شهد : خيرك فرحان
وليد : لا فرحان لا شي
شهد تكلم في نفسها : زعما نبخر من توا
مصعب : بلا هبال
شهد : بسم الله من وين طلعتلي
مصعب وهوا يطبق في الصلايه : وين بنكون يعني جاي من المسجد
شهد : الله علي الايمان ما عرفتكش ههههه
مصعب : شوشو جعان اعطيني اي شي ناكله
شهد : خدامتك اني مالا برا المطبخ
مصعب وهوا ماشي للمطبخ : باهي به
شهد : رد بالك تاكل من الحلو صاحبتي جايه
مصعب : تي باهي حتي الجيران عرفت صاحبتك جايه
......................
ساعه اربعه العصر
امل : ايه امى شارع بزبط
شهد : في راس الشارع تلقى محل حلويات جنبه مكتبه هدا هوا
امل : تي معرفتاش لينا ساعه ندورو
سامي : قوليلها تعطيني خوها
امل : خلي خوك يكلم خويا
شهد : لحظه هي
شهد : وليد يا وليد
وليد : ايوا
شهد مدتله التلفون : خود ليهم ساعه يدورو ما عرفوش الحوش
وليد : السلام عليكم
سامي : وعليكم السلام وين الطريق بزيط
وليد : انت وين وصلت بالزبط ؟
سامي : اني وصلت جنب محل اسمه .......
وليد : ايوا شبه وصلت شارع الاول لا شارع التاني علي يدك اليمين
سامي : تمام 👍🏻
شهد : شن صار ؟
وليد : قريب يوصلو
شهد : وهيا تبخر في الحوش
مصعب وهوا نازل من الدرج : وانتي اربعه وعشرين ساعه تبخري قول مشعوذه لطف ههههههه ومع شعرك هدا ليشوفك بحسابك ساحره هههه
شهد : جوي رايق ما نبيش معدله عليك هي اطلع صاحبتي قريب توصل
مصعب : خاطري نشوفها صاحبتك وانتي ليك فتره تتكلمي علها
وليد كانه اضايق: شني تشوفها تحشم علي وجهك واطلع هي
مصعب : اهداء حبيبي ههههه يلا سلام
سامي : ردي بالك تعطلي ساعه بالكتير نكلمك اطلعي
امل : ان شاءالله تمام
سامي : ايوا حركات متع شويه وكذا لا فاهمه
امل : قلنا تمام خيرك تفهمش
سامي خبطها بيده : تكلمي كويس والله نرجع بيك للحوش
امل وجعتها الخبطه وساكته
شويه وصلو لحوش شهد نزلت امل وجايبه كوكيز معاها
ورن جرس البيت وشهد فتحت الباب دخلت امل للحوش
وطلع وليد لي سامي وهوا طالع شاف امل معاش قدر ينزل عينه من علها
خشت امل وهيا كانت حاسه بنظرات وليد لكن كانت فرحانه مش مضايقه
وليد : يا هلا
سامي : هلا بيك
وليد : تفضل خش وين ماشي
سامي : والله ماشي لصاحبي
وليد : لالا والله ما تصير تفضل معاي
سامي : يلا توكلنا علي الله
شهد : واااي استحشتك يا بنت
امل : اني اكتر والله وتفضلي هذا ليك
شهد : وااي كوكيز نحبه شكله لذيذ
امل : فديتك
شهد : تفضلي تفضلي الحوش حوشك حبيبتي
امل وهيا تحول في العبايه والحجاب : تسلمي
جت ام شهد : اهلين بنيتي نورتي الحوش
امل ناضت سلمت علها : منور بنورك عمتي كيف حالك
نوريه : الحمد لله بخير كيف حال امك واختك
امل : والله في احسن حال
بعد نص ساعه قالت شهد : شن. رايك نجلسو برا في الحديقه جو يجنن
امل : علاش لا هي وهيا كيف نايضه بتلبس العبايه والحجاب
شهد : لالا عادي مافيش حد البرا والسور متاعنا عالي امان ههههه
امل : اه تمام
طلعو البنات يتصورو ويهدرزو وانسجمو مع بعض ناضت شهد بتجيب الضيافه الباقيه وهيا ماشيه
أنت تقرأ
روايه : أمل
Truyện Ngắnروايتي مقتبسه من قصه حقيقيه عن بنت تعاني هلبا في حياتها عايشه في بيئه معقده ومحرومه من حقوقها .. امل .. صاحبه القصه تبي توصل صوتها لكل العالم تبي نصحصح الناس من الغفله تبي توقف مع كل بنت مظلومه زيها ... روايتي لا تخلي علي سرد لطيف ونصوص رومنسيه وقصه...
