.
سلمان:اللي يريحك يابوي.
سلطان:على فكره متحمسين جداً للبرنامج اللي عاملينه.
عبير:اي و الله خلينا نغير جو.
زين:إن شاء الله يعجب الكل، استئذن.
الكل:الله معك.
زين ابتسمت و طلعت من البيت كامل.
الجد عبدالعزيز:سلمان و سلطان وحده مثل زين لا تفرطون فيها كزوجه لعيالكم.
سلطان:خير إن شاء الله.
عبير و بسمه ناظروا في بعض بهدوء.
—
عند زين
طلعت و وصلت للباب و تمد يدها عشان تدق ومو قادره تتراجع، تأففت:لي يومين ابي أكلمه و ما جت الفرصه الا اليوم، صح تأخرت بس وش أقول له أحس إني متوتره.
أخذت نفس:اهدي زين و اعتذري بس لا تجيبين الي اسمه العيد، دقت الباب و مره و ثانيه و ثلاثه و لا كان فيه رد، فتحت الباب بهدوء و جا لها برودة المكيف و الغرفه مظلمه و ريحة عطور الشباب و دخلت راسها و نادت:يزيد، دخلت الغرفه و قفلت الباب و شغلت نور واحد و شافته نايم و لام على نفسه من البرد من دون غطا او شي عليه و قربت منه تتاكد هو نايم او غافي؟بس شافت طريقة تنفسه و وضح لها انه نايم، ابتسمت و وقفت تدور اي غطا تغطيه و لقت زي المشلح بس ثقيل، اسمه(شمله) غطته فيها طاحت الطرحه على وجه يزيد و سحبتها بهدوء، انتبهت لجواله و اخذته و ضغطت رقمها بسرعه و جتها رنه صامته، ابتسمت و وقفت بهدوء و طلعت.
يزيد فتح  عيونه بطفش على أحد يصحيه:وش فيه؟
زيد:يزيد يلا صلاة المغرب ننتظرك.
يزيد مسح على وجهه و عيونه و ناظر في الشمله:مين غطاني؟
زيد:ما أدري بس تشم اللي اشمه؟
يزيد يشم:وش هو؟
زيد:ريحة عطر يفتح النفس بس نسائي، ناظر في اخوه:مين دخل عندك بغيابنا؟
يزيد:وش عرفني؟ يمكن أمي و الا خالتي عبير.
زيد:مو ريحة عطر أمي و لا خالتي عبير لاني حافظهم.
يزيد:اقول ابعد بس يا المحقق كونان خلنا نلحق الصلاه.
زيد:مصيري أعرف.
يزيد مسح وجهه بتعب:مخليني كل ذا الوقت نايم ليه؟
زيد:مو احنا طلعنا و ما رجعنا الا قبل نص ساعه.
يزيد تنهد و وقف.
زيد قرب منه و شم ريحة قميصه:العطر فيك، بحلق عيونه:من اللي كان معك؟
يزيد:ياخي ما أحد كان معي وش فيك؟ ابعد عني خلنا نلحق الصلاه، و طلع.
زيد تخصر:مصيري أعرف يا يزيد.
__
(بيت الجد عبدالله)
زين جت و حطت المافن:ذوقوا وقولوا كيف الطعم؟
ضحى:وش قصتك مع المافن هاليومين؟
زين:ذوقيه ممكن؟
منار اكلت:وااااو يا زين.
حور:طعمه عادي.
ترف تتذوق و تغيرت تعابير وجهها:جيت في وحده محروقه.
ضحى:انتي حارقته كله، ناظرت في منار:ابعديه من فمك لا يجيك شي أنتِ و البيبي.
زين لمنار:تمدحين و الا تذمين.
منار:لا اذم وش فيك حارقته؟
زين تنهدت:يعني فشل.
مدى رجعته:محاوله فاشله.
مها:فاشله جداً.
زين:هو المفروض ما يطول في الفرن بس رحت أصلي و تركته.
منار:الكيك بأنواعه لازم نكون حريصين عليه، وتعدد:من ناحية الوقت ، فتح الفرن ، المقادير و كل شي.
ترف:دائماً تسوي المافن و تفشل.
حور:ترا جدو اللي يدفع الاكل مو بابا.
منار:كلنا واحد.
نبيله نادت زين:انسه زين تعالي شوي.
زين وقفت و مشت لها:وش فيك؟
نبيله وقفت عند القوالب:كملي هالقوالب و أنا انتبه لها.
زين:وش رايك في الخليط؟
نبيله:كل حاجه مضبوطه بس لازم تنتبهين للحراره و الوقت.
زين بتكشيره:ايه.
نبيله ضبطت الحراره:ابدأي صبي الخليط في القوالب و حطيها بالفرن و حطي جرس عالوقت.
زين:معاكم جرس هنا؟
نبيله:لا عدلي بالجوال.
زين:الكميه كبيره.
نبيله:و وش ورانا؟
زين ابتسمت و حضنتها:يا زينك يا نبيله، أنتِ الوحيده اللي تساعدني.
نبيله:اللي تبينه يصير.
الخادمه دخلت:هل تعملين المافن مره أخرى؟
زين هزت راسها بايه.
ساندي بضحكه:أتمنى لكِ التوفيق.
__
(بيت الجد عبدالعزيز)
جالسين يتعشون و الكبار لاهين بالسوالف.
يزيد طفش من سالفة زيد:تسكت أنت و الا أقوم اوريك شغلك.
يامن:معه حق من وين جت ريحة العطر؟
هتان:مو أنت تقول ما أحد دخل عليك.
فيصل:و سألنا أمي و خالتي و قالوا لا ما دخلنا عند يزيد.
ياسمين بضحكه:كنت تحلم بأحد؟
يزيد:ايه في هالمهبل، و أشر على الشباب:عطر و لبق فيني وش هالقضيه الكبيره؟
هديل:خلك منهم الملاقيف لو تقعد تبرر لهم من الحين الى بكره ما يكفيهم.
فيصل:ايوه طلع لك لسان.
هديل طلعت لسانها:من زمان معاي لسان.
انتبهوا لصوت الجد عبدالعزيز يوقف:الحمدلله و الشكر على نعمته ،التفت:وين يزيد؟
يزيد:لبيه.
عبدالعزيز:وش كان يبيك فيه سامر العصر؟
يزيد عقد حواجبه:كنت نايم.
بسمه بسرعه:زين رجعت من الباب و قالت يزيد نايم و لا حبيت أزعجه.
عبدالعزيز:أصيله هالبنت ،و مشى عن الطاوله.
الشباب و البنات ناظروا في يزيد.
يزيد زم شفايفه و رجع ياكل.
يامن بهمس يسمعونه:عندك تعليق؟
يزيد تنرفز:أتمنى الكل ينكتم.
الكل ابتسم و يضحك بخفه و كمل ياكل.
__
عند زين
كل مره تكتب رساله عالواتس و تمسح تبيها ليزيد، تأففت:أفف وش أقول؟
رجعت شعرها لورا:ممكن نتقابل عند الباب؟، لا مو حلوه ابداً.
و تعض أصبعها:بأكتب يزيد، مسكت جوالها و كتبت اسمه بسرعه:الو، يزيد.
انتظرت شوي و لا رد.
زين كتبت:كيفك؟ ما عليش اذا أرسلت بوقت غلط.
و انتظرت يرد.
مر وقت و تأففت:ياخي رد عليه.
بعد كلمتها ذي فتح يزيد الواتس و شاف الرسايل.
زين صرخت و مسكت الجوال:وش فيني أنا؟ صارت يدها ترجف.
يزيد استغرب من اللي مرسل له:اهلاً.
ايه تفضل، من معي؟
ابد تفضل بأي وقت.
زين ابتسمت:لما الواحد بيزّعل أحد يحبه، كيف يعتذر له؟
يزيد:عفواً🤨.
زين ضحكت:اللي قرأته؟
يزيد:أنت مين؟
زين:مو مهم تعرف.
يزيد تنهد و كتب:اذا يحبه حيييل فأكيد يشوف الزعل و لا شي بينهم.
زين ابتسمت:قلبك كبير.
يزيد:يمكن، بس مو في كل مره يسامح.
زين:يعني زعلان مني.
طيب أنا أعتذر.
يزيد:أنت مين يا شيخ؟
زين:أنا زين😔.
يزيد اتسعت ابتسامته و أرسل لها:ما أدري.
زين:أنا آسفه.
يزيد:مين قال لك اني زعلان و منك أنتِ بالذات.
زين بابتسامه:بس كان غصباً عني
يزيد:أنا مستحيل ازعل منك لانك قلـبـي.
زين ابتسمت و حمرت خدودها من الخجل و كتبت:أنا آسفه و الله بس من بعد حلم شفته قبل كم يوم كرهت الدنيا و كمان شال ماما اللي احرقوه عليه زاد عليي ذا كله فأنا أعتذر.
يزيد ابتسم:اعتذارك مقبول و لا ما فيه احد يزعل من الزين.
زين:اوكيه بكره موعدنا نخطط للبرنامج لا تتأخرون.
يزيد:أي وقت؟
زين:بعد صلاة الفجر منسقه مع عمو سامر.
يزيد:سامر ملزق عندكم ما نشوفه الا في المسجد و الا وقت المباراه.
زين تضحك:ترا جالس هنا عشان غزل و غنى مو عشان عمه منار.
يزيد ضحك من قلب و ارسل:😂 جابوا راسه.
زين:ايه.
تبي شي؟
يزيد:ابي سلامتك.
زين:تصبح على خير.
يزيد:و أنتِ من اهل الخير❤️.
زين:اخر شي.
يزيد:وش هو؟
زين:حبيتوا المافن؟
يزيد:ما جانا شي 🥲
زين:أعطيت ياسمين صينيه مليانه.
يزيد:باستجوبها لا تخافين و دام أنتِ عملتيه فأكيد يهبل.
يزن:شكراً، باي.
يزيد طلع من المحادثه و دق على ياسمين:الو، وين المافن اللي سوته زين؟
ياسمين:بسم الله، وش عرفك أنت إنها أرسلت.
يزيد:خمس دقايق و الصينيه عندنا.
ياسمين:خذه في المطبخ أنا بأنام زين تبينا من الصبح.
يزيد:تمام، وقفل.
ياسمين بزعل:و لا حتى قال تصبحين على خير.
__
(يوم جديد)
يوم البرنامج اللي زين عاملته من الساعه٧ الفجر، طلعت العايليتين من باب البيت و كانت فيه طاوله قدامهم طويله بكراسي مضبطتها بقماش أبيض و الاواني الزرقاء و الاكل كل ما لذ و طاب و مطله هالعين اللي تجري قدام البيت.
الكل يناظر في الطاوله بإعجاب.
سلطان:اذا الجمال هذا من بدايتها وش تاليها يازين؟
زين:اليوم كله جميل بإذن الله.
سلمان:إن شاء الله.
سامر رفع يده:احنا معها على فكره بس الفقره ذي هي اللي محضرتها.
يزيد:عشان كذا هي جميله ما فيها أي غلطه.
سامر عقد حواجبه:عمك أنا يا قليل الأدب.
الجد عبدالعزيز:وش خلاك تسوين هالشي؟
زين مستحيل تقول عشانكم، و بكذب:صراحه يعني احنا بحظر و ما يسمح لنا الخروج الكثير و قلت احنا عايشين بفراغ هالايام اللي راحت ليه ما أستغل هالشي و نسوي شي يسعدنا و يبسطنا و نجمع هالبيتين مع بعض دام كل واحد عايش روتين مختلف، يعني مثل الحين نقوم نفطر مع بعض ننبسط مع بعض نضحك مع بعض.
سلطان بإعجاب:و الله  أنتِ بطله.
عبير:أنتِ شخص صباحي يا زين؟
زين:ايـه مثل بابا، و حطت يدها على أكتافه.
متعب سحبها له و باس خدها:الله لا يحرمني منك.
ضحى كشرت:بابا كلنا أشخاص صباحيين.
ترف:ايه مو زين بس.
متعب ابتسم:الله لا يحرمني منكم كلكم.
هتان بتريقه لضحى:ما أصدق إنك شخص صباحي مثل زين لو ترف حور بأقول لك ايه.
ضحى بتكشيره:مو لازم تصدق لان مالك علاقه بالموضوع.
فيصل همس:هتان اتركها.
هتان بهمس:أكرهها.
زين انتبهت لكأس يزيد فاضي و أخذت إبريق الشاهي و جت من جنبه و سكبت له.
يزيد كان مصنم مكانه لان شعرها مع الهواء الخفيف يطير على وجهه و عرف ريحة عطرها اللي لبقت فيه و عرف انها هي اللي دخلت لعنده و غطته، ابتسم لما قالت:عوافي ، و رد بابتسامه:الله يعافيك.
الجد عبدالله:اجلسي يازين تفطرين.
زين:أنا فطرت يا جدي.
سامر أشر لها تجي له و مشت له بهدوء و نزلت راسها بينه و بين منار:تفضل.
سامر:وش يصير بعد الفطور.
زين:ليه مستعجل، أفطر و أشبع و ان شاء الله خير.
سامر:ايـه عارف بس تقسيم الفريق و....
زين:عمو سامر افطر و بعدها ناخذ البرنامج حبه حبه.
منار:و هي صادقه عندك فضول تعرف و أنت منسق معنا كل شي.
سامر:حاضر.
الكل سوالف و مبسوطين و أخذتهم السوالف.
زين انتبهت:لو سمحتوا انتباه، و دقت الملعقه في الصحن.
الكل ناظر لها.
زين:كل واحد منكم تحت صحنه تبع كوب الشاهي فيه لون، هاللون يا يكون ضمن فريقي أو فريق عمو سامر.
سامر وقف:ايه أنا الاخضر و زين الاصفر.
زين:راح نبدأ بالكبار، جدو عبدالعزيز أرفع صحنك و شوف أي لون؟
عبدالعزيز ابتسم و رفع الصحن و ابتسم:مع الاصفر.
زين:ياااي اول حليف لي.
سامر:يلا يا عم عبدالله.
الجد عبدالله رفع صحنه بابتسامه:زين.
زين:يااي جدو عبدالله كمان.
سامر:لا كذا غش.
زين:غش وش هو بالضبط؟
سامر:أنتِ اللي وزع الصحون.
زين:و الله ماهو أنا.
يزيد دق يامن و همس:ولد وش لونك؟
يامن:ما أدري.
يزيد:شوف اتفاق بيننا لو طلع أصفر خذ صحني.
يامن:وش لونك؟
يزيد:ما أدري ما شفت.
يامن:تأكد و تعال طالبني بالصحن.
يزيد اغتنم خناق زين و سامر و سرحان اللي عالطاوله و بسرعه شاف الصحن و كان من فريق سامر و ناظر في يامن بحزن:تكفى بدل معي.
يامن:بدل مع أختك.
يزيد دق ياسمين:وش لون صحنك؟
ياسمين:وش عرفني؟ ، و بعدين ما يصير نغش.
يامن انتبه للون صحنها عاكس في المفرش الابيض و و لون صحنه كمان و ابتسم:ولد خذ صحني و اسكت.
يزيد:يلا غيره بسرعه.
يامن:بهدوء عشان ما أحد يشك.
و بسرعه بدلوا الصحون من دون ما أحد يشوفهم الا واحد و ابتسم.
زين:اللي حط الصحون نبيله أنا مالي دخل.
منار بطفش:خلاص خلاص خلونا نكشف عالصحون الباقي.
زين:يلا.
سامر:متعب و سلمان افتحوا مع بعض.
اثنينهم فتحوا و متعب بفريق سامر و سلمان بفريق زين.
زين:نورت عمو سلمان.
سلمان:بنورك، مبسوط اني انضميت لك.
زين:اهلاً فيك.
متعب:فيه عندي شي لو سمحتوا؟
سامر:تفضل.
متعب:يزيد و يامن اخر ناس يفتحون الصحون.
يزيد:ليه؟
يامن:أحنا الكبار و نفتحها آخر ناس.
متعب:مقصدي ان اثنينكم الشباب الكبار و كل واحد و قوته ماشاء الله فأنتوا بعد إذن زين و سامر راح تصيرون نائبين الكباتن.
سامر:معه حق افتحوا اخر ناس أنتوا.
يامن:و اذا كنا بنفس الفريق.
ياسمين:فعلاً القرعه تطلع اثنينهم بفريق.
يامن:قلبي هالمره يقول احنا فريق مختلف و انا و انتي فريق واحد.
ياسمين:يارب اطلع مع زين.
سامر:عيال اخواني شايفيني و لا شي.
هتان:أنا و الله أتمنى أكون بفريقك.
سامر أرسل له بوسه.
زين:يلا نكمل.
فريق زين تكون من:عبدالعزيز و عبدالله وسلمان و بسمه و عبير و فيصل و ترف و حور و هديل.
فريق سامر تكون من:متعب و سلطان و منار و هتان و زيد و مدى و مها.
ضحى كانت قبل الاخير:يارب فريق زين.
سامر:يلا ضحى، شكلك ما تبين بفريقي.
ضحى:أنت ما فيك شي يا عمو بس فريقكم ضعيف.
مدى:اقلبي الصحن و أنتِ ساكته.
ضحى قلبته و كان أخضر و صرخت:للااااا.
متعب:بس يا ضحى.
ضحى رفعت يدها:أعترض.
زين:أنا مابيك بفريقي.
ضحى:ليه أختك أنا.
سامر:أنا عارف ليه ما تبين بفريقي بس و لا يهمك أحد أنا الكابتن و أنا مبسوط إنك معي.
ضحى:أنا آسفه على ردة الفعل بس ان شاء الله افوز الفريق.
زين:باقي اخر اثنين.
الكل يناظر و ينتظر بحماس
يزيد:ارفع صحنك.
يامن:و ليه ما ترفع أنت؟
يزيد:أنت أول حفيد و الكبير.
يامن بهمس:نصـاب.
يامن رفع صحنه و ابتسم:فريق عمو سامر.
يزيد رفع صحنه بهدوء و ابتسم:فريق زين.
زين اتسعت إبتسامتها:اوكيه، عرفنا كل فريق مين؟
الحين فيه مسابقه خفيفه بس نختار اثنين من كل فريق.
سامر:أختار ضحى وووو و هتان.
ضحى بحلقت عيونها:ليه؟
زين:ما فيه اي تعارض.
سامر يصحح:اعتراض.
يزيد:الكابتن حقنا يقول اي شي عادي.
سامر:لا نصحح لها هي تتعلم لغتها.
زين:اختار ترف و حور.
الجد عبدالله:لا لا اختارينا احنا الكبار.
الجد عبدالعزيز وقف:ايه ايه.
زين:عمو سامر بنروح فيها.
سامر:دام هم اللي اختاروا أنفسهم فيذوقونه.
زين جابت كرسيين و حطتهم جنب بعض.
سامر:يلا تعالوا و اللعبه ذي ما فيه أي زعل.
ضحى واقفه عالكرسي.
هتان:تفضلي يا مدام.
ضحى:لا عيب تفضلي أنتي يا مدام.
هتان رفع حاجبه:و الله.
ضحى بتحدي:انتبه للسانك عشان احترمك.
هتان:اوكيه، و جلس عالكرسي.
عبدالله وقف و عبدالعزيز جلس عالكرسي.
زين:المسابقه هي أسأل سؤال و عندكم خمس ثوان تجاوبون لو ما فيه أي جواب صديقك بيفرقع بالونه مليانه مويه.
الكل:اووووه.
متعب:لحظه، زين ذي اللعبه ما تنفع لجدانك.
سلطان:اختاري غيرهم.
الجد عبدالعزيز:و ليه؟ احنا نبي هاللعبه.
الجد عبدالله:خلوكم في نفسكم.
ضحى أخذت البالون و الدبوس و قربت لاذن هتان:اخيراً شي يبرد القلب فيك.
هتان ناظر لها:لا تفرحين لان لو بللتيني بنقطه واحده أردها لك عشر.
ضحى بتحدي:نشوف.
زين:خلاص يا توم و جيري، نبدأ يا جدي.
الجد عبدالله:نبدأ يا عيون جدك.
زين:تذكروا أقل بالون ينفقع هو الفريق الفايز.
الكل يناظر بحماس.
زين:و من دون زعل اللي بيزعل من الحين ينسحب.
الكل ساكت.
سامر:يلا نبدأ.
زين بسرعه:جدي فاكهه بحرف الباء.
الجد عبدالله:بطيخ.
زين:جماد بحرف الصاد.
الجد عبدالله:صاد صاد صندوق.
زين:حلو، اخر سؤال اسم انثى بحرف الكاف.
الجد عبدالله:انثى، كامله.
الجد عبدالعزيز:و الكامل الله.
ضحى:فيه ناس إسمهم كذا؟
هتان:ايه ليه مستغربه؟
سامر:أنتوا يا اثنين استعدوا بدال المناقر.
زين:يلا فريق عمو سامر، مستعدين.
ضحى و هتان:ايـه.
زين:يلا هتان، الله يعزك و يعز السامعين حيوان بحرف الغين؟
هتان:غوريلا.
زين:شيء بحرف الواو.
هتان:ااا ورق.
زين:برافو، نبات بحرف الياء؟
هتان:..... ياء ،و شهق لما المويه انكبت عليه.
الكل ضحك.
زين:بالون واحد.
ضحى مبسوطه:كنا بنفوز يا خساره.
هتان ناظر لها:مردوده.
ضحى بتحدي:نشوف.
زين:بدلوا الكراسي.
هتان اخذ اكبر بالونه و حطها فوق راس ضحى.
زين:يلا جدي جاهز.
الجد عبدالعزيز:جاهز.
زين:شيء يبدأ بحرف الحاء.
الجد عبدالعزيز:حا حا حافله.
زين:نبات بحرف القاف.
الجد عبدالعزيز:قرع.
زين:اسم ذكر بحرف الفاء.
الجد عبدالعزيز:فـهـد.
زين:مبروووك.
ترف:خلصنا على خير و لا أحد طش الثاني.
فيصل:اي و الله.
زين:فريق عمو سامر.
هتان:ابدأي خليني افش غليلي.
ضحى:هيه أنت اللي جاوبت خطأ وهذا هو قرار المسابقه.
زين:ضحى ركزي، اسم بلد بحرف الواو.
ضحى:واشنطن.
زين:برافو، اسم نبات بحرف العين؟
ضحى:عين عين عين و صرخت:عنب عنب عنب.
زين:اوكيه اوكيه اسم ذكر بحرف الهاء؟
ضحى:هاء هـتـان هـتـان هـتـان.
الكل ضحك عليها.
هتان يقلدها:هتان هتان هتان.
ضحى بعصبيه:للأسف لي ان ما فيه الا اسمك خطر في بالي مالت عليك.
انفجر البالون من نفسه على ضحى و صرخت بقوه.
و الكل حط يده على فمه من الصدمه.
هتان بصدمه:و الله ما فجرته.
ضحى وقفت و ناظرت فيه بحقد.
زين:ضحى و الله صدق هو ما فجره.
سامر يكمل:هو فجر من نفسه.
ضحى:كلكم واقفين معه لكن أنا بأردها لك.
هتان:قلت لك ما فجرته و بعدين احنا بنفس الفريق.
ضحى همست له:حـقـيـر، رفعت شعرها و مشت من دون ما تعطي أي إهتمام.
هتان:يا بنت الحلال و الله ما فجرته.
زين طنشتها:اذا الفريق الفايز الفريق الاصفر بأول جوله.
صفقوا فريقها.
زين:الجوله الثانيه كمان شخصين من كل فريق بس هالمره بنات.
ترف:ايه و وش التحدي؟
زين:التحدي هو من يضبط الكبسه؟
سامر:طبعاً أسمائكم مكتوبه هنا، و رفع العلبتين.
زين:نختار، تعال عمو سلطان تختار الأسماء.
سلطان وقف:حاضر، مشى لزين و اختار من العلب ورقتين و قرأ الاسماء:أول إسم ترف.
ترف صرخت:يا عيني بياكلون اكل محروق.
الكل ضحك.
سلطان:الاسم الثاني و كشر:ذي قويه بس ما تقصر:هديل.
هديل ضربت كفها بكف ترف:بياكلون أكل محروق.
سلطان:الله يعينكم يا فريق زين.
سامر:خلنا نشوف مين بيطبخ لنا من فريقنا.
سلطان ابتسم:ياسمين ومها.
ياسمين:أبشروا بذاك الكبسه اللي تاكلون اصابعكم وراها.
سلطان:أجل حنا بخير ان شاء الله.
زين:اوكيه، الغدا راح يكون جاهز الساعه واحده، تمام الوقت.
عبدالعزيز:بالضبط.
زين تهمس لسامر:أنت قول لهم.
سامر:خلي هالقرار الحين بينفجرون مثل ما انفجرت ضحى.
زين: هزت راسها بايه:اذا كلا ينام في بيته و نلتقي على خير على موعد الغدا.
الكل:تمام.
زين:ترا طول اليوم فيه فعاليات فكل فريق يشد حيله.
متعب:يعطيكِ العافيه بابا.
زين:الله يعافيك يا أبو زين.
البنات ضلوا مع الخادمات يرفعون الصحون و يمدحون زين و أفكارها.
زين بدلع:وين بتلاقون مثلي.
ترف:زين وش رايك نبدل بين ضحى و احد من فريقنا.
ياسمين:أنا مع ترف لو ضلوا مع بعض كذا بيحرقون بعض.
زين:معكم حق بس بأكلم عمو سامر و أشوف للموضوع.
__
(غرفة البنات)
ضحى تنشف شعرها و تفكر في اللي سواه هتان، اندق الباب و ناظرت و ابتسمت:هلا بابا.
متعب:ممكن ادخل؟
ضحى:اكيد.
متعب جلس على فراشها:لا تشغلين المكيف و شعرك غرقان.
ضحى:لا ما راح أشغله بس اخليه شوي و اجففه بالايردري.
متعب:ترا مو هتان اللي فجر البالون.
ضحى:لا تجيب سيرته، ممكن.
متعب:و ليه؟ وش السبب اللي يخليك تنفرين منه و ليه لسانك طويل عليه ذي مو بشخصيتك.
ضحى:هو اللي بدأ هالحرب.
متعب بحلق عيونه:حـرب، الله يكفينا شر الحروب.
ضحى:ايه هو اللي بدأ يقول لي يالمايعه يالمدلعه يالمغروره و كلام كثير يا بابا، و بحزن:تصدق انه يقارني دايماً بأخواتي.
متعب:وش عليك منه و من كلامه، شي طبيعي يقول عنك هالكلام لانه ما يعرفك يا بابا.
ضحى بحزن:لا بابا هو يدور علي الزله عشان ينتقدني، كمان.......، و سكتت.
متعب:قولي يا بابا وش هو؟
ضحى:أول ما شفته قلت في نفسي ذا واضح عليه شخص هادي و ما يحب الغلط بس طلع كلامي غلط.
متعب:هتان فعلاً كذا بس اللي يعرفه صح، تبين أكلمه و أقول له يبعد عنك.
ضحى:لا بابا خلك انت و العائله برا موضوعنا و مصير بنتك تجيب راسه لهالهتان.
متعب إبتسم:أتمنى تنتهي حربكم على خير و سلام.
__
بعد كم ساعه، مطبخ الجد عبدالعزيز
ياسمين و مها في المطبخ و واضح عليهم النوم.
مها:مين بيساعدنا؟
ياسمين:ما غيرنا احنا.
مها تناظر للورقه:حاطين المقادير و الطريقه و كل أنواع الاجهزه قدامنا.
ياسمين:خلينا نبدأ في الدجاج و افرمي البصل.
مدى:اوكيه.
مطبخ الجد عبدالله
ترف:نفرم البصل و بعدها نضيفه في القدر مع زيت طبخ.
هديل حطت زيت كثير:مو ضايفين المقدار.
ترف:هديل شوي شوي.
هديل:اللي بعده، افرمي البصل.
ترف:افرميه أنتِ.
و كان كل المطبخين حايس بالمواعين و بالأكل و الصراخ و الضحك.
ياسمين تناظر في القدر:أقول لك صار ذا يصفر قد له ساعه.
مها:ايه و فيه ريحه غريبه افتحيه.
ياسمين:على قولتك، ياسمين جت بتفتح بس صرخت أمها:لا لا.
ياسمين و هديل نطوا من صوتها.
بسمه:تبون تقتلون أهل البيت، طفي النار.
مها قفلت الغاز:تم.
بسمه:ارفعي الصمام.
ياسمين رفعت الصمام:تم.
بسمه:اذا النفس ما عاد صار يطلع هواء او صوت تقدرون تفتحونه.
ياسمين حضنت أمها:شكراً عالمساعده.
بسمه:و حلو جت بوقتها، بعد ما تخلصون القدر ذا ودوه بيت جدكم عبدالله الكل بيتغدا هناك.
ياسمين بصدمه:نتغدا على دجاجه وحده.
بسمه:ما أدري عن زين.
__
بيت الجد عبدالله
زين قدمت طبقين للعجايز و طلبت منهم يقيمون الطبقين.
الجد عبدالعزيز أكل منه:الرز طبخه حلو بس واضح الدجاجه انطبخت بزياده بس طلعت ذايبه و حلوه.
الجد عبدالله:أنا أعجبني الطبق و البهارات اللي فيه حلوه.
زين:كم تعطونه يعني؟
عبدالعزيز:اعطيه سبعه.
الجد عبدالله:أعطيه ثمانيه لان الملح ناقص شوي.
زيد:زين ريحة الكبسه في راسي استعجلي.
زين:طيب الطبق الثاني.
عبدالعزيز اكل و عبدالله أكل و جلسوا يطعمون و تنحنحوا.
عبدالعزيز:واضح انه مطبوخ زياده عن اللزوم و احرقوه و اعطيه سته.
عبدالله يناظر في ياسمين و مها اللي حزنانين و بهدوء:أنا حبيته لاني أحب اللي محروق و اعطيه ثمانيه.
زين:كذا يكون و تناظر في النتايج:تعادل للفريقين.
الكل:حللللو.
زيد:ممكن ناكل؟
زين:طبعاً تفضلوا.
الجد عبدالله:تفضلوا البيت بيتكم.
ياسمين:زين كلنا نقلط على دجاجتين.
زين عقدت حواجبها:مين قال لك انها دجاجتين؟ نبيله طبخت غير اللي طبختوه مع السلطات و الايدام.
ترف:يعني كبسة أوادم.
زين ضحكت:ايه و كبساتكم معها اللي يبي ياكل منها ياكل.
ترف:و الله اني أشك احد ياكل منها.
الكل جلس يغرف من الأكل و تنوعت السوالف و الضحك.
يامن همس لياسمين اللي مقابلته على طول:ياسو.
ياسمين ناظرت فيه:هلا.
يامن:وين كبستك؟
ياسمين أشرت:ذي بس ما أنصحك تاكل منها.
يامن:اغرفي لي منها.
ياسمين غرفت له شوي:جرب و قول لي.
يامن ابتسم و صار ياكل منها:طعمها يهبل.
ياسمين بحلقت عيونها:محروقه.
يامن:أي شي من يدينك يهبل.
ياسمين ابتسمت:شكراً، حمرت خدودها و ناظرت في البنات تلتهي عنه.
زيد:جدو عبدالله عادي ناخذ نبيله منكم و تروح معنا الرياض.
الجد عبدالله:لا ممنوع، من يطبخ لي غيرها.
زيد:اتفق معك إتفاق، كل يوم نجي عندك نفطر و نتغدا و نتعشا و نبيله اللي تطبخ.
سلمان:ولـد استح على وجهك.
فيصل:و الله معه حق أكلها أحلى من خدمنا.
منار:اذكروا الله المراه لا يجيها شي.
الكل:ماشاء الله تبارك الله.
الجدعبدالعزيز:وش التحدي اللي بعده يا زين.
زين:ما فيه أي تحديات الين بعد العصر.
الجد عبدالله:ايـه ازيـن.
متعب كانت نظراته بين ضحى و هتان اللي ما كلموا بعض ولا ناظروا في بعض حتى و كله يتجنبون الصراخ او الكلام قدام الكبار.
سامر قفز بسرعه من الكرسي و الكل استغرب قفزته و ناظروا ليه وين متوجه و كان عند بنات متعب الصغار.
الكل ابتسم على طريقته بالترحيب و الحضن.
__
بالحوش طلع الكل و شاف المسار اللي عاملينه و لا يعرفون وين نهايته؟
زيد:هذا أيش؟
زين ببرود:هذا مسار.
زيد كشر:عارف انه مسار لايش يعني؟
زين:مسار سباق.
ياسمين بحلقت عيونها:نركض يعني.
زين:مو الكل.
سامر:هالسباق يخص الاولاد.
زين:من فريقنا يزيد و فيصل و من فريق عمو سامر يامن و زيد.
سامر:و احنا راضيين ما نكرر الشخصيات.
منار:عشان كل واحد ياخذ حقه في المسابقه.
يزيد:يلا مستعدين.
زين:كل واحد يحمل معه هالشال و ياخذ لفه و يعطي صاحبه اول ما يوصل و ياخذ الثاني لفه و أول واحد يوصل فريقه هو الفائز.
الفريقين صاروا كلهم يهتفون:يلا يزيد يلا يامن.
زين:يلا مع العد ١،٢،٣ انطلاق.
و انطلقوا.
زين في نفسها:بالتوفيق يزيد.
ياسمين:ياااارب نفوز.
هتان:فيصل ترا زيد أسرع من الكل فخلك نبيه.
ضحى بحلقت عيونها فيه:تشجعه وهو الفريق الثاني.
هتان:هذي معلومه للكل من زمااان.
ياسمين:معه حق زيد أخوي أسرع واحد في العائله.
زيد:خسرانين من الحين.
زين:أنتوا الخسرانين.
هتان:الحين مو بعيده انهم يسولفون مع بعض.
هديل:ههه ما استبعد ابداً.
الكل يترقب الوصول و طل يزيد وهو يجري بس يعرج على رجل و وراه يامن يركض.
زيد بخوف:يزيد رجع عليه الشد.
فيصل:يلا يزيد.
ياسمين:أخوي مصاب يالمهبول.
فيصل بمزح:وش عليه أبغا افوز.
يامن وصل قبل يزيد و سلم العلم لزيد بس زيد واقف يناظر لأخوه.
يامن صرخ:يلا زيد رووح.
زيد جرا و يناظر وراه عشان أخوه.
يامن حط كرسي بسرعه و زين جابت مويه.
يزيد سلم الشال لفيصل و جلس بسرعه عالكرسي.
يامن:وش هو؟ شد؟
يزيد:ايه ايه بس لا تحرك و لا شي ،و يحاول ياخذ نفس.
أبوه و أمه واقفين معه و الكل.
سامر:ما فيه الا العافيه كل واحد مكانه.
زين:يزيد احني ظهرك شوي كمان شوي.
يزيد يسوي اللي تقول له.
زين:ايه خذ نفس خذ نفس بعد.
يامن:بعد بعد.
زين:كذا يكفي، رجع ظهرك شوي شوي لورا.
يزيد رجع ظهره لورا و اخذ نفس طويل.
زين:أحسن.
يزيد هز راسه بايه.
زين صرخت:ليه ما قلت لي إنك تعبان في رجولك؟
يزيد رفع حاجبه:مين قال؟
يامن:ما عليك ذا شد نادراً ما يجيه.
زين تخصرت:ولو الحين لو صار لك شي أنا المسؤوله.
سلمان:فدا يا بنتي.
بسمه:لا تخافين ما فيه شي.
زين فكت المويه و ناولته:الحمدلله.
يزيد ابتسم على خوفها و شرب مويه.
يامن راح يجلس مع فريقه و ابو يزيد انضم للكل و فضلت أم يزيد معه و زين.
يزيد تنحنح و تكلم بانجليزي:أحببت خوفك علي لم يخف علي أحد من قبلك غير والديّ، كنت سأحضنك لاهدأ من خوفك و أمام الجميع لكن! كل شي بالحلال يصبح أجمل.
زين كانت تناظر له بصمت و فجأه حمرت خدودها من كلامه.
يزيد بالفرنسي:جوتيم.
زين بخجل:ميغسي.
يزيد بالانجلش:هل هذا ما سأسمعه عندما أخبرك باني أحبك أو الصمت.
زين بابتسامه:أنت قلت لي كل شي بالحلال يصبح أجمل، وقفت و مشت لين البوابه تناظر.
يزيد اتسعت إبتسامته و ناظر في أمه اللي تناظر له بهدوء.
بسمه:ايييه وش فيك قلبت حكيك قدامي.
يزيد غمز لها:تفهمينها و هي طايره يا أم يزيد.
بسمه:بس صدق كل شي بالحلال.
يزيد:هي اللي فهمتيها يعني.
بسمه:و الله من الكلمه و من نظرات البنت عرفت كلامك كله.
يزيد ابتسم:ان شاء الله.
بسمه:أبوك و جدك ينتظرون إشاره منك و وقتك تعطيهم.
يزيد يناظر في زين :بأكلمهم الليله إن شاء الله.
زين صرخت:أشوف يزيد جاي و ما فيه أثر لفيصل.
ترف ضحكت:يزيد جالس هنا من وين طلع يزيد ثاني.
زين غمضت عينيها بغبنه:اقصد زيد، و فيصل توه ظهر.
زيد وصل للبدايه و أعطى الشال لزين و مشى ليزيد:كيف صرت؟
يزيد:بخير، مبروك الفوز.
زيد:الله يبارك فيك ما يهمني الفوز اللي يهم أنت.
يزيد:لا تخاف اختفى الألم.
زين تناظر في فيصل و سلم لها الشال:آسف عالتأخير.
زين:الله يعطيكم العافيه، ما قصرتوا.
سامر:فاز الفريق الأخضر.
مها:فريق سامر.
سامر:لا انا و زين ضمن الفريق و مصيرنا نشارك في المسابقات اللي بقت الفريق الاخضر احنا و هم الفريق الأصفر.
فيصل لترف:وش معنى الاصفر بالذات.
ترف:لان زين تحبه.
زين:طيب المسابقه الثانيه راح تكون في المطبخ و المسابقه هي عصير عصير.
سامر:اثنين من كل فريق يدخلون المطبخ و يعملون عصير فريش او سلطة فواكه.
زين:النقاط تعتمد على الطعم و الشكل
حور:طيب على مين الاختيار؟
زين:اطلع الاسماء الحين ،و تلف الدولاب:يلا يلا.
سامر ابتسم:أم يزيد و....
زين دارت الدولاب:و....خاله عبير.
سامر:أم يامن.
هتان:يلا زين ناكل شي مو محروق.
زيد:خلنا نشوف مين من فريقنا بيطلع.
زين:عمو سلطان و بابا.
الفريق الاخضر:اووووه.
سلطان:وش قصدكم؟
متعب بضحكه:ما عليك منهم يا رجال.
زين:خاله عبير و خاله بسمه ممنوع تغششونهم كاتبين كل شي باوراق.
سامر:و كل شي واضح.
عبير:إن شاء الله.
و دخلوا كلهم المطبخ و شافوا نبيله:تفضلوا كل فريق ياخذ مكان و يبدأ يشتغل.
سلطان و متعب يناظرون في الورق.
سلطان:قطع لي البرتقال و خلني أكبسه و زينه انت بالفواكه.
متعب:استلم أنت العصير و انا الفواكه و اكتب مثل ماهو بالورق خذ كميه و أعصرهم مع بعض و وزع في الاكواب و انا بأقطع الفواكه.
عبير:شكلهم بيجيبون العيد.
زين دخلت لعندهم:يلا ما بدأتوا.
سلطان يغسل يدينه:الا ،من قال لك ما بدأنا.
متعب:لا تزعجينا يا زين.
زين بابتسامه:من عيوني يابو زين، مشت لفريقها:و أحلى أمهات بالعالم كيف الاوضاع؟
عبير:تمام التمام.
سميه:بنفوز إن شاء الله.
زين:فالكم الفوز.
سلطان:الحين صدق يا زين مين تبين يفوز؟
زين:شوف قلبي مقسوم نصين.
متعب و بسمه:اسم الله عليك.
زين:تعبير مجازي يا بابا و خاله بسمه، و تكمل:جزء مع بابا و جزء مع يـ مع جدو عبدالله و عبدالعزيز، و إن شاء الله تعادل.
متعب ابتسم لما عرف مقصدها.
زين طلعت بهدوء و شافت عبدالعزيز:وش فيك؟
الجد:الدنيا حـاره يا بنتي بندخل.
زين شافت الكل:تفضلوا حياكم الله مجلس الحريم.
سامر:زين بنحطهم غرفة السينما عشان اخر مسابقه.
زين:براحتك، و انتظرت لين يدخلون و طلعت و شافت يزيد قدامها و ابتسمت:كيفك الحين؟
يزيد:بخير لما شفتك.
زين:دووم، و طلعت.
يزيد:وين رايحه؟
زين:بأخذ الاوراق و أجيكم.
يزيد:اوكيه، و دخل.
زين التقطت الاوراق و صارت تناظر لها و تحسب و تكتب، فجأه حست بيد تلعب بشعرها و التفتت بقوه و شافت شاب طــويــل و أسووود و كان معضل و مبتسم لها، صـــرخـــت بأقوى صوت عندها:وخر عني وخر.
الاثيوبي:ما فيه خوف أنا يجي يبغا شغل.
الجد عبدالله و يزيد طلعوا و شافوه و صرخوا:ولد.
زين من دون ما تشعر من خوفها نزلت دموعها و تبكي.
الجد عبدالله:وش تبي هنا؟
زين مشت لورا يزيد و تخبت و مسكت كتفه و تبكي.
الاثيوبي:يبغا شغل.
الجد عبدالله:شغل أيش؟ ما عندي شغل، لف لزين:وش سوا لك؟
زين بخوف:مسك مـسـك شعري.
الجد عبدالله صفقه كف:اطلع برا.
يزيد بحده:قليل التربيه اطلع من هنا أحسن لك و الا بأكلم البوليس.
الشاب احتقر الجد عبدالله و يزيد و تكلم بكلام مو مفهوم و طلع بسرعه.
زين جلست بتعب و تبكي و جلس يزيد جنبها:زين لا تخافين احنا معك.
الجد عبدالله جلس:زين قولي يابوي وش سوا لك؟
زين ببكا:ما فيه شي ياجدي بس مسك شعري و أنا فكرته وحده من البنات و لما شفته خفت و صرخت ما سوا لي شي غيرها.
يزيد:سمعت صوتك أنا و جدي و عمي متعب.
زين:لا جدي تكفون بابا لا يدري الا بابا.
الجد عبدالله حضنها من الجنب:حبيبتي أنتِ ما راح نقول له وعـد.
يزيد تنهد:من وين طلع ذا؟
الجد عبدالله:يمرون مجهولين بين فتره و فتره ويطلبون شغل لكن لا أنا ولا جدك نشغلهم اخاف ينكبونا بعدين.
يزيد:الله يبعدهم عنا.
متعب طلع و شاف زين:وش فيك يا بابا؟
الجد عبدالله:شافت كلب مسعور و طاردها عشان كذا صرخت.
متعب حضنها بقوه:اسم الله عليك الرحمن الرحيم.
يزيد يصرف:يا خوافه تخافين من كلب.
متعب بعد عنها:ايه مو من عوايدك تخافين منهم بس وش صار هالمره؟ كانك شفتي الشيطان نفسه.
زين:تقدر تقول.
متعب ضحك بخفه:الله يجعلها بعمري و حضنها:اسم الله عليك، سمي و اذكري الله و المعوذات.
زين:طيب.
يزيد:خلصتوا العصير.
متعب:ايه ايه جيت أخذك تقيمين.
زين وقفت و اخذت الورق كله و دخلت معهم، توجهوا للمسرح و صار العصير و الاطباق قدامهم و اشرت:ذا صحن بابا.
عبير:وش دراك؟
زين:هو و ماما يرتبون الفواكه بهالطريقه.
سلطان:طيب يلا اعطونا الفايز مين؟
زين:خمسه اللي بيحكمون.
الكل:الله.
زين:عشان ما تقولون اني مو عادله.
الجد عبدالعزيز:افا من قال انك مو عادله.
زين:ما فيه أحد بس لازم نعطي حكم الاغلبيه.
هتان:كذا أنتِ تمام.
زين:طبعا جدو عبدالعزيز و جدو عبدالله و عمو سلمان و يامن و يزيد.
منار صرخت:و ليه ما تاخذيني أنا.
زين:أنتِ لا الين يذوق زوجك.
سامر ضحك:معها حق.
زين:جدي عبدالعزيز اعطنا تقييم للصحن هنا و هنا.
الجد عبدالعزيز:اللهم اني أقول الحق، الصحن الثاني.
زين:جرب العصيرات.
الجد عبدالعزيز شرب:طيب بس حامض و الثاني وسط.
الكل:ههههههههه.
زين:طيب قول لي كم تقيم رقم كل واحد.
الجد عبدالعزيز همس لها.
زين:يلا جدي عبدالله، و صار كل واحد يذوق منهم و يقيم.
زين تناظر في النتايج:اكثر سلطه فازت كشكل هي سلطة بابا و اكثر عصير بالطعم عصير خاله بسمه، يعني الفريقين متعادلين.
الكل صفق بقوه.
زين:بعد الصلاه إن شاء الله نرجع نكمل أخر جوله في المسابقه، و جلست بتعب.
يزيد حط من عصير أمه و قدمه لزين:خوفك باقي ما راح، اشربي منه شوي.
زين بحزن:صورته باقي عالقه براسي.
يزيد همس:عمري قلت لك لا تخافين أنا معك و كلنا معك بعد الله.
__
بعد صلاة العشاء
زين بهدوء:أخر مسابقه ليومنا الممتع وهي انا نركب لكم سماعات فيها موسيقى و راح يكون كل مشتركين من نفس الفريق، يعني انا مثلاً أجرب و تسألني حور و الاغنيه شغاله و تحط في بالها ثلاث كلمات و تبدأ تقول لي الكلمه عندي ٣ فرص عشان اجيبها صح.
الكل:اوكيه.
زين:تعالي حور أحط لك السماعات و من يسألها؟
فيصل رفع يده:أنا تكفين.
زين:تعال فيصل اجلس.
فيصل جلس و ابتسم:مستعده.
حور:اوكيه، اشتغلت الموسيقى.
فيصل:فحيح.
حور ساكته.
فيصل ابتسم:فحيح.
زيد:بالله ذي كلمه.
سلطان:ذا فريقهم مالنا شغل.
حور:فرح.
فيصل هز راسه بلا:فـحـيـح.
حور كشرت:مالت عليك أنت و كلمتك.
الكل:ههههههه.
عبير:و هي صادقه يا فيصل تصعبها عليها و علينا.
فيصل صرخ:فحيح ما عرفتيه.
حور وقفت و ضربت يده:وجع انت و الكلمه فحيح.
زين:صح جبتيها ،اللي بعده.
فيصل:صحراء.
حور:ايش؟
فيصل:صحراء.
حور:صحراء.
زين:صح اللي بعده.
فيصل:ليل.
حور:ايش؟
فيصل:لـيـل.
حور:ليث.
الكل:ههههههه.
فيصل:ليل ليل.
حور:هيل.
فيصل ياشر بلا:ليل.
حور كشرت:وش بلاني فيك؟
الكل:ههههههههههه
فيصل:لـــيـــل.
حور:نيل.
فيصل بضحكه:ياشيخه اتنيلي على عينك.
الكل:ههههههه .
زين ما تكلمت و سامر بسرعه:خطأ خلاص.
حور:وش اللي خلاني اوافق تكون أنت اللي يعطيني الجُمل.
فيصل:و الله واضحه بس أنتِ ما ركزتِ زين.
يزيد شاف زين سارحه:يلا دورك يا زين.
زين ناظرت:دوري بوش هو؟ العب.
يزيد سحب السماعه و جلس قدامها:ايه أنا بأسألك، و ابتسم.
زين حطت السماعه و ناظرت فيه:يلا نبدأ.
يزيد:أرجواني.
زين ساكته.
يزيد يكرر:أرجواني.
زين نزلت دموعها و بكت.
يزيد انصدم و حط يده على راسها:زيـن.
متعب و قف و الكل وقف:اسم الله عليك.
سلطان:وش فيها؟
سلمان:يزيد قلت لها شي؟
يزيد بلخمه:لا و الله ما قلت شي.
متعب حضنها:لا لا قبل المغرب طلع عليها كلب مسعور و باقي الخوف في قلبها.
سلطان:اسم الله عليك الرحمن الرحيم.
زين مسحت دموعها و ابتسمت:أنا آسفه.
سلمان:لا يابوي لا تتأسفين ليه؟
زين بابتسامه:خربت اللعبه.
يامن:لا بنكمل بس مو أنتِ اللي تكملين.
متعب حاضنها و يقرا عليها و كملوا المسابقه و كان أجواء ضحك و ربح و خساره و انتهت المسابقه بفوز الفريق الأخضر، و بما إن الفريق الأصفر خسر فكان هو اللي عليه العشاء و كان ميني سندوتشات مشكله عاملينها في البيت.
__
(وقت النوم ،بيت الجد عبدالعزيز)
يزيد دق باب غرفة أمه و أبوه و سلمان فتح:هلا حبيبي.
يزيد:فاضي يا أبوي ابيك بكلمه.
سلمان:ايه ادخل.
يزيد دخل و شاف أمه تمد السجاده و تكلمه:موضوعك اللي اليوم.
يزيد:ايـه.
سلمان:خير ،وش فيه؟
يزيد:أنا ابيك بكره تروح تخطب لي زين بنت عمي متعب.
سلمان:تقولها صادق.
يزيد:ايه انا مابي غيرها و أحبها.
سلمان:واضح من جلستك معها على طول، إبتسم:بس اختيارك مناسب وين بتلاقي مثل زين.
يزيد:و لا في أي مكان.
سلمان:خلاص ان شاء الله أخذ جدك و عمك و اخوك و بكره نروح نخطبها.
يزيد اتسعت إبتسامته:إن شاء الله، و كمان قول له نملك بعدها على طول.
سلمان:وش تملك يا ابوي الدنيا كورونا.
يزيد:ما يصير شي إن شاء الله امور الفحص اخوك سامر اكبر واسطه في الجنوب و الشيخ جدي يقول جنبهم واحد يكلمهم و بيجي على رجوله و كل شي يبونه أنا حاضر و من العين ذي قبل ذي.
أم يزيد سلمت:استغفر الله، الحين مو تبي خطبه أنت.
يزيد:صرت طماع و ابي الاثنين خطبه و ملكه بيننا حتى.
أم يزيد:اقلب وجهك.
يزيد ض ك:ليه؟
سلمان:خلاص حبيبي باللي تامر فيه ان شاء الله يصير.
يزيد وقف و باس راس أبوه:الله لا يحرمني منك، تصبحون على خير.
ايوه و أمه:تلاقي الخير.
انقفل الباب و ناظر سلمان في بسمه:وش رايك؟
أم يزيد:دام ربي هداه و اعترف انه يبي يتزوج فتوكلوا على الله.
_
(بيت الجد عبدالله)
زين كانت تبكي على فراشها مو قادره تنام من بعد اللي صار لها، تناظر في أخواتها اللي واضح عليهم انهم دخلوا في غيبوبة النوم، مسحت دموعها و أخذت جوالها و طلعت لغرفه ثانيه و دقت على رقم يزيد و جاها الرد:لبيه يا بعد الدنيا.
زين ببكا:يزيد أنا مو قادره أنام.
يزيد فز:ليه وش فيك؟
زين:كوابيس تطاردني، أحس إنه معنا بنفس البيت.
يزيد:زين اذكري الله كيف بنفس البيت؟ اسمعي يا قلب يزيد خذي سجادتك و صلي لك ركعتين و نامي و كل شي بيروح.
زين:متأكد يزيد.
يزيد:ايه كل شي في حياتنا نوكل ربنا فيه و بعدين كنت بأقول لك خبر يهبل بس دام كذا صوتك فلا بلاش.
زين:وش خبره؟
يزيد:لا مو الحين.
زين عندها فضول:طيب اسمع أنا بأروح أصلي و أرجع أكلمك.
يزيد:صلي بهدوء.
زين بابتسامه:اوكيه، لا تقفل خلك معي الين اوصل غرفتنا.
يزيد:تمام انا معك.
زين:اوكيه، فتحت الباب و دخلت غرفة أخواتها و قفلت الباب بالمفتاح:قفلته بالمفتاح و بأتوضا و أصلي و ارجع اكلمك بس لا تخسرني.
يزيد:و الله ما يهون علي أخسرك خلصي صلاتك و كلميني.
زين:اوكيه، و قفلت.
يزيد تنهد و في نفسه:أخاف حادثة اليوم بتخليها تتراجع عن كل شي هذا و الله اللي ما حسبت حسابه ابد، لازم أقول لها لاززم.
يامن ناظر بنص عين:يزيد قفل الابجوره و قفل جوالك ابغا أنام.
يزيد:ما عليش، قفلها و وقف من على سريره و طلع من الغرفه و نزل الدرج و دخل المطبخ و اخذ كوب و سكب فيه لبن و ناظر جواله ينور باسم زين و رد:تقبل الله.
زين:منا و منك، وش الشي اللي كنت تبي تقوله؟
يزيد:سؤال و تجاوبين عليه بصراحه.
زين:أسأل.
يزيد:أنا أحبك بس هل أنتِ تحبيني؟
زين ابتسمت:أكيد أحبك.
يزيد ابتسم:طيب حلو حب من طرفين ، و هل اذا خطبتك بتوافقين؟
زين:أوافق ليه لا اذا كان فيه حب و توافق ان شاء الله.
يزيد:بكره اهلي جايين يخطبونك.
زين:عن المزح يزيد تعرف إني أخجل من هالكلام.
يزيد:و الله ما أكذب، تذكرين لما قلت كل شي بالحلال أجمل.
زين بابتسامه:ايه.
يزيد:اليوم خوفك و بكاك قدامي خلاني أصنم مكاني و لا قدرت أتحرك و تذكرت ان احنا باقي بعيدين عن بعض، اليوم لا شعوريا مسكت شعرك ابهديك بس نظرات عمو متعب المخيفه خلتني ارجع لوعيي و اكرر بالحلال أجمل.
زين مبتسمه.
يزيد:عشان كذا أنا كلمت أبوي و قلت له بكره و بعد كم يوم نملك على بعض عشان تكونين ملكي و معي يا زين، لخبطتيني من أول يوم شفتك فيه لعبتي فيني.
زين بضحكه:أنا وش ذنبي ههههه.
يزيد:اااااه يا زين، تكفين زين وافقي راح تحبيني.
زين:هههه إن شاء الله بس لازم تعرف ما بيصير شي الا لما ماما تكون موجوده.
يزيد:ماما بنكلمها و ناخذ موافقتها إن شاء الله.
__
(بيوم جديد)
تمت خطبة يزيد و زين من دون ما يشوفون بعض و تم الاتفاق عالملكه بسرعه، سامر و منار اخذوا يزيد و زين للمستشفى و عملوا تحاليل الفحص بمستشفى خاص و معارف سامر كثير فقرروا يطلعون النتيجه في نفس اليوم و اللي كانت سليمه وتم الاتفاق على عقد الزواج و المهر و الشروط بس زين تنتظر موافقة أهم شخص بحياتها و هي(أم زين).
__
(غرفة متعب)
زين دقت الباب و سمح متعب بالدخول، دخلت و جلست قدام أبوها:مساء الخير.
متعب قفل الكتاب:مساء النور.
زين:ابيك بكلمة راس.
متعب ابتسم:وش هي أمريني.
زين:ابي أكلم ماما و أقول لها ان عقدي بكره.
متعب:ماما معها خبر و ما وافقت أنا الا لما وافقت هي بنفسها.
زين:طيب هي ليه ما تكلمنا و جدو مسفر كمان ليه ما يكلمنا؟
متعب:ماعرف يا بابا حتى أنا اللي اشتقت لها و ابغا أشوف وجهها مو راضيه تكلمني فيديو.
زين:طيب أنا بأدق عليها فيديو.
متعب:دقي عليها، و أعطاها الجوال.
زين اخذت الجوال و دقت فيديو على رقم أمها و رد الجد مسفر بإبتسامه:كنت ناوي أدق عليك.
زين:جدو أنا زين.
الجد مسفر:حبيبة قلبي، كيفك يابوي و مبروك خطوبتك.
زين:الله يبارك فيك، عقدت حواجبها:جدو أنت في المستشفى.
الجد مسفر:ايه يا قلبي ماما تعبت علينا...
زين بسرعه:ليه وش صار لها؟
الجد مسفر:كل خير يا بنتي، بابا جنبك خليني أعطيه هالخبر.
زين أعطت الجوال لابوها و سلم عالجد مسفر و سأل عن الحال و الأحوال.
الجد مسفر:فرحتك اليوم بثلاث فرحات.
متعب:عسى خير.
الجد مسفر:نيهال بنتي بالشهر اللي رجعتوا فيه للسعوديه اكتشفت بنتايجها انها حامل و كل الوحم انقلب عليك و على بناتك مو كرها فيك و لا فيهم ابداً، الضغط و السكر بهالحمل كان لاعبين فيها و البارح ارتفع الضغط و جبناها للمستشفى و قالوا ولاده مبكره و قيصريه.
زين بصدمه:أمي حامل.
متعب عاقد حواجبه:متى حملت؟ مسك راسه:و أم زين وين؟
مسفر:لا تخافون هي بخير و جابت اثنين صبيان بس لان ما كملوا الشهر السادس باقي فحاطينهم في الحضانه.
زين بفرح حضنت أبوها و باركت له.
متعب بضياع:كم عمر أخواتك؟
زين:يبه وش فيك تموا الشهر العاشر اليوم.
متعب:نيهال وين ابي أكلمها.
زين:بأزف هالخبر الحلو، و نطت من السرير بسرعه و طلعت.
متعب صرخ:على مهلك أنتِ بعد ملكتك اليوم.
زين صرخت:جدي جدي ، و تنزل الدرج بسرعه.
الجد عبدالله:على مهلك يا عروسه.
زين وصلت له و لاخواته:هات البشاره.
الجد عبدالله:عطيتك.
زين:بابا رزقه الله بتوائم صبيان.
البنات:ايش؟
ترف:وش ذا الخرابيط؟
حور:الكاميرا الخفيه.
زين:و الله ما أكذب الحين بابا فوق يكلم جدو مسفر.
ضحى:يعني احنا صار عندنا أخوان.
متعب ينزل الدرج:و شرفوا الصبيان بعايلتنا.
البنات نطوا لحضن أبوهم يباركون له و الجد بارك له و منار كمان.
حور:يعني ماما مسويه مقلب فينا.
زين:مو مقلب ماما توحمت على بابا و علينا عشان كذا هي ما كانت تبينا معها.
منار:كلمتها طيب؟
متعب هز راسه بلا:عمي يقول لسى بغرفة العمليات و ما افاقت من البنج.
منار مسكت بطنها:الله يفرج كربة كل أم.
متعب:الله يجعلك ساعه طيبه يا روح أخوك.
منار:آمين.
__
بعد صلاة العصر
تم عقد يزيد و زين اللي طايرين من الفرح، و انتشر خبر ولادة توائم متعب الصبيان اللي انتظرهم كل هالسنين و الفرحه صارت فرحتين و الجد عبدالعزيز تكرم بذبيحتين على شرف العرسان و الضيوف الجدد بالعائله.
زين:يعني يا جدي بشرتك بجية التوائم و لا أعطيتني شي.
الجد عبدالله وقف:أفا بس راح أجيبها لك الحين.
ضحى:ترا لو أنا اللي مع بابا كان أعطيته الخبر و أخذت البشاره.
زين تناظر في أخواتها:قولوا أنتوا بعد مثل كلامها.
حور:لا احنا آخر همنا الفلوس.
ترف:طبعاً.
مدى:و احنا تاركينك فرحانه عشان اليوم مميز لك.
يزيد:يا سلام و مو مميز لكم أنتوا بعد.
مها:الا نفتك من الكبيره و يجون اثنين ياخذون الحب كله من بابا.
متعب:أحبكم كلكم بمقياس واحد ما فيه أحد أكثر من الثاني.
الجد عبدالعزيز:زين اول حفيده و اول ضنى لابوكم فأكيد يحبها اكثر بشوي.
هتان:زين عاقله و مؤدبه و رزينه فاكيد ذي الصفات اللي يحبها عمي في بناته.
ضحى بحقد:وش قصدك؟ قصدك اني همجيه و مشاكسه.
عبير:لا تبدون أنتوا يا اثنين احنا فرحانين اليوم و لا نبي أي مشاكل.
متعب:روحي يا زين جدك ينتظرك اكيد.
زين وقفت:تمام، وطلعت بهدوء ودخلت بيتهم ومشت بهدوء و شافت الباب مفتوح ودخلت وانصدمت لما شافت جدها طايح وسابح بدمه والخنجر مغروسه في بطنه ،تقدمت شوي ونادت:جدي جدي، نزلت على ركبها:جدي رد عليه أنا زين جــدي، صنمت مكانها وهي تشوفه سابح بدمه و نزلت دموعها و حطت يدها بالدم من دون ماتمسك أي دليل:أنا ما قتلتك صح، لطخت بيدها الثانيه في الدم و وقفت بهدوء و طلعت من الباب و هي تحاول تاخذ نفس و دخلت بيت عبدالعزيز و توجهت لهم.
ضحى:ها وين البشاره؟
الكل يناظر لها.
بسمه باستغراب:يا بنتي وش فيك؟
متعب وقف:زين.
يزيد وقف معه و الكل و توجهوا لها:زين.
متعب:زين وش فيه؟
زين تحاول تتكلم مو قادره.
متعب مسك أكتافها و هزها:زين تكلمي.
زين بتأتأه:أنـ أنـ أنـا ما ما ما ما قـتلـ قـتـلـتـه.
يزيد:وش هو؟، و مسك وجهها:وش صار؟
زين نزلت دموعها:جدي انقتل ،و هذا هذا دمه بس مو أنــا، رفعت يدها قدامهم:الاثيوبي قتله و ناظرت في يزيد:اللي دخل علينا الحوش.
يزيد بخوف:جدي عبدالله مقتول.
زين هزت راسها بايه  بكت بقوه:قتله الله ياخذه قتله، جدي انقتل جدي انقتل.
مشوا الرجال كلهم و زين مسكت يزيد:و الله ما تروح و الله ما تروح بيقتلك أنت بعد بيقتلك أنت بعد، وحضنته:و الله ما تروح يا يزيد و صرخت و كررت اكثر من مرره و فجأه طاحت بينهم.
__
يـــتـــبـــع _____>